کراچی: پلازہ میں آتشزدگی، 3 افراد جاں بحق، متعدد زخمی ‘کئی پھنس گئے
اشاعت کی تاریخ: 18th, January 2026 GMT
کراچی (سٹاف رپورٹر) ایم اے جناح روڈ پر امپورٹیڈ سامان کے لئے مشہور تجارتی مرکز گل پلازہ کی دکانوں میں آگ لگنے کے نتیجے میں 3 افراد جاں بحق اور متعدد زخمی ہوگئے۔ کئی پھنس گئے۔ رات گئے تک آگ پر قابو نہیں پایا جا سکا۔ میزنائن فلور پر لگی آگ پلازہ کے بیسمنٹ تک پہنچ گئی ہے۔ چیف فائر آفیسر ہمایوں خان کے مطابق آگ کی شدت زیادہ تھی جس نے پورے پلازہ کو اپنی لپیٹ میں لے لیا ہے، مارکیٹ ذرائع کے مطابق شاپنگ پلازہ میں دکانوں کی تعداد ایک ہزار سے زائد ہے۔ آگ کو تیسرے درجے کی قرار دیکر شہر بھر میں فائر ٹینڈرز طلب کر لئے گئے۔
.
ذریعہ
ذریعہ: Nawaiwaqt
پڑھیں:
مردان: گھر سے خاتون سمیت 3 افراد کی لاشیں برآمد
مردان: خیبرپختونخوا کے ضلع مردان کے علاقے شیخ ملتون سیکٹر بی میں ایک گھر سے خاتون سمیت تین افراد کی لاشیں برآمد ہونے کا واقعہ سامنے آیا ہے۔
ریسکیو 1122 کے مطابق اطلاع موصول ہوتے ہی میڈیکل ٹیم فوری طور پر موقع پر پہنچ گئی اور پولیس کی موجودگی میں کارروائی کا آغاز کیا گیا۔
ریسکیو حکام کے مطابق تینوں لاشوں کو قانونی کارروائی اور ضروری معائنے کے لیے مردان میڈیکل کمپلیکس (ایم ایم سی) اسپتال منتقل کر دیا گیا ہے۔
ابتدائی اطلاعات کے مطابق جاں بحق افراد کی شناخت جلال، زوجہ جلال اور مصطفیٰ کے ناموں سے ہوئی ہے۔
واقعے کی وجوہات فوری طور پر سامنے نہیں آسکیں، جبکہ پولیس نے معاملے کی تحقیقات شروع کر دی ہیں۔ حکام کا کہنا ہے کہ پوسٹ مارٹم اور تفتیشی عمل مکمل ہونے کے بعد واقعے کی اصل نوعیت واضح ہو سکے گی۔
پولیس اور متعلقہ ادارے مختلف پہلوؤں سے واقعے کا جائزہ لے رہے ہیں، جبکہ اہلِ علاقہ میں واقعے کے بعد تشویش کی لہر دوڑ گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ