وزیر صحت مصطفیٰ کمال نے نئے صوبوں کا قیام ناگزیر قرار دے دیا
اشاعت کی تاریخ: 17th, January 2026 GMT
وفاقی وزیر صحت مصطفیٰ کمال نے کہا ہے کہ ملک میں انتظامی نظام کو بہتر بنانے کے لیے نئے صوبے بنانا وقت کی ضرورت ہے۔ تاہم انہوں نے زور دیا کہ صوبے بنانے کے بعد اختیارات نچلی سطح تک منتقل کرنا بھی لازم ہے۔
کراچی کے علاقے جیکب لائن میں دوسرے ڈیجیٹل ہیلتھ کیئر سینٹر کی افتتاحی تقریب سے خطاب کرتے ہوئے مصطفیٰ کمال نے کہاکہ پاکستان میں صحت کا مسئلہ صرف علاج نہیں بلکہ ناقص نظام اور بڑھتی ہوئی آبادی ہے، جس کی وجہ سے اسپتالوں پر دباؤ بڑھ رہا ہے۔
مزید پڑھیں: نئے صوبے ملک کے مفاد میں ہیں، مخالفت کرنے والوں کو منہ توڑ جواب دینا ہوگا، عبدالعلیم خان
انہوں نے بتایا کہ ملک میں ہر سال 61 لاکھ سے زیادہ بچے پیدا ہوتے ہیں، جن میں سے قریباً 4 لاکھ بچے آج بھی حفاظتی ویکسین سے محروم ہیں۔
وفاقی وزیر نے کہاکہ ماں اور بچے کی صحت پر توجہ نہ دینے کے سبب 40 فیصد بچے اسٹنٹڈ گروتھ (رکھی ہوئی نشوونما) کا شکار ہیں، اور جب تک ملک میں فرٹیلیٹی ریٹ 2 فیصد تک نہیں آتا، ترقی کے عمل میں رکاوٹ رہے گی۔
انہوں نے مزید کہاکہ ہمارا ہیلتھ کیئر نظام برباد ہونے کے قریب ہے۔ کورونا وبا کے بعد یہ واضح ہوا کہ اگر بڑے پیمانے پر لوگ بیمار ہوں تو طاقتور ممالک بھی متاثر ہوتے ہیں، جن میں امریکا، برطانیہ اور چین شامل ہیں۔ بغیر پینڈیمک کے بھی پاکستان میں لاکھوں لوگ بیماریوں کا شکار ہیں۔
مصطفی کمال نے کہاکہ ہیلتھ کیئر کا مقصد صرف مریضوں کا علاج نہیں بلکہ شہریوں کو بیماریوں سے تحفظ فراہم کرنا بھی ہے، اور یہ ذمہ داری صرف وزیر صحت کی نہیں بلکہ یو سی کونسلر سے لے کر ہر سطح تک سب پر عائد ہوتی ہے۔
انہوں نے بتایا کہ یونیورسل ہیلتھ کوریج کے تحت گلگت بلتستان، اسلام آباد اور آزاد جموں و کشمیر کے شہری نجی اسپتالوں میں مفت علاج کروا سکتے ہیں۔
مزید پڑھیں: ملک میں نئے صوبے بنانے کی بازگشت، بلاول بھٹو بول پڑے
انہوں نے کہاکہ یہ کام وفاقی وزارت صحت کے لیے باعث فخر ہے کیونکہ یہ اللہ کی مخلوق کی تکلیف کم کرنے کے لیے کیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews مصطفٰی کمال نئے صوبے ہیلتھ کیئر سسٹم وفاقی وزیر صحت وی نیوز.
ذریعہ
ذریعہ: WE News
کلیدی لفظ: مصطف ی کمال ہیلتھ کیئر سسٹم وفاقی وزیر صحت وی نیوز ہیلتھ کیئر انہوں نے نے کہاکہ کمال نے ملک میں کے لیے
پڑھیں:
فیلڈ مارشل عاصم منیر کا بلوچستان میں پائیدار امن کے عزم کا اعادہ
فیلڈ مارشل سید عاصم منیر نے کہا ہے کہ سکیورٹی فورسز اور قانون نافذ کرنے والے ادارے عوام کی بھرپور حمایت سے بلوچستان میں دیرپا امن کے قیام کے لیے پرعزم ہیں۔ انہوں نے اس عزم کا اظہار کیا کہ دہشت گردی اور اس کے سہولت کاروں کے خلاف کارروائیاں اپنے منطقی انجام تک جاری رہیں گی۔
پاک فوج کے شعبہ تعلقات عامہ (آئی ایس پی آر) کے مطابق 20ویں نیشنل ورکشاپ بلوچستان کے شرکاء نے جنرل ہیڈکوارٹرز (جی ایچ کیو) کا دورہ کیا، جہاں فیلڈ مارشل سید عاصم منیر نے شرکاء سے خطاب کرتے ہوئے قومی اتحاد، استحکام اور ثابت قدمی کی اہمیت پر زور دیا۔
فیلڈ مارشل نے کہا کہ بلوچستان پاکستان کا فخر ہے اور یہ صوبہ قدرتی وسائل سے مالا مال ہے۔ ان کے مطابق بلوچستان کے محب وطن، باصلاحیت، باہمت اور ثابت قدم عوام ہی اس صوبے کا سب سے قیمتی سرمایہ ہیں۔
انہوں نے کہا کہ وفاقی اور صوبائی حکومتوں کی جانب سے بلوچستان میں جاری ترقیاتی منصوبوں کا مقصد صوبے کی سماجی اور معاشی ترقی کو یقینی بنانا، عوام کے معیارِ زندگی کو بہتر بنانا اور خوشحالی کے نئے مواقع پیدا کرنا ہے۔
آئی ایس پی آر کے مطابق فیلڈ مارشل نے کہا کہ سکیورٹی فورسز اور قانون نافذ کرنے والے ادارے عوام کے تعاون سے بلوچستان میں امن و امان کے قیام کے لیے بھرپور کوششیں جاری رکھے ہوئے ہیں اور ان کی یہی مشترکہ کاوشیں صوبے میں پائیدار امن کی بنیاد بنیں گی۔
انہوں نے اس موقع پر کہا کہ فتنہ الخوارج اور فتنہ الہندوستان کے خلاف ٹارگٹڈ آپریشنز پوری قوت کے ساتھ جاری رہیں گے اور یہ کارروائیاں دہشت گردی اور اس کے سہولت کاروں کے مکمل خاتمے تک بلا تعطل جاری رہیں گی۔
فیلڈ مارشل سید عاصم منیر نے اس عزم کا اعادہ کیا کہ پاکستان کی مسلح افواج عوام کے اتحاد، عزم اور ثابت قدمی کی بدولت ہر قسم کے مذموم عزائم کو ناکام بنائیں گی اور ملکی سلامتی، خودمختاری اور استحکام کے تحفظ کے لیے اپنی ذمہ داریاں پوری کرتی رہیں گی۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم