مفت چیٹ جی پی ٹی کا دور ختم، جلد اشتہار چلیں گے
اشاعت کی تاریخ: 18th, January 2026 GMT
سلیکان ویلی (ویب ڈیسک) اوپن اے آئی نے کہا ہے کہ وہ چیٹ جی پی ٹی کا پریمیم ورژن استعمال نہ کرنے والے صارفین کو جلد اشتہار دکھانا شروع کر دے گا۔
مصنوعی ذہانت بنانے والی اس کمپنی اوپن اے آئی نے بتایا کہ ابھی تک اشتہارات متعارف نہیں کرائے گئے لیکن آنے والے ہفتوں میں ان کا تجربہ شروع کیا جائے گا، یہ سان فرانسسکو میں قائم کمپنی کی چیٹ جی پی ٹی کے 80 کروڑ سے زائد صارفین، جن میں سے زیادہ تر اسے مفت استعمال کرتے ہیں، سے کسی طرح آمدنی حاصل کرنے کی تازہ کوشش ہے۔
اوپن اے آئی کمپنی کی مالیت 500 ارب ڈالر ہے لیکن اس کا خرچہ اس کی آمدن سے کہیں زیادہ ہے اور یہ منافع کمانے کے طریقے تلاش کر رہی ہے، مشہور کہاوت ہے کہ اگر سروس مفت ہے تو پھر اصل میں آپ خود ہی پروڈکٹ ہیں۔
اوپن اے آئی میں اپلیکیشنز کی سی ای او فجی سیمو نے ایک سوشل میڈیا پوسٹ میں کہا کہ سب سے اہم بات یہ ہے کہ اشتہارات چیٹ جی پی ٹی کے دیے جانے والے جوابات کو متاثر نہیں کریں گے، ڈیجیٹل اشتہارات چیٹ جی پی ٹی کے جوابات کے نیچے اس وقت ظاہر ہوں گے جب آپ کی موجودہ گفتگو سے متعلق کسی سپانسرڈ مصنوعات یا سروس کا امکان موجود ہو۔‘
کمپنی کے مطابق اشتہارات واضح طور پر لیبل کیے گئے ہوں گے اور اصل جواب سے الگ دکھائے جائیں گے، اشتہارات کا حصول اس کے اصل مشن، یعنی انسانیت کو فائدہ پہنچانے والی اے آئی، کی حمایت میں ہو گا۔
اوپن اے آئی کے دو بڑے حریف گوگل اور میٹا برسوں سے ڈیجیٹل اشتہارات پر حاوی ہیں اور پہلے ہی اپنی کچھ اے آئی خصوصیات میں اشتہارات دکھاتے ہیں۔
ابتدا میں بہتر انسان دوست اے آئی بنانے کے محفوظ مشن کے ساتھ ایک غیر منافع بخش تنظیم کے طور پر قائم ہونے والی اوپن اے آئی نے گزشتہ سال اپنی ملکیتی ساخت تبدیل کرکے خود کو ایک پبلک بینیفٹ کارپوریشن بنا لیا تھا۔
سینٹر فار ڈیموکریسی اینڈ ٹیکنالوجی کی میرینڈا بوگن کے مطابق تاہم ذاتی نوعیت کے اشتہارات متعارف کروانا اوپن اے آئی کو ایک خطرناک راستے پر ڈال دیتا ہے، جو پہلے سوشل میڈیا کمپنیوں نے اختیار کیا تھا۔
سی ڈی ٹی کی اے آئی گورننس لیب کی ڈائریکٹر بوگن کہتی ہیں کہ لوگ چیٹ بوٹس کو مختلف وجوہات کے لیے استعمال کرتے ہیں، جن میں ساتھی یا مشیر کے طور پر بھی شامل ہے۔،جب یہ ٹول صارف کے بھروسے کا فائدہ اٹھاتے ہوئے اشتہارات بیچنے لگے تو داؤ بہت بڑا ہو جاتا ہے۔
اوپن اے آئی کچھ آمدنی سبسکرپشنز سے کماتا ہے مگر اسے ان کمپیوٹر چپس اور ڈیٹا سینٹرز کے کھربوں ڈالر کے اخراجات پورے کرنے کے لیے مزید آمدنی کی ضرورت ہے جو اس کی اے آئی سروسز کو طاقت فراہم کرتے ہیں۔
یہ خدشہ کہ اوپن اے آئی اپنے بڑے حمایتیوں، جیسے اوریکل اور این ویڈیا،کی توقعات پوری کرنے کے لیے کافی پیسہ نہیں کما سکے گا، سرمایہ کاروں میں اے آئی ببل کے حوالے سے تشویش کو بڑھا رہا ہے۔
اوپن اے آئی کے سی ای او سیم آلٹ مین نے ایکس پر لکھا کہ ہمارے لیے یہ بات واضح ہے کہ بہت سے لوگ بہت زیادہ اے آئی استعمال کرنا چاہتے ہیں اور اس کے لیے ادائیگی نہیں کرنا چاہتے، اس لیے ہمیں امید ہے کہ اس طرح کا بزنس ماڈل کام کرے گا، انہیں میٹا کے انسٹاگرام کے اشتہارات پسند ہیں کیونکہ وہ انہیں ایسی چیزیں دکھاتے ہیں جو وہ خود سے کبھی نہ ڈھونڈ پاتے۔
اوپن اےفارسٹر کے تجزیہ کار پیڈی ہیرنگٹن کہتے ہیں کہ اے آئی کا دعویٰ ہے کہ وہ صارفین کی ذاتی معلومات یا پرامپٹس کو اشتہارات کے لیے ڈیٹا اکٹھا کرنے میں استعمال نہیں کرے گا، لیکن سوال یہ ہے کہ آخر کب تک؟ مفت خدمات کبھی واقعی مفت نہیں ہوتیں اور یہ عوامی اے آئی پلیٹ فارم آمدنی پیدا کرنے کے لیے مجبور ہیں۔
.
ذریعہ
ذریعہ: Daily Mumtaz
کلیدی لفظ: چیٹ جی پی ٹی اوپن اے آئی کے لیے
پڑھیں:
حملہ ہوا تو خلیج میں امریکہ سے منسلک پلوں اور بجلی گھروں کو نشانہ بنائیں گے، ایران
لاہور(ڈیلی پاکستان آن لائن)ایران نے صدر ٹرمپ کی تازہ دھمکی کے جواب میں خبردار کیا ہے کہ اگر امریکا باز نہ آیا تو مشرق وسطیٰ میں اس کے انفرا اسٹریکچرز بھی محفوظ نہیں رہیں گے۔ایران کی نیم سرکاری خبر رساں ایجنسی تسنیم کے مطابق ایک نامعلوم فوجی ذریعے نے کہا کہ آبنائے ہرمز پر اپنی خودمختاری کے استعمال میں ایران کا عزم فولادی ہے اور وہ کبھی بھی اس اہم آبی گزرگاہ کو اپنے خلاف خطرہ بننے کی اجازت نہیں دے گا۔فوجی عہدیدار نے مزید کہا کہ اگر امریکا نے ایران کے پلوں یا بجلی گھروں پر حملہ کیا تو ایران بھی عرب ممالک میں موجود امریکا سے وابستہ اہم شہری بنیادی ڈھانچوں بشمول پلوں، بجلی گھروں اور تنصیبات پر حملے کرے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بیان میں مزید کہا گیا ہے کہ امریکیوں کو گزشتہ دس دنوں کے واقعات کے بعد اب پوری طرح یقین ہو جانا چاہیے کہ ایران جہاں چاہتا ہے وہیں حملہ کرنے کی صلاحیت رکھتا ہے۔ایرانی فوجی عہدیدار نے مزید کہا کہ لہٰذا ٹرمپ اگر اس طرح کا کوئی خطرناک جوا کھیلتے ہیں تو اس کا انجام ایک بار پھر ان کی سبکی اور شرمندگی کی صورت میں نکلے گا۔انھوں نے کہا کہ ایران آبنائے ہرمز پر اپنی خودمختاری کا حق استعمال کرتا رہے گا اور اس اہم آبی گزرگاہ پر اپنا کنٹرول برقرار رکھنے کے اپنے پختہ عزم سے کسی صورت دستبردار نہیں ہوگا۔
یاد رہے کہ امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اعلان کیا تھا کہ اگر ایران کی پاسدارانِ انقلاب آبنائے ہرمز میں کسی تجارتی جہاز پر میزائل، راکٹ، ڈرون یا کسی اور ہتھیار سے حملہ کرتی ہے تو امریکا ہر ایسے واقعے کے جواب میں ایران کے ایک پل یا بجلی گھر کو تباہ کر دے گا چاہے وہ تہران کے قریب ہی کیوں نہ واقع ہو۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
واضح رہے کہ آبنائے ہرمز دنیا کی اہم ترین سمندری گزرگاہوں میں شمار ہوتی ہے جہاں سے عالمی سطح پر تیل اور گیس کی بڑی مقدار گزرتی ہے اور اسے ایران نے بند کر رکھا ہے جس کے باعث عالمی منڈیوں میں تیل کی قیمتیں بڑھ گئی ہے۔
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا