8 فروری تک عمران خان سےتمام ملاقاتوں پر پابندی عائد
اشاعت کی تاریخ: 19th, January 2026 GMT
اسلام آباد(صغیر چوہدری ) اڈیالہ جیل میں قید سابق وزیر اعظم عمران خان سے 8 فروری تک سے کسی بھی ملاقات کی اجازت نہیں نا کرانے کا فیصلہ کیا گیا ہے ۔ ذرائع کے مطابق یہ فیصلہ پی ٹی آئی کے ممکنہ احتجاج اور ملک گیر پہیہ جام اور شٹرڈاؤن ہڑتال کے پیشِ نظر لیا گیا ہے۔پارلیمنٹ میں ذرائع کا کہنا ہے کہ شٹر ڈاؤن، ہڑتال اور پہیہ جام ہی پی ٹی آئی کے مستقبل کا تعین کریں گے۔ سیکیورٹی اداروں نے حکومت کو انتباہ دیا ہے کہ 8 فروری کے احتجاج کے دوران پرتشدد صورتحال پیدا ہونے کا قوی امکان ہے، جس سے نہ صرف پی ٹی آئی بلکہ حکومت کی مشکلات بھی بڑھ سکتی ہیں۔ ذرائع کے مطابق پی ٹی آئی کے احتجاج اور اس کے ردعمل کو دیکھتے ہوئے عمران خان سے ملاقاتوں کی بحالی کا فیصلہ بعد میں کیا جائے گا۔ پارلیمنٹ میں قائدِ حزب اختلاف کے رویے پر بھی سخت نظر رکھی جائے گی۔اگر محمود خان اچکزئی پارلیمنٹ میں جارحانہ اور ریاست مخالف رویہ اپناتے ہیں تو حکومت نے فارمولا بی کے تحت کارروائی کرنے کا منصوبہ بنایا ہے۔سپیکر سردار ایاز صادق کے میڈیا کے ذریعے بیان کو بھی پی ٹی آئی اور اپوزیشن لیڈر کے لیے واضح پیغام قرار دیا جا رہا ہے کہ کسی بھی غیر قانونی یا تشدد پر مبنی اقدام کو برداشت نہیں کیا جائے گا۔حالیہ صورتحال کے پیشِ نظر ملک بھر کی سیاسی فضا انتہائی کشیدہ اور نازک قرار دی جا رہی ہے۔
ذریعہ
ذریعہ: Daily Mumtaz
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار