کراچی گل پلازہ آتشزدگی: وزیراعلیٰ سندھ کو رپورٹ پیش کردی گئی
اشاعت کی تاریخ: 18th, January 2026 GMT
وزیراعلیٰ سندھ سید مراد علی شاہ کو کراچی کے گل پلازہ میں ہونے والی آتشزدگی کے واقعے پر کمشنر کراچی اور ڈی سی ساؤتھ نے تفصیلی رپورٹ پیش کردی۔
بریفنگ کے مطابق آگ رات 9:45 سے 10:15 کے درمیان لگی، جس سے 1200 سے زیادہ دکانیں جل گئیں۔ تمام زخمیوں کو سول اسپتال کراچی کے برنس وارڈ میں منتقل کیا گیا۔
مزید پڑھیں: کئی گھرانوں کے چراغ گُل کرنے والی گل پلازہ کی آگ میں متعدد افراد لاپتا، اہل خانہ پریشان
’امدادی کارروائی میں 22 فائر بریگیڈ گاڑیاں، 10 واٹر باؤزرز اور 4 اسنارکل گاڑیاں استعمال کی گئیں۔‘
وزیراعلیٰ کو بتایا گیا کہ آگ پر قریباً 60 سے 70 فیصد قابو پا لیا گیا ہے اور حادثے میں 6 افراد جاں بحق ہو چکے ہیں۔
مراد علی شاہ نے آتشزدگی میں قیمتی انسانی جانوں کے ضیاع پر گہرے دکھ کا اظہار کرتے ہوئے جاں بحق افراد کے لواحقین سے دلی ہمدردی اور تعزیت کی۔
انہوں نے آگ بجھاتے ہوئے جان دینے والے فائر فائٹر کی قربانی کو خراج عقیدت پیش کیا اور کہا کہ فائر فائٹرز نے اپنی جان خطرے میں ڈال کر شہریوں کی زندگیاں بچائیں۔
وزیراعلیٰ سندھ نے ہدایت کی کہ انتظامیہ اور پولیس آگ پر مکمل قابو پانے اور صورتحال معمول پر آنے تک کام جاری رکھیں۔
مزید پڑھیں: کراچی: گل پلازہ میں لگنے والی آگ پر دوسرے روز بھی قابو نہ پایا جا سکا، 6 افراد جاں بحق، عمارت کے کئی حصے منہدم
علاوہ ازیں انہوں نے واقعے کی وجوہات معلوم کرنے کے لیے تحقیقات کا حکم دیا اور آئندہ ایسے حادثات سے بچاؤ کے لیے حفاظتی اقدامات کو مزید مؤثر بنانے کی تاکید کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews رپورٹ پیش کراچی کمشنر کراچی گل پلازہ آتشزدگی وی نیوز.
ذریعہ
ذریعہ: WE News
کلیدی لفظ: رپورٹ پیش کراچی کمشنر کراچی گل پلازہ ا تشزدگی وی نیوز گل پلازہ
پڑھیں:
سندھ، پنجاب اور کے پی کے مختلف شہروں میں بارش اور مٹی کا طوفان
فائل فوٹوسندھ، پنجاب اور خیبرپختونخوا کے مختلف شہروں میں تیز ہوائیں، طوفان اور بارش ہوئی ہے جس سے متعدد علاقوں میں بجلی کی فراہمی متاثر ہوگئی۔
خیبرپختونخوا میں مختلف حادثات میں 20 سے زائد افراد زخمی ہوئے ہیں۔
سندھ کے علاقے تھرپارکر میں بارش، سکھر میں ژالہ باری، لاڑکانہ، حیدرآباد، مٹیاری، ہالہ، نیو سعیدآباد، شکارپور اور کندھ کوٹ میں مٹی کا طوفان آیا ہے۔
اسلام آباد، لاہور، جہلم، سرگودھا، گجرات، رحیم یار خان، چنیوٹ سمیت پنجاب کے کئی علاقوں میں بارش ہوئی۔
تیز ہوا کے باعث لوئر کرم میں بجلی کی مین لائن کا ٹاور گر گیا، پاراچنار اور اس کے ملحقہ علاقوں اور پاک افغان سرحدی دیہات کی بجلی بند ہوگئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ