گل پلازہ سانحہ قومی المیہ بن چکا، سیاست بعد میں ہوگی، پہلے متاثرین کا ازالہ کریں، گورنر سندھ
اشاعت کی تاریخ: 19th, January 2026 GMT
کراچی:
گل پلازہ میں لگنے والی خوفناک آگ 27 گھنٹے گزرنے کے باوجود مکمل طور پر قابو میں نہ آ سکی، جس پر گورنر سندھ کامران خان ٹیسوری نے موقع پر پہنچ کر صورتحال کا جائزہ لیا اور کہا کہ یہ واقعہ اب ایک قومی سانحہ اختیار کر چکا ہے، سیاست بعد میں ہوگی، پہلے تمام متاثرہ افراد کی جانیں بچانا اور مالی نقصانات کا ازالہ یقینی بنایا جائے۔
میڈیا سے گفتگو کرتے ہوئے گورنر سندھ نے کہا کہ 70 سے زائد افراد کے لاپتہ ہونے کی اطلاعات انتہائی افسوسناک ہیں، جن خاندانوں کے پیارے واپس نہیں آئے، ان کا دکھ ہم سب کا دکھ ہے۔
انہوں نے بتایا کہ واقعے کے فوری بعد نیوی، کے پی ٹی، ڈی آئی جی ساؤتھ اور فائر بریگیڈ سمیت تمام متعلقہ اداروں سے رابطہ کیا گیا تاکہ مشترکہ کوششوں سے ریسکیو اور فائر فائٹنگ کا عمل تیز کیا جا سکے۔
گورنر سندھ کا کہنا تھا کہ کوئی نہیں چاہتا کہ آگ لگے یا کسی کا کاروبار تباہ ہو، تاہم اصل توجہ اس وقت انسانی جانوں کو بچانے پر ہے، بعد ازاں آگ لگنے کے اسباب کا تعین کیا جائے گا۔
انہوں نے انکشاف کیا کہ ایک حاملہ خاتون تاحال اندر موجود ہے جس کے شوہر سے مسلسل رابطہ رکھا جا رہا ہے متاثرہ خاندان کی تکلیف ناقابل بیان ہے۔
کامران خان ٹیسوری نے بتایا کہ شہر کے تین بڑے بلڈرز کو طلب کیا گیا ہے تاکہ مارکیٹ کے صدر کے ساتھ مل کر اس بات کا تعین کیا جا سکے کہ گل پلازہ کو کتنے دنوں میں دوبارہ قابل استعمال بنایا جا سکتا ہے۔
انہوں نے کہا کہ اگرچہ بعض لوگ اختیارات کی بات کرتے ہیں مگر بطور گورنر ان کے پاس اخلاقی اختیار ضرور ہے اور وہ عوام کے ساتھ کھڑے رہیں گے۔
مزید پڑھیںگورنر سندھ کا قلات آپریشن پر سیکیورٹی فورسز کو شاباش
گورنر سندھ نے پی ٹی آئی اوورسیز کا بیانیہ نفرت انگیز اور دہشت گردی قرار دے دیا
گورنر سندھ نے اعلان کیا کہ متاثرین کے لیے ڈھائی ہزار پانی کی بوتلیں فراہم کی گئی ہیں جبکہ کل سے متاثرہ افراد کے لیے کھانے کا انتظام ذاتی طور پر ان کی جانب سے کیا جائے گا۔
انہوں نے کہا کہ جب تک نقصان کا ازالہ نہیں ہوتا وہ متاثرین کے ساتھ کھڑے رہیں گے۔
انہوں نے اس موقع پر تمام سیاسی جماعتوں کا شکریہ ادا کرتے ہوئے کہا کہ جو بھی یہاں آ رہا ہے اس کا مقصد سیاست نہیں بلکہ اظہارِ ہمدردی ہے اختلافات کا کوئی فائدہ نہیں ہوگا ہم سب کو ایک ساتھ کھڑا ہونا ہوگا۔
گورنر سندھ نے سیلزمین کے لیے ہیلپ لائن 1366 پر رابطے کی اپیل کرتے ہوئے کہا کہ تمام متاثرہ سیلزمین کو راشن ان کے گھروں تک پہنچایا جائے گا، جبکہ دکانوں کے مالکان بھی خود کو رجسٹر کرائیں تاکہ ان کی بلڈرز سے ملاقات کرا کے نقصانات کے ازالے کا راستہ نکالا جا سکے۔
اس موقع پر ایم کیو ایم رہنما فاروق ستار نے کہا کہ جس طرح ماضی میں بولٹن مارکیٹ کے متاثرین کا ازالہ کیا گیا تھا، اسی طرز پر گل پلازہ کے متاثرین کا بھی مکمل ازالہ کیا جانا چاہیے۔
انہوں نے کہا کہ گورنر سندھ نے بروقت کارروائی کی جس کے باعث مزید تباہی سے بچاؤ ممکن ہوا، اور ایم کیو ایم ہر سطح پر متاثرین کے ساتھ تعاون جاری رکھے گی۔
.
ذریعہ
ذریعہ: Express News
کلیدی لفظ: گورنر سندھ نے نے کہا کہ کا ازالہ گل پلازہ انہوں نے کے ساتھ کیا جا
پڑھیں:
ٹک ٹاکر حکیم بابر کیس میں ملزمان کا موقف بھی سامنے آگیا
سیالکوٹ(نیوز ڈیسک) ٹک ٹاکر حکیم بابر سے متعلق مبینہ زہر خوری کیس میں نامزد ملزم صفدر کے بھائی ملک سلیم کھوکھر کا ویڈیو بیان منظر عام پر آگیا جس میں انہوں نے تمام الزامات کو مسترد کر دیا ہے۔
ویڈیو بیان میں ملک سلیم کھوکھر نے دعویٰ کیا کہ محمد افضل عرف حکیم بابر نے سوشل میڈیا پر ویوز حاصل کرنے کیلئے خود کو زہر خورانی کا شکار ظاہر کرنے کا ڈرامہ رچایا، اسپتال کی رپورٹ میں بھی یہ بات سامنے آئی ہے کہ حکیم بابر کو کسی قسم کا زہر نہیں دیا گیا۔
انہوں نے کہا کہ حکیم بابر نشے کے عادی ہیں اور کسی مبینہ اوور ڈوز کے واقعے کو ان کے خاندان پر ڈالنے کی کوشش کی جا رہی ہے، ان کے خاندان کا حکیم بابر کے ساتھ کسی قسم کا کوئی ذاتی تنازع یا دشمنی موجود نہیں۔
ملک سلیم کھوکھر انکشاف کیا کہ حکیم بابر کا اصل نام افضل ہے اور وہ کوئی مستند حکیم نہیں بلکہ تعلیمی طور پر بھی میٹرک پاس نہیں ہیں، جھوٹے مقدمے کی وجہ سے میرا خاندان شدید ذہنی دباؤ اور پریشانی کا شکار ہے۔
انہوں نے مزید کہا کہ رات کے وقت پولیس کی جانب سے دو بار گھر پر چھاپے مارے گئے، کو ہراساں مت کیا جائے۔
انہوں نے ڈی پی او سیالکوٹ اور آئی جی پنجاب سے اپیل کی کہ کیس کی شفاف اور میرٹ پر انکوائری کی جائے اور حقائق کی روشنی میں فیصلہ کیا جائے۔
مزید پڑھیں۔مشرق وسطیٰ کی صورتحال، خام تیل کی قیمتوں میں 2 فیصد اضافہ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ