مقبوضہ کشمیر میں مساجد کی پروفائلنگ پر پاکستان کا احتجاج
اشاعت کی تاریخ: 17th, January 2026 GMT
پاکستان نے بھارتی غیرقانونی زیرِ قبضہ جموں و کشمیر میں مساجد اور مسجد انتظامی کمیٹیوں کی مبینہ پروفائلنگ اور مذہبی امور میں مداخلت کو بین الاقوامی قوانین اور بنیادی انسانی حقوق کی سنگین خلاف ورزی قرار دیتے ہوئے اس کی شدید مذمت کی ہے۔
یہ بھی پڑھیں:مقبوضہ کشمیر میں پولیس کی نگرانی میں ڈیجیٹل پروفائلنگ پر مقامی آبادی میں شدید تشویش
اسلام آباد سے جاری بیان میں پاکستان نے کہا ہے کہ بھارتی غیرقانونی زیرِ قبضہ جموں و کشمیر میں مساجد اور مسجد انتظامی کمیٹیوں کی پروفائلنگ مذہبی آزادی میں کھلی مداخلت ہے، جو بنیادی انسانی حقوق کی صریح خلاف ورزی کے مترادف ہے۔ بیان کے مطابق یہ اقدامات مقبوضہ علاقے میں مسلم آبادی کو خوفزدہ کرنے اور انہیں حاشیے پر دھکیلنے کی ایک اور کوشش ہیں۔
????PR No.
Pakistan Condemns the Profiling of Mosques and Mosque Management Committees in Indian Illegally Occupied Jammu and Kashmir https://t.co/OGiJwDFgaJ
????⬇️ pic.twitter.com/8s2sk06fZi
— Ministry of Foreign Affairs – Pakistan (@ForeignOfficePk) January 17, 2026
اعلامیے میں کہا گیا ہے کہ زبردستی ذاتی معلومات، تصاویر اور مذہبی وابستگیوں کا حصول، مذہبی رہنماؤں کو ہراساں کرنے اور عبادت گزاروں میں خوف پیدا کرنے کی منظم مہم کا حصہ ہے، جس کا مقصد آزادانہ مذہبی عبادات میں رکاوٹ ڈالنا ہے۔
پاکستان نے کہا کہ یہ اقدامات مقبوضہ کشمیر میں ہندوتوا نظریے کے تحت ادارہ جاتی اسلاموفوبیا کے وسیع تر رجحان کا حصہ ہیں۔ مساجد اور مسلم مذہبی مقامات کو نشانہ بنانا ان پالیسیوں کے امتیازی اور فرقہ وارانہ کردار کو بے نقاب کرتا ہے۔
یہ بھی پڑھیں:مقبوضہ کشمیر کی معروف خاتون رہنما آسیہ اندرابی دہشتگردی کیس سے بری، دیگر الزامات میں مجرم قرار
بیان میں واضح کیا گیا کہ جموں و کشمیر کے عوام کو خوف، دباؤ اور امتیاز کے بغیر اپنے مذہب پر عمل کرنے کا ناقابلِ تنسیخ حق حاصل ہے۔
پاکستان نے کشمیری عوام کے ساتھ مکمل یکجہتی کا اعادہ کرتے ہوئے کہا ہے کہ وہ مقبوضہ کشمیر میں مذہبی جبر اور عدم برداشت کے تمام واقعات کے خلاف ہر فورم پر آواز اٹھاتا رہے گا۔
اعلامیے کے مطابق پاکستان کشمیری عوام کے بنیادی حقوق کے تحفظ اور مذہبی آزادی کی حمایت جاری رکھے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ
ذریعہ: WE News
کلیدی لفظ: پاکستان نے
پڑھیں:
رائیونڈ کا ایک شہری اب آزاد کشمیر کا وزیراعظم بننا چاہتا ہے، بلاول بھٹو
لاہور(ڈیلی پاکستان آن لائن)پاکستان پیپلزپارٹی کے چیئرمین بلاول بھٹو نے کہا ہے کہ رائیونڈ کا ایک شہری اب آزاد کشمیر کا وزیراعظم بننا چاہتا ہے اور ان کی خواہش ہے کہ وزیراعظم پاکستان ہی آزاد کشمیر کا وزیراعظم منتخب کرے۔آزاد کشمیر کے علاقے میرپور میں انتخابی جلسے سے خطاب کرتے ہوئے بلاول بھٹو نے ایک بار پھر حق حکمرانی، مالکیت اور حق روزگار کا انتخابی ایجنڈا دہراتے ہوئے کہا کہ اگر کشمیریوں نے انتخابات میں ووٹ دے کر اکثریت دلوائی تو یہ تینوں مسائل حل کردیں گے۔
بلاول بھٹو نے کہا کہ کشمیر میں گزشتہ چھ ماہ سے ہماری حکومت ہے اور یہاں پر جو کام کیے اُن پر فخر ہے۔ انہوں نے کہا کہ سڑکوں کی بات کرنے والوں کو پنجاب کی سڑکیں ہی ٹھیک لگتی ہیں اور کہتے ہیں کہ صوبے سے نکلتے ہی سڑکیں خراب ہیں۔ انہوں نے تنقید کرتے ہوئے کہا کہ یہ لوگ رائیونڈ کو پنجاب سمجھتے ہیں کیونکہ اندرون صوبے کی حالت بہت بری ہے اور انہیں اس کی کوئی پرواہ بھی نہیں ہے۔ بلاول کا کہنا تھا کہ اب یہ چاہتے ہیں کہ وزیراعظم آزاد کشمیر کا فیصلہ اسلام آباد سے ہو اور رائیونڈ کا ایک شہر اب آزاد کشمیر کا وزیراعظم بننے کا خواہش مند ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا