ٹی20 ورلڈکپ، بنگلادیش کے بھارت جانے سے انکارپرآئی سی سی دوسری ٹیم کو ایونٹ میں شامل کرسکتا ہے
اشاعت کی تاریخ: 19th, January 2026 GMT
data-id="863a0a8" data-element_type="widget" data-widget_type="theme-post-content.default">
ایک کرکٹ ویب سائٹ نے دعویٰ کیا ہے کہ اگر بنگلا دیش ٹی ٹوئنٹی ورلڈ کپ کے لیے بھارت جانے سے انکار کرتا ہے تو انٹرنیشنل کرکٹ کونسل (آئی سی سی) رینکنگ کی بنیاد پر کسی دوسری ٹیم کو ورلڈ کپ میں شامل کر سکتی ہے۔
رپورٹ کے مطابق بنگلا دیش کی ورلڈ کپ میں شرکت یا عدم شرکت کا حتمی فیصلہ 21 جنوری کو متوقع ہے، جبکہ آئی سی سی نے ڈھاکا میں ہونے والے مذاکرات کے دوران بنگلا دیش کرکٹ بورڈ (بی سی بی) کو ڈیڈ لائن سے آگاہ کر دیا ہے۔
کرکٹ ویب سائٹ کا کہنا ہے کہ بنگلا دیش اپنے مؤقف پر قائم ہے اور بھارت نہ جانے کے فیصلے میں کوئی لچک دکھانے کو تیار نہیں، جبکہ آئی سی سی نے بنگلا دیش کی جانب سے گروپ تبدیل کرنے کی درخواست بھی مسترد کر دی ہے۔ واضح رہے کہ بنگلا دیش نے گروپ بی میں شامل آئرلینڈ کے ساتھ گروپ تبدیل کرنے کی درخواست دی تھی۔
رپورٹ کے مطابق آئی سی سی نے بنگلا دیش کو یقین دہانی کرائی ہے کہ بھارت میں کسی ٹیم کو براہِ راست سکیورٹی خطرات لاحق نہیں، اور اس حوالے سے تمام 20 ٹیموں کو سکیورٹی مراسلہ بھی جاری کیا گیا ہے۔
آئی سی سی بنگلا دیش کے حتمی جواب کا انتظار کرے گی، اور انکار کی صورت میں رینکنگ کی بنیاد پر اسکاٹ لینڈ کو ورلڈ کپ میں شامل کیے جانے کا امکان ہے۔
واضح رہے کہ بنگلا دیش نے سکیورٹی خدشات اور حکومتی مشاورت کے بعد بھارت نہ جانے کا فیصلہ کیا ہے۔ یہ خدشات آئی پی ایل سے بنگلا دیشی فاسٹ بولر مستفیض الرحمان کو بھارتی انتہا پسندوں کی دھمکیوں کے بعد کولکتہ نائٹ رائیڈرز سے نکالے جانے کے واقعے کے بعد مزید بڑھ گئے تھے۔
ذریعہ
ذریعہ: Jasarat News
پڑھیں:
طوفانی ہوائیں: موٹروے کے کئی مقامات پر ہیوی ٹریفک کا داخلہ بند
سٹی 42 : شدید آندھی اور طوفانی ہواؤں کے باعث موٹروے ایم-5 پر ہائی ٹرانسمیشن بجلی کی تاریں گر گئیں۔ حفاظتی اقدامات کے تحت روہڑی سے رحیم یار خان تک موٹروے پر ہیوی ٹریفک کا داخلہ بند کردیا گیا ہے۔
ترجمان موٹروے پولیس کے مطابق روہڑی اور پنوں عاقل سے شمالی سمت جانے والی ہیوی اور پبلک سروس گاڑیوں کا داخلہ روک دیا گیا ہے۔ موٹروے ایم-5 پر مقام 510 ساؤتھ باؤنڈ اور نارتھ باؤنڈ پر بجلی کی تاریں سڑک پر گرنے سے ٹریفک متاثر ہوئی ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
ترجمان موٹروے پولیس کا کہنا ہےکہ مسافروں کی حفاظت کے پیش نظر ٹریفک کو متبادل راستوں پر ڈائیورٹ کر دیا گیا۔ موٹروے پولیس کی جانب سے اقبال آباد اور گڈو کے مقامات پر متبادل راستوں کے ذریعے ٹریفک کو گزارا جا رہا ہے۔ ترجمان کا کہنا ہے کہ پنجاب سے سندھ جانے والے مسافر اقبال آباد سے بذریعہ رحیم یار خان قومی شاہراہ این-5 استعمال کر سکتے ہیں۔
ترجمان موٹروے پولیس کا کہنا ہےکہ موٹروے ایم-5 پر بجلی کی تاریں ہٹانے اور ٹریفک بحالی کے لیے اقدامات جاری ہیں ۔ سندھ سے پنجاب جانے والے مسافر رحیم یار خان سے قومی شاہراہ این-5 کے ذریعے موٹروے ایم-5 پر دوبارہ سفر جاری رکھ سکتے ہیں۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
موٹروے پولیس نے شہریوں سے غیر ضروری سفر سے گریز کرنے کی ہدایت کی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ