سیاست سڑکوں پر سرکس نہیں، عوامی خدمت کا نام ہے: عظمیٰ بخاری
اشاعت کی تاریخ: 17th, January 2026 GMT
لاہور (نیوز رپورٹر) وزیر اطلاعات و ثقافت پنجاب عظمیٰ بخاری نے کہا کہ پنجاب حکومت کی کارکردگی محض دعوئوں تک محدود نہیں بلکہ اس کے نتائج عملی طور پر گرائونڈ پر نظر آ رہے ہیں۔ انہوں نے کہا کہ وزیر اعلیٰ پنجاب مریم نواز کی کارکردگی کا اصل معیار ان کے منصوبوں کی شفافیت، مؤثر نگرانی اور عوامی ریلیف ہے۔ اسی ماہ نواز شریف کینسر ہسپتال کی او پی ڈی جبکہ سرگودھا میں جدید کارڈیالوجی ہسپتال کا افتتاح ہونے جا رہا ہے۔ سرکاری ہسپتالوں میں مفت ادویات کی فراہمی، فیلڈ ہسپتالوں کا قیام اور ’’کلینک آن ویلز‘‘ جیسے منصوبے صحت کے شعبے میں انقلاب کی حیثیت رکھتے ہیں۔ جبکہ کوتاہی برداشت نہیں کی جاتی۔ عظمٰی بخاری نے کہا کہ مریم نواز عوام کو ملنے والے ریلیف میں کسی قسم کی کمی برداشت نہیں کرتیں اور نہ ہی عوام کے تحفظ پر کوئی سمجھوتہ کیا جاتا ہے۔ انہوں نے واضح کیا کہ ’’آدھا تیتر اور آدھا بٹیر‘‘ کی سیاست کرنے والے دراصل سیاسی بونے ہیں، سیاست دراصل خدمت کا نام ہے، سیاست ہر مہینے سڑکوں پر سرکس لگانے کا نام نہیں۔
.
ذریعہ
ذریعہ: Nawaiwaqt
پڑھیں:
نیشنل کانفرنس کی حکومت ہر محاذ پر ناکام ہو چکی ہے، غلام علی کھٹانہ
بی جے پی کے لیڈر نے کہا کہ ان کی جماعت جموں و کشمیر بھر سے عوامی آراء اور شکایات جمع کر رہی ہے اور عوامی مسائل کو پارلیمنٹ میں اٹھایا جائیگا۔ اسلام ٹائمز۔ بھارت میں برسراقتدار مخلوط حکومت کی اتحادی جماعت بی جے پی کے لیڈر اور راجیہ سبھا کے رکنِ پارلیمان انجینیئر غلام علی کھٹانہ نے الزام عائد کیا کہ جموں و کشمیر میں نیشنل کانفرنس کی قیادت والی حکومت عوامی مسائل کے حل میں ہر محاذ پر ناکام ثابت ہوئی ہے، جس کے باعث عوام میں بے چینی اور ناراضگی بڑھ رہی ہے۔ ضلع رامبن کے سب ڈویژن بنیہال میں منعقدہ ایک عوامی دربار سے خطاب کرتے ہوئے جس میں مقامی باشندوں اور سرکاری افسران نے شرکت کی، غلام علی کھٹانہ نے دعویٰ کیا کہ گزشتہ دو برسوں کے دوران تعلیم، صحت، پینے کے صاف پانی اور بجلی کے شعبوں کی حالت مزید خراب ہوئی ہے۔ انہوں نے وزیرِ اعلیٰ عمر عبداللہ کی قیادت والی حکومت پر عوام سے دور ہونے کا الزام عائد کرتے ہوئے زیادہ جوابدہی کا مطالبہ کیا۔
بی جے پی کے لیڈر نے کہا کہ ان کی جماعت جموں و کشمیر بھر سے عوامی آراء اور شکایات جمع کر رہی ہے اور عوامی مسائل کو پارلیمنٹ میں اٹھایا جائے گا۔ انہوں نے مرکز کے زیرِ انتظام جموں و کشمیر کی انتظامیہ کی کارکردگی پر وائٹ پیپر جاری کرنے کا مطالبہ بھی کیا اور گوجر-بکروال برادریوں اور بے گھر کشمیری پنڈتوں کے لئے مزید حفاظتی اقدامات کی ضرورت پر زور دیا۔ عوامی ملاقات کے دوران مختلف عوامی مسائل اور ترقیاتی امور پر بھی تبادلۂ خیال کیا گیا، جس میں مقامی حکام، بی جے پی رہنماؤں اور علاقے کے باشندوں نے شرکت کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ