ISSI اور ایتھوپیئن خارجہ امور کے درمیان یادداشت پر دستخط
اشاعت کی تاریخ: 16th, January 2026 GMT
اسلام آباد:(نیوزڈیسک) انسٹی ٹیوٹ آف اسٹریٹیجک اسٹڈیز اسلام آباد (آئی ایس ایس آئی) نے ایتھوپیا کے دارالحکومت ادیس ابابا میں قائم ادارۂ خارجہ امور (انسٹی ٹیوٹ آف فارن افیئرز) کے ساتھ ادارہ جاتی تعلقات کو باضابطہ شکل دیتے ہوئے ایک مفاہمتی یادداشت پر دستخط کیے۔ مفاہمتی یادداشت پر آئی ایس ایس آئی کی جانب سے چیئرمین بورڈ آف گورنرز سفیر خالد محمود جبکہ ایتھوپیا کے ادارۂ خارجہ امور کی جانب سے ایگزیکٹو ڈائریکٹر عزت مآب جعفر بدرُو گیلیتو نے دستخط کیے۔
یہ مفاہمتی یادداشت سینٹر فار افغانستان، مشرقِ وسطیٰ اور افریقہ (CAMEA) کی معاونت سے طے پائی۔ دستخط کی تقریب میں ایتھوپیا میں پاکستان کے سفیر عاطف میاں شریف اور پاکستان میں ایتھوپیا کے سفیر ڈاکٹر اوعمر حسین اوبا بھی شریک ہوئے۔
تقریب سے خطاب کرتے ہوئے ڈائریکٹر CAMEA ڈاکٹر آمنہ خان نے کہا کہ مفاہمتی یادداشت پر دستخط دونوں اداروں کے درمیان گرمجوشی اور دوطرفہ روابط کے دائرہ کار کو وسعت دینے کی مشترکہ خواہش کا مظہر ہیں۔ انہوں نے امید ظاہر کی کہ یہ معاہدہ باہمی دلچسپی کے امور پر مشترکہ تحقیق اور مکالمے کے ذریعے پاکستان اور ایتھوپیا کے تعلقات کو مزید مضبوط بنانے میں مددگار ثابت ہوگا۔
مفاہمتی یادداشت کا خیرمقدم کرتے ہوئے سفیر خالد محمود نے کہا کہ پاکستان اور ایتھوپیا کے درمیان دیرینہ اور خوشگوار تعلقات قائم ہیں، اور ادارۂ خارجہ امور کے ساتھ تعاون پاکستان کی اینگیج افریقہ پالیسی سے ہم آہنگ ہے، جس کا مقصد مکالمے، تحقیق اور علم کے تبادلے کو فروغ دینا ہے۔ انہوں نے کہا کہ یہ شراکت داری علاقائی تعاون اور باخبر پالیسی سازی کے فروغ کے لیے آئی ایس ایس آئی کے عزم کی عکاس ہے۔
ایتھوپیا کے ادارۂ خارجہ امور کے ایگزیکٹو ڈائریکٹر جعفر بدرُو گیلیتو نے اس مفاہمتی یادداشت کو ایک تاریخی قدم قرار دیتے ہوئے کہا کہ یہ دہائیوں پر محیط دوستی کو نئی روح بخشتا ہے، نیک نیتی کو عملی اقدامات میں بدلتا ہے اور تحقیق و ادارہ جاتی تعاون کو مضبوط بناتا ہے، جس سے دونوں ممالک کے درمیان گہرے مکالمے اور مشترکہ اقدامات کے مواقع پیدا ہوں گے۔
پاکستان کے سفیر عاطف میاں شریف نے کہا کہ یہ معاہدہ مشترکہ تحقیق، علم کے تبادلے اور باخبر پالیسی مکالمے کی حوصلہ افزائی کرے گا، جبکہ براہِ راست پروازوں، مشاورت اور نمائشوں کے ذریعے دوطرفہ تعلقات میں بہتری آ رہی ہے۔
ایتھوپیا کے سفیر ڈاکٹر اوعمر حسین اوبا نے مفاہمتی یادداشت کی افادیت پر روشنی ڈالتے ہوئے کہا کہ یہ معاہدہ دونوں ممالک کے تعلقات میں موجود خلا کو پُر کرنے میں مدد دے گا اور تربیت و ادارہ جاتی روابط کے ذریعے عملی تعاون کو فروغ دے گا، جس سے پائیدار اشتراک اور باہمی فوائد کی راہ ہموار ہوگی۔
تقریب کے اختتام پر دونوں فریقین نے مفاہمتی یادداشت پر باضابطہ طور پر دستخط کیے۔
.
ذریعہ
ذریعہ: Daily Mumtaz
کلیدی لفظ: مفاہمتی یادداشت پر ایتھوپیا کے کے درمیان کہا کہ یہ نے کہا کہ دستخط کی کے سفیر
پڑھیں:
پاکستان کے خلاف ٹیسٹ سیریز: ویسٹ انڈیز نے 15 رکنی اسکواڈ کا اعلان کر دیا
پاکستان کے خلاف دو ٹیسٹ میچوں کی سیریز کے لیے ویسٹ انڈیز نے 15 رکنی اسکواڈ کا اعلان کر دیا۔
ویسٹ انڈیز کی قیادت روسٹن چیز کریں گے جبکہ جومیل واریکن کو نائب کپتان مقرر کیا گیا ہے۔
اسکواڈ میں جوشوا بیشپ، تیج نارائن چندرپال، جوشوا ڈی سلوا، جسٹن گریوز، کیوم بوج، شے ہوپ، عامر جینگو، شیمار جوزف، برینڈن کنگ، کرک میک کینزی، گڈاکیش موتی، کیمو پال، کیمار روچ، جیڈن سیلز اور جومیل واریکن شامل ہیں۔
واضح رہے کہ پاکستان اور ویسٹ انڈیز کے درمیان دو ٹیسٹ میچوں کی سیریز کا آغاز 25 جولائی سے ہوگا۔
View this post on Instagramقومی ٹیم نے آخری مرتبہ 2023 میں سری لنکا کو اس کی سرزمین پر 2-0 سے ٹیسٹ سیریز میں شکست دی تھی، تاہم اس کے بعد پاکستان مسلسل سات بیرونِ ملک ٹیسٹ میچ ہار چکا ہے۔
اس سیریز میں پاکستان کی قیادت دوبارہ بابر اعظم کر رہے ہیں جنہیں شان مسعود کی جگہ ٹیسٹ ٹیم کا کپتان مقرر کیا گیا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا