تحریک تحفظ آئین پاکستان نے 8 فروری کو ملک گیرپہیہ جام ہڑتال کااعلان کردیا
اشاعت کی تاریخ: 17th, January 2026 GMT
کراچی : تحریک تحفظ آئین پاکستان کی قیادت نے 8 فروری کو ملک بھر میں پہیہ جام ہڑتال اور یوم سیاہ منانے کا اعلان کردیا ہے۔ عوام سے اپیل کی گئی ہے ووٹ کے تحفظ۔آئین کی بالادستی،حقوق کے حصول، آزاد عدلیہ اور بانی پی ٹی آئی کی رہائی کے لیے گھروں سے نکلیں۔
ان خیالات کااظہار قومی اسمبلی میں قائد حزب اختلاف چیئرمین تحریک تحفظ آئین پاکستان محمود خان اچکزئی ، وائس چیئرمین سینٹر علامہ راجا ناصر عباس ، سیکرٹری جنرل اسد قیصر اور دیگر نے محمد زبیر کی رہائشگاہ پر عشائیے کے بعدپریس کانفرنس کرتے ہوئے کیا۔
محمود خان اچکزئی نے کہا کہ پاکستان بحرانوں میں گھرا ہوا ہے، یہ بحران اندر سے پیدا کیے گئے ہیں، ملک کے کئی ادارے نوکر کا کام کررہے ہیں، ہماری فوج یا کسی ادارے سے کوئی دشمنی نہیں ہے، ہماری فوج دنیا کی بہترین فوج ہے، فوج کے بغیر ملک نہیں چل سکتا ہے۔غلط پالیسیوں کی وجہ سے ملک فاقوں کی طرف جارہا ہے۔
انہوں نے کہا کہ آپ نے ایک بڑی پارٹی سے ان کا نشان چھین لیا، ملک کی بڑی جماعت کا لیڈر جیل میں ہے۔محمود اچکزئی نے کہا کہ ہم اس ملک کے لیے لڑے ہیں۔باجوڑ سے خیبر تک حالات بہتر نہیں ہیں۔افغانستان ایشیاء کا دل ہے۔افغانستان کے مسئلے کو زمینی حقائق کو دیکھتے ہوئے حل کریں۔ مسائل کا حل طاقت نہیں ڈائیلاگ ہے۔
چیئرمین تحریک تحفظ آئین پاکستان نے کہا کہ ہم ادارے کے کہنے پر نہیں چلتے ہیں، اندازہ تھاکہ حکومت آئین پر حملہ آور ہوگی، فضل الرحمان بھی ہمارے ساتھ جلد شامل ہوجائیں گے۔حکمرانوں سے گلا ہے انہیں طرز حکمرانی نہیں آتی۔ وزیرستان آپ کا ہے۔دل سے لگائیں تو مسائل حل ہوں گے۔مدرسوں کو کس نے دہشت گردی میں تبدیل کی ہے؟۔حالات خرابی کا ذمے دار میں تو نہیں ؟۔
.
ذریعہ
ذریعہ: Al Qamar Online
کلیدی لفظ: پاکستان کھیل تحریک تحفظ ا ئین پاکستان نے کہا کہ
پڑھیں:
ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا
ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا WhatsAppFacebookX 0 23 July, 2026 سب نیوز
نیویارک (آئی پی ایس )امریکی صدر ڈونلڈ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا۔اپنے سوشل میڈیا اکانٹ پر جاری بیان میں ڈونلڈ ٹرمپ کا کہنا تھا کہ امریکا کے محکمہ توانائی اور سعودی عرب کے درمیان جو سول جوہری معاہدہ طے کیا جا رہا ہے، اس میں کسی بھی قسم کی یورینیم افزودگی کی اجازت نہیں ہوگی۔
ڈونلڈ ٹرمپ کا کہنا تھا کہ یہ معاہدہ صرف پرامن اور غیر فوجی مقاصد کے لیے ہوگا، بالکل ویسا ہی جیسے ایران، متحدہ عرب امارات اور بعض دیگر ممالک کے پاس موجود سول جوہری پروگرام ہیں۔امریکی صدر نے واضح کیا کہ اس معاہدے کی منظوری دی جائے گی لیکن اس کی ایک بنیادی شرط یہ ہوگی کہ سعودی عرب باعزت، کامیاب اور نہایت قابل احترام معاہدہ ابراہیمی میں شامل ہو۔
ٹرمپ کا مزید کہنا تھا کہ امریکا کو پرامن مقاصد کے لیے قائم کیے جانے والے ایسے سول جوہری مراکز پر کوئی اعتراض نہیں، بشرطیکہ ان میں یورینیم کی افزودگی نہ کی جائے۔اسرائیلی وزیراعظم کے دفتر کی جانب سے جاری بیان میں کہا گیا ہے کہ سعودی عرب کا معاہدہ ابراہیمی میں شامل ہونا مشرق وسطی میں امن کے لیے ایک تاریخی پیش رفت ثابت ہوگا۔
ایکس پر جاری بیان میں کہا گیا کہ ایران کے خلاف امریکا اور اسرائیل کی مشترکہ فوجی کارروائی اور ایران کے حمایت یافتہ دہشت گرد نیٹ ورک کو اسرائیل کی جانب سے شدید نقصان پہنچانیکے بعد اب امن کے دائرے کو مزید وسیع کرنیکا ایک نیا موقع پیدا ہوگیا ہے۔ تاہم اسرائیلی وزیراعظم کے دفتر نے امریکا اور سعودی عرب کے درمیان ہونے والے سول جوہری معاہدیکا کوئی ذکر نہیں کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرآزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع اگلی خبرصدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار