سوشل میڈیا پلیٹ فارم ایکس کو ایک ہفتے میں دوسری بار عالمی سطح پر تکنیکی خرابی کا سامنا
اشاعت کی تاریخ: 16th, January 2026 GMT
سوشل میڈیا پلیٹ فارم ایکس، جو پہلے ٹوئٹر کے نام سے جانا جاتا تھا، جمعے کے روز عالمی سطح پر شدید تکنیکی خرابی کا شکار ہوگیا۔ ایک ہفتے کے دوران یہ دوسرا موقع ہے جب صارفین کو پلیٹ فارم تک رسائی میں مشکلات کا سامنا کرنا پڑا۔
یہ بھی پڑھیں: خود کو ایلون مسک کے بیٹے کی ماں قرار دینے والی خاتون نے ایکس اے آئی پر مقدمہ دائر کردیا
دنیا کے مختلف حصوں سے صارفین نے بتایا کہ ویب سائٹ اور موبائل ایپ لوڈ نہیں ہو رہی تھی جبکہ کئی افراد کو خالی اسکرین نظر آئی۔ بعض صارفین کے مطابق انہیں کلاؤڈ فلیئر کی ایرر اسکرین بھی دکھائی دی، تاہم مسئلہ پلیٹ فارم کے اندرونی نظام سے متعلق تھا اور حالیہ کلاؤڈ فلیئر خرابی سے مختلف بتایا گیا۔
کئی صارفین نے شکایت کی کہ ایپ مکمل طور پر بند رہی جبکہ بعض کو کئی گھنٹے پرانی پوسٹس دکھائی دیتی رہیں۔ تکنیکی مسائل پر نظر رکھنے والی ویب سائٹ کے مطابق شام 8:15 بجے شکایات کی تعداد 315 تک پہنچ گئی، جو کچھ دیر بعد کم ہو کر 245 رہ گئی۔
یہ بھی پڑھیں: دنیا بھر میں انٹرنیٹ سروس متاثر: گڑبڑ کے پیچھے کلاؤڈ فلیئر، یہ ہے کیا؟
امریکا میں مقامی وقت کے مطابق صبح 10:35 بجے تک ایکس سے متعلق 41 ہزار سے زائد شکایات رپورٹ ہوئیں۔ برطانیہ میں تقریباً 8 ہزار جبکہ بھارت میں 2400 سے زیادہ مسائل سامنے آئے۔ پاکستان میں شکایات کی تعداد شام 7:38 بجے 93 تک پہنچی جو بعد ازاں 8:23 بجے کم ہو کر 4 رہ گئی۔
پلیٹ فارم انتظامیہ کی جانب سے اس تکنیکی خرابی پر فوری طور پر کوئی باضابطہ بیان جاری نہیں کیا گیا۔
واضح رہے کہ منگل کے روز بھی دنیا بھر میں ہزاروں صارفین کو ایکس تک رسائی میں دشواری کا سامنا کرنا پڑا تھا۔ اس وقت امریکا میں شکایات کی تعداد 28 ہزار سے تجاوز کر گئی تھی، تاہم بعد میں صورتحال بہتر ہونا شروع ہوگئی تھی۔
یہ بھی پڑھیں: ایکس اے آئی میں ڈاؤن سائزنگ، 500 سے زیادہ ملازمین نوکری سے فارغ
اس سے قبل نومبر 2025 میں ایک تکنیکی مسئلے کے باعث ایکس کچھ دیر کے لیے بند ہوگیا تھا، جبکہ مارچ 10 گزشتہ سال پاکستان سمیت دنیا بھر میں پلیٹ فارم پر خرابی سامنے آئی تھی، جسے اس وقت سائبر حملے کا نتیجہ قرار دیا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایکس اے آئی تکنیکی خرابی سوشل میڈیا.
ذریعہ
ذریعہ: WE News
کلیدی لفظ: ایکس اے ا ئی تکنیکی خرابی سوشل میڈیا تکنیکی خرابی پلیٹ فارم
پڑھیں:
پشاور سمیت مختلف اضلاع میں بجلی کا طویل بریک ڈاؤن، شہریوں کو مشکلات کا سامنا
پشاور:خیبرپختونخوا کے دارالحکومت پشاور سمیت صوبے کے متعدد اضلاع میں بجلی کا طویل اور غیر معمولی بریک ڈاؤن شہریوں کے لیے عذاب بن گیا۔
شدید آندھی اور طوفان کے بعد شام تقریباً 6 بجے اچانک بجلی کی فراہمی معطل ہوئی جو کئی گھنٹے گزرنے کے باوجود مکمل طور پر بحال نہ ہو سکی۔
بجلی کی بندش کے باعث پشاور، مردان، چارسدہ، نوشہرہ اور دیگر متاثرہ علاقوں میں شہری شدید مشکلات کا شکار ہیں۔
گرمی اور حبس کے باعث گھروں میں موجود بچوں، بزرگوں اور مریضوں کو سخت پریشانی کا سامنا کرنا پڑا جبکہ کاروباری سرگرمیاں بھی متاثر ہوئیں۔
مزید پڑھیںپشاور سے کراچی تک نئی عوام ایکپریس ٹرین سروس شروع
شہریوں کا کہنا ہے کہ آندھی شروع ہوتے ہی بجلی غائب ہوگئی تاہم طوفان کے خاتمے کے کئی گھنٹے بعد بھی بجلی بحال نہ ہونا متعلقہ اداروں کی کارکردگی پر سوالیہ نشان ہے۔ متعدد علاقوں میں لوگ رات گئے تک بجلی کی واپسی کے منتظر رہے۔
دوسری جانب پیسکو حکام کے مطابق طوفانی موسم کے باعث بجلی کے ترسیلی نظام میں فنی خرابی پیدا ہوئی ہے جس کے باعث مختلف فیڈرز متاثر ہوئے۔
حکام کا کہنا ہے کہ تکنیکی ٹیمیں بحالی کے لیے کام کر رہی ہیں اور مرحلہ وار بجلی کی فراہمی بحال کی جا رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ