جس طرح سندھ نے کارکردگی دکھائی، دوسرے صوبے بھی دکھائیں: شرجیل میمن
اشاعت کی تاریخ: 17th, January 2026 GMT
سینئر وزیر سندھ شرجیل انعام میمن نے کہا ہے کہ اگر دیگر صوبے بھی سندھ کی طرز پر کارکردگی دکھائیں تو ملک بہت تیزی سے ترقی کی راہ پر گامزن ہو سکتا ہے۔
نیشنل پریس کلب اسلام آباد کے دورے کے موقع پر میڈیا سے گفتگو کرتے ہوئے سینئر وزیر سندھ شرجیل انعام میمن نے سندھ حکومت کی فلاحی اور ترقیاتی کارکردگی پر تفصیلی روشنی ڈالی۔
ان کا کہنا تھا کہ سندھ حکومت سائبر نائف ٹیکنالوجی کے ذریعے کینسر کے مریضوں کو مکمل طور پر مفت علاج فراہم کر رہی ہے اور یہ سہولت دنیا میں اپنی نوعیت کی واحد مثال ہے، چیئرمین پیپلز پارٹی بلاول بھٹو زرداری کے مطابق سائبر نائف کے ذریعے علاج صرف 11 ممالک میں دستیاب ہے، جہاں اس پر لاکھوں ڈالر خرچ آتا ہے، جبکہ سندھ حکومت یہ علاج عوام کو بلا معاوضہ فراہم کر رہی ہے۔
شرجیل میمن نے کہا کہ سندھ کے سرکاری اسپتالوں میں گزشتہ برس 29 لاکھ سے زائد مریضوں کا مفت علاج کیا گیا، جبکہ این آئی سی وی ڈی میں علاج کرانے والے مریضوں میں سندھ کے علاوہ دیگر صوبوں کا تناسب 56 فیصد ہے، جو اس بات کا ثبوت ہے کہ سندھ کے طبی ادارے پورے ملک کے عوام کو سہولت فراہم کر رہے ہیں۔
سینئر وزیر سندھ نے کہا کہ تاہم افسوسناک امر یہ ہے کہ ملکی سیاست کا معیار اب عملی کام کے بجائے محض ایک دوسرے پر تنقید تک محدود ہو چکا ہے۔
انہوں نے 2022 کے تباہ کن سیلاب کا ذکر کرتے ہوئے کہا کہ اس آفت سے سندھ میں بڑے پیمانے پر نقصان ہوا، تاہم حکومت نے بحالی کے عمل کو تیزی سے آگے بڑھایا اور 21 لاکھ گھروں کی تعمیر کا منصوبہ شروع کیا گیا، جس کے تحت کروڑوں افراد کو مفت مکانات فراہم کیے جا رہے ہیں، جو ایک تاریخی ریکارڈ ہے۔
سینئر وزیر نے ماحولیاتی اقدامات کا حوالہ دیتے ہوئے کہا کہ مختصر مدت میں مینگروز کے درخت لگانے کے منصوبے پر غیر معمولی پیش رفت ہوئی اور اس حوالے سے دو مرتبہ گنیز ورلڈ ریکارڈ بھی قائم کیا گیا۔
ان کا کہنا تھا کہ سندھ حکومت نے تھر کے انفرااسٹرکچر پر اب تک ایک ارب ڈالر خرچ کیے ہیں، جبکہ تھر کے کوئلے سے پیدا ہونے والی بجلی نہ صرف سندھ بلکہ پورے ملک کو فراہم کی جا رہی ہے۔
شرجیل میمن نے کہا کہ پرائیویٹ بزنس کمیونٹی سندھ حکومت کے ساتھ مل کر مختلف منصوبوں پر کام کر رہی ہے، جبکہ شاہراہ بھٹو پبلک پرائیویٹ پارٹنرشپ کے تحت ایک جدید اور اسٹیٹ آف دی آرٹ منصوبہ ہے، پاکستان میں سرمایہ کار آ رہے ہیں اور سرمایہ کاری میں اضافہ ہو رہا ہے، تاہم منفی سوچ کے ساتھ ملک ترقی نہیں کر سکتا۔
انہوں نے یاد دلایا کہ 2024 میں وزیراعلیٰ سندھ نے سندھ وژن کے ذریعے صوبے کے ترقیاتی روڈ میپ سے آگاہ کیا تھا، اور حکومت چاہتی ہے کہ دنیا بھر کو معلوم ہو کہ پاکستان میں سرمایہ کاری اور ترقی کے کتنے وسیع مواقع موجود ہیں۔
.
ذریعہ
ذریعہ: Al Qamar Online
کلیدی لفظ: پاکستان کھیل سندھ حکومت کہ سندھ نے کہا رہی ہے کہا کہ
پڑھیں:
سندھ کی جیلوں میں گنجائش سے زائد قیدی موجود
فائل فوٹوسندھ کی تمام جیلوں میں گنجائش سے زیادہ قیدی ہونے کا انکشاف ہوا ہے۔ صوبائی جیلوں میں 14 ہزار قیدیوں کی گنجائش ہے لیکن 27 ہزار قیدی موجود ہیں۔
دستاویز کے مطابق کراچی کی سینٹرل جیل میں بھی قیدیوں کی تعداد بلند ترین سطح پر پہنچ گئی، جہاں گنجائش 2400 قیدیوں کی ہے مگر 8 ہزار قیدی رہ رہے ہیں۔
اسی طرح ملیر جیل کی گنجائش 2200 قیدیوں کی ہے لیکن وہاں ساڑھے 5 ہزار قیدی موجود ہیں۔
جیو نیوز کو حاصل دستاویز کے مطابق صوبہ سندھ میں 23 جیلیں ہیں، جو نہ صرف بھری ہوئی ہیں بلکہ اب اوور پاپولیٹڈ ہوگئی ہیں۔
حیدرآباد سینٹرل جیل میں قیدیوں کی گنجائش ڈیڑھ ہزار کی ہے، جہاں 3 ہزار افراد قید کاٹ رہے ہیں۔
لاڑکانہ سینٹرل جیل ساڑھے 6 سو افراد کے لیے بنائی گئی لیکن یہاں 1 ہزار افراد قید ہیں، ٹھٹھہ کی جیل ڈھائی سو افراد کے لیے ڈیزائن کی گئی لیکن قیدی ساڑھے 9 سو ہیں۔
صوبے میں خواتین کی 3 جیلیں کراچی، حیدرآباد اور سکھر میں قائم ہیں، جہاں موجود خواتین قیدیوں کی تعداد 438 تک پہنچ چکی ہے جبکہ ان میں سے صرف 68 خواتین سزا یافتہ ہیں۔
صوبے بھر کی جیلوں میں 27 ہزار قیدیوں میں سب سے زیادہ 22 ہزار 600 ایسے قیدی ہیں، جن کے کیسز عدالتوں میں زیر سماعت ہیں جبکہ سزا یافتہ قیدیوں کی تعداد محض ساڑھے 3 ہزار ہے۔
جیلوں میں سزائے موت کے 459 افراد بھی اپنی زندگی کے دن گن رہے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ