سندھ بلڈنگ ،بہادرآباد میں تعمیراتی مافیا کی سرپرستی، بلند عمارتیں ضابطوں کا مذاق
اشاعت کی تاریخ: 19th, January 2026 GMT
بلاک 3پلاٹ 105اور 7/2دارالامان ہاؤسنگ سوسائٹی میں غیر قانونی تعمیرات کی دھماچوکڑی
اسسٹنٹ ڈائریکٹر آصف شیخ پر ضابطوں سے چشم پوشی کے الزامات،شہری زندگیاں خطرے میں
شہر قائد کے علاقے بہادرآباد میں تعمیراتی مافیا نے شہری ضابطوں اور بلڈنگ قوانین کو یکسر نظرانداز کرتے ہوئے غیرقانونی طور پر بلند عمارتیں کھڑی کر دی ہیں۔ بلاک 3 میں واقع پلاٹ نمبر 105 اور 7/2 دارلامان ہاؤسنگ سوسائٹی کے پلاٹس پر ضابطے کی حد سے تجاوز کرتے ہوئے عمارتیں تعمیر کی جا رہی ہیں، جو نہ صرف شہری نظم و ضبط کو چیلنج کر رہی ہیں بلکہ رہائشیوں کی جانوں کے لیے بھی خطرہ بن گئی ہیں۔جرأت سروے ٹیم سے بات کرتے ہوئے مقامی رہائشیوں کا کہنا ہے کہ ان عمارتوں کی تعمیر میں بنیادی سیکورٹی اور تعمیراتی معیارات کو بالکل نظرانداز کیا گیا ہے ۔ بغیر کسی منظور شدہ پلان کے تعمیر ہونے والی یہ عمارتیں زلزلے یا کسی بھی قسم کے حادثے کے موقع پر بڑے نقصان کا باعث بن سکتی ہیں۔حاصل ہونے والی معلومات کے مطابق سندھ بلڈنگ کنٹرول اتھارٹی کے اسسٹنٹ ڈائریکٹر آصف شیخ تعمیراتی مافیا کے ساتھ ملی بھگت میں ملوث ہیں، ان پر الزام ہے کہ وہ ان غیرقانونی تعمیرات پر آنکھیں بند کیے ہوئے ہیں اور ضابطوں کے باوجود کارروائی سے گریز کر رہے ہیں۔ ایس بی سی اے کے اندرونی ذرائع نے بتایا کہ کئی بار ان خلاف ورزیوں کی نشاندہی کی گئی، لیکن بااختیار افسران نے انہیں نظرانداز کر دیا۔شہری حقوق کے کارکنوں کا مطالبہ ہے کہ اس معاملے میں فوری اور غیر جانبدارانہ تحقیقات کی جائیں اور تمام غیرقانونی تعمیرات کو گرایا جائے ۔ ان کا کہنا ہے کہ اگر فوری کارروائی نہ ہوئی تو آنے والے دنوں میں اس قسم کی غیرمنظم تعمیرات شہر کے ڈھانچے کو تباہ کر دیں گی۔سندھ حکومت اور شہری انتظامیہ سے اب یہ سوال پوچھا جا رہا ہے کہ آیا شہریوں کی حفاظت اور شہری منصوبہ بندی کے ضابطے محض کاغذی کارروائی ہیں، یا پھر ان پر عملدرآمد یقینی بنایا جائے گا؟ بہادرآباد کی یہ عمارتیں صرف عمارتیں نہیں، بلکہ نظام کی ناکامی اور اداروں میں گہرے بیٹھے بدعنوانی کے منہ بولتے ثبوت ہیں۔
.
ذریعہ
ذریعہ: Juraat
پڑھیں:
5 جون تک پنجاب کے متعدد اضلاع میں آندھی، شدید ژالہ باری کا امکان، الرٹ جاری
وزیراعلیٰ پنجاب(chief minister punjab) کی ہدایات پر تمام کمشنرز و ڈپٹی کمشنرز کو الرٹ جاری تاکہ برساتی نالوں کی صفائی اور ہنگامی صورتحال سے نمٹنے کے لیے انتظامات مکمل رکھے جائیں؛ ترجمان پی ڈی ایم اے
پنجاب کے میدانی اور بالائی علاقوں میں چند روز سے جاری شدید گرمی کے بعد اب بیشتر اضلاع میں طوفانی ہواؤں، گرج چمک کے ساتھ بارش اور ژالہ باری کی اہم پیشگوئی جاری کی ہے
بتایا گیا ہے کہ راولپنڈی، مری، گلیات، اٹک، جہلم، چکوال، گوجرانوالہ، حافظ آباد، سیالکوٹ، نارووال اور شیخوپورہ، سرگودھا، میانوالی، خوشاب، منڈی بہاؤالدین، فیصل آباد، جھنگ و گردونواح، لاہور، اوکاڑہ، بھکر اور لیہ میں بارشوں کا امکان ہےْ
جس کے باعث وزیر اعلیٰ پنجاب مریم نواز کی خصوصی ہدایات کے پیشِ نظر صوبے بھر کے تمام کمشنرز اور ڈپٹی کمشنرز کو الرٹ جاری کر دیا گیا ہے تاکہ برساتی نالوں کی صفائی اور ہنگامی صورتحال سے نمٹنے کے لیے انتظامات مکمل رکھے جائیں۔
ڈی جی پی ڈی ایم اے عمر جاوید نے خراب موسم کے دوران شہریوں کی حفاظت کو یقینی بنانے کے لیے احتیاطی تدابیر اختیار کرنے کی تاکید کی ہے کہ شہری آسمانی بجلی سے بچنے کے لیے محفوظ مقامات کے اندر رہیں اور گرج چمک کے دوران کھلے مقامات یا درختوں تلے ہرگز کھڑے نہ ہوں۔
کسان اپنی فصلوں کی کٹائی اور سنبھال سمیت تمام تر پیشگی اقدامات موجودہ موسمی صورتحال کو مدنظر رکھتے ہوئے کریں، مری، گلیات اور شمالی علاقہ جات کے سفر پر روانہ ہونے والے سیاح موسم کی شدت کو دیکھتے ہوئے خصوصی احتیاطی تدابیر اختیار کریں۔
مزید پڑھیں:شہری پی ڈی ایم اے کی آفیشل ہیلپ لائن 1129 پر رابطہ کریں
کسی بھی بھی ناگہانی یا ایمرجنسی صورتحال کی صورت میں شہری فوری طور پر پی ڈی ایم اے کی آفیشل ہیلپ لائن 1129 پر رابطہ کریں۔
وزارت آئی ٹی نے 1.67 ارب روپے سے زاید کے فنڈز طلب کرلیے