لاہور: گھر سے باپ بیٹوں کی کئی روز پرانی لاشیں برآمد
اشاعت کی تاریخ: 17th, January 2026 GMT
فائل فوٹو
لاہور کے علاقے کاہنہ میں ہاؤسنگ کالونی کے ایک گھر سے کئی روز پرانی 3 لاشیں ملی ہیں، مقتولین میں باپ اور دو بیٹے شامل ہیں۔
پولیس نے شبہ ظاہر کیا ہےکہ تینوں باپ بیٹوں کو کسی نے قتل کیا ہے، ملزمان کی تلاش شروع کر دی گئی، فارنزک ٹیموں نے گھر سے شواہد اکٹھے کرلیے۔
پولیس کے مطابق محلے داروں نےگھر سے بدبو اُٹھنے پر اطلاع کی، پولیس نے جا کر دیکھا تو گھر میں 3 لاشیں پڑی تھیں، جن کی شناخت 65 سالہ نعمان،35 سالہ کامران اور 30 سالہ عمران کے ناموں سے ہوئی، مقتولین باپ بیٹا ہیں۔
پولیس اور فارنزک ٹیموں نے گھر سے شواہد اکٹھے کرلیے اور لاشیں پوسٹمارٹم کیلئے مردہ خانے منتقل کرکے ملزمان کی تلاش شروع کر دی۔
.
ذریعہ
ذریعہ: Jang News
کلیدی لفظ: گھر سے
پڑھیں:
کراچی، شہر کے مختلف علاقوں میں حادثات کے نتیجے میں 3 افراد جاں بحق
کراچی:شہر قائد کے مختلف علاقوں میں پیش آنے والے افسوسناک حادثات کے نتیجے میں تین افراد جان کی بازی ہار گئے جبکہ لاشوں کو قانونی کارروائی کے لیے اسپتال منتقل کر دیا گیا۔
ریسکیو ذرائع کے مطابق بلوچ کالونی کے علاقے کشمیر کالونی نالے والے روڈ پر نامعلوم گاڑی کی ٹکر سے ایک 20 سالہ راہگیر جاں بحق ہوگیا۔
اطلاع ملنے پر چھیپا کے رضاکار موقع پر پہنچے اور لاش کو جناح اسپتال منتقل کیا جہاں متوفی کی شناخت کے لیے کوششیں جاری ہیں۔
دوسرا واقعہ ایف سی ایریا کے ایک اپارٹمنٹ میں پیش آیا جہاں کرنٹ لگنے سے ایک شخص جاں بحق ہوگیا۔
چھیپا حکام کے مطابق متوفی کی لاش عباسی شہید اسپتال منتقل کی گئی جہاں اس کی شناخت 40 سالہ اظہر احمد کے نام سے ہوئی۔
ادھر قیوم آباد میں جام صادق پل پر تیز رفتار ٹریلر کی ٹکر سے موٹرسائیکل سوار موقع پر ہی دم توڑ گیا۔
ریسکیو اہلکاروں نے لاش کو جناح اسپتال منتقل کیا جہاں متوفی کی شناخت 40 سالہ شکیل کے نام سے کی گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ