شدید دھند کے باعث ٹرینوں کا شیڈول درہم برہم، متعدد گھنٹوں تاخیر کا شکار
اشاعت کی تاریخ: 18th, January 2026 GMT
سٹی42: میدانی علاقوں میں شدید دھند کے باعث ریلوے کا نظام بری طرح متاثر ہو گیا ہے، جس کے نتیجے میں کراچی، کوئٹہ اور دیگر شہروں سے آنے والی متعدد ٹرینیں گھنٹوں تاخیر کا شکار ہو گئیں، جبکہ مسافروں کو شدید مشکلات کا سامنا ہے۔
ریلوے ذرائع کے مطابق کراچی سے آنے والی ملت ایکسپریس 3 گھنٹے 15 منٹ تاخیر سے پہنچی۔ علامہ اقبال ایکسپریس 2 گھنٹے 30 منٹ جبکہ پاکستان ایکسپریس 4 گھنٹے 30 منٹ لیٹ رہی۔
لاہور ایئرپورٹ پر شدید دھند کے باعث پروازیں شدید متاثر
اسی طرح گرین لائن ایکسپریس 50 منٹ اور قراقرم ایکسپریس 40 منٹ تاخیر کا شکار ہوئی۔ جعفر ایکسپریس 30 منٹ جبکہ کراچی ایکسپریس 1 گھنٹہ 30 منٹ لیٹ رہی۔رحمان بابا ایکسپریس 1 گھنٹہ 50 منٹ، پاک بزنس ایکسپریس 1 گھنٹہ 30 منٹ، تیز گام ایکسپریس 1 گھنٹہ 45 منٹ اور عوام ایکسپریس 2 گھنٹے 40 منٹ تاخیر سے روانہ اور پہنچی۔
اس کے علاوہ میانوالی ایکسپریس بھی 2 گھنٹے 50 منٹ لیٹ رہی۔ ریلوے حکام کے مطابق شدید دھند کے باعث حدِ نگاہ کم ہونے پر احتیاطی تدابیر کے تحت ٹرینوں کی رفتار کم رکھی گئی، جس کے باعث شیڈول متاثر ہوا۔
پنجاب میں بلدیاتی انتخابات کب ہوں گے؟ غیر یقینی صورتحال برقرار
.
ذریعہ
ذریعہ: City 42
کلیدی لفظ: سٹی42 شدید دھند کے باعث ایکسپریس 1 گھنٹہ
پڑھیں:
انفرااسٹرکچر پر امریکی حملوں کا جواب شدید اور وسیع ہوگا، ایران
ایران کی حکومت کے اعلیٰ عہدیدار محسن رضاعی نے خبردار کیا ہے کہ ایرانی انفرااسٹرکچر پر امریکی حملوں کا ردعمل شدید اور وسیع ہوگا۔
ایرانی خبرایجنسی کی رپورٹ کے مطابق محسن رضائی نے سوشل میڈیا پر جاری بیان میں کہا کہ اگر امریکہ نے ایران کے انفرا اسٹرکچر پر مزید حملے کیے تو ایران کا جوابی اقدام شدید اور بتدریج وسیع ہوگا۔
انہوں نے کہا کہ شلمچہ میں زائرین پر حملہ اور انفرا اسٹرکچر پر حملوں کی امریکی دھمکیاں مایوسی اور بے بسی کے سوا کچھ نہیں ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار