گل پلازہ میں ہولناک آتشزدگی، قرآن پاک کے نسخے مکمل طور پر محفوظ رہے
اشاعت کی تاریخ: 20th, January 2026 GMT
کراچی کے تاریخی تجارتی مرکز میں واقع گل پلازہ میں آتشزدگی کے واقعے میں ایک حیران کن پہلو بھی سامنے آیا ہے۔
واقعے کے بعد عمارت کی پہلی منزل پر قائم مسجد میں موجود قرآنِ پاک مکمل طور پر محفوظ رہے۔ ریسکیو اہلکار کی جانب سے بنائی گئی ویڈیو میں دیکھا جا سکتا ہے کہ مسجد کے ریک میں موجود ایک بھی قرآنِ مجید نیچے نہیں گرا، جبکہ مسجد میں بچھائی گئی دریاں اور دیگر سامان بھی محفوظ رہا۔
یہ بھے پڑھیے: اینکر پرسن اقرارالحسن کی گل پلازہ آمد، ریسکیو اقدامات میں تاخیر پر برہم، پی پی رہنما سے تلخ کلامی
ریسکیو اہلکاروں کے مطابق مسجد کے قریب اور اندر اب بھی شدید گرمی (ہیٹ) موجود ہے، تاہم اس کے باوجود مسجد اور مقدس کتب کو کوئی نقصان نہیں پہنچا۔
دوسری طرف ہولناک آگ کے بعد ریسکیو کارروائیاں تاحال جاری ہیں، جہاں اب تک کم از کم 26 افراد کے جاں بحق ہونے کی تصدیق ہوچکی ہے، جبکہ 83 افراد اب بھی لاپتا ہیں۔
ڈپٹی کمشنر ساؤتھ کے دفتر کے باہر لاپتہ افراد کی فہرست آویزاں کردی گئی ہے، جس کے مطابق مزید 12 افراد کے نام شامل کیے گئے ہیں، جس کے بعد لاپتا افراد کی مجموعی تعداد 83 ہوگئی ہے۔
یہ بھی پڑھیے: گل پلازہ آتشزدگی: میئر کراچی کا شہید فائر فائٹر کے ورثا کی مالی معاونت کا اعلان
ریسکیو حکام کے مطابق فائر فائٹرز اور امدادی کارکن پیر کے روز بھی گل پلازہ کے دھواں چھوڑتے ملبے سے لاشیں نکالنے میں مصروف ہیں۔ یہ آگ شہر کی گزشتہ ایک دہائی کی سب سے بڑی آتشزدگی قرار دی جا رہی ہے، جو ہفتے کی شب لگی اور 24 گھنٹوں سے زائد وقت تک بھڑکتی رہی، جس کے بعد اسے بڑی حد تک قابو میں لایا گیا۔
گل پلازہ ایک وسیع و عریض کثیر المنزلہ تجارتی عمارت ہے، جس میں تقریباً 1,200 دکانیں قائم ہیں اور اس کا رقبہ فٹبال گراؤنڈ سے بھی بڑا بتایا جاتا ہے۔ حکام کے مطابق سرچ اینڈ ریسکیو آپریشن اس وقت تک جاری رہے گا جب تک تمام لاپتا افراد کا سراغ نہیں لگا لیا جاتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آتشزدگی عمارت گل پلازہ.
ذریعہ
ذریعہ: WE News
کلیدی لفظ: آتشزدگی گل پلازہ گل پلازہ کے مطابق کے بعد
پڑھیں:
مصنوعی مٹھاس دماغی صحت کے لیے خطرہ؟ نئی تحقیق میں یادداشت متاثر ہونے کا اشارہ
ایک نئی سائنسی تحقیق میں یہ انکشاف سامنے آیا ہے کہ مصنوعی مٹھاس کا زیادہ استعمال یادداشت اور ذہنی صلاحیتوں میں تیزی سے آنے والی کمی سے تعلق رکھ سکتا ہے۔ ماہرین کا کہنا ہے کہ اگرچہ یہ اجزا چینی کے متبادل کے طور پر استعمال کیے جاتے ہیں، تاہم ان کے طویل المدتی اثرات دماغی صحت کے لیے تشویش کا باعث بن سکتے ہیں۔
یہ تحقیق امریکن اکیڈمی آف نیورولوجی کے جریدے نیورولوجی میں شائع ہوئی، جس میں تقریباً 13 ہزار بالغ افراد کی آٹھ برس تک نگرانی کی گئی۔ تحقیق کے دوران کم یا بغیر کیلوریز والی مٹھاس کے سات عام اجزا کا جائزہ لیا گیا، جن میں ایسپارٹیم، سیکرین، ایسی سلفیم کے، اریتھریٹول، زائیلیٹول، سوربیٹول اور ٹیگاٹوز شامل تھے۔
تحقیقی نتائج کے مطابق وہ افراد جو روزانہ اوسطاً 191 ملی گرام مصنوعی مٹھاس استعمال کرتے تھے، جو تقریباً ایک کین ڈائٹ سوڈا میں موجود ایسپارٹیم کے برابر مقدار ہے، ان میں کم استعمال کرنے والوں کے مقابلے میں یادداشت اور ذہنی کارکردگی میں کمی کی رفتار 62 فیصد زیادہ دیکھی گئی۔
اسی طرح درمیانی مقدار میں مصنوعی مٹھاس استعمال کرنے والے افراد میں بھی ذہنی صلاحیتوں میں کمی کا خطرہ نمایاں رہا، جہاں یہ شرح کم استعمال کرنے والوں کے مقابلے میں 35 فیصد زیادہ ریکارڈ کی گئی۔
محققین کے مطابق یہ تعلق 60 سال سے کم عمر افراد اور ذیابیطس کے مریضوں میں زیادہ نمایاں دیکھا گیا، کیونکہ یہ افراد عام چینی کے بجائے مصنوعی مٹھاس کا زیادہ استعمال کرتے ہیں۔
تحقیق میں شامل سات میٹھے اجزا میں سے صرف ٹیگاٹوز ایسا جز تھا جس کا ذہنی صلاحیتوں میں تیز رفتار کمی سے واضح تعلق سامنے نہیں آیا، جبکہ باقی چھ اجزا اس خطرے سے منسلک پائے گئے۔
تحقیق کی مرکزی مصنفہ، یونیورسٹی آف ساؤ پالو سے وابستہ ڈاکٹر کلاڈیا کیمی سوئیموتو نے کہا کہ مصنوعی مٹھاس کو عموماً صحت مند متبادل سمجھا جاتا ہے، لیکن تحقیق کے نتائج اس بات کی نشاندہی کرتے ہیں کہ بعض مصنوعی میٹھے اجزا طویل عرصے تک استعمال کیے جانے کی صورت میں دماغی صحت پر منفی اثرات مرتب کر سکتے ہیں۔
یہ مصنوعی مٹھاس عام طور پر ڈائٹ سوڈا، فلیورڈ واٹر، انرجی ڈرنکس، دہی اور دیگر کم کیلوریز والی پراسیسڈ غذاؤں میں استعمال کی جاتی ہے۔
تاہم محققین نے اس بات پر بھی زور دیا کہ یہ ایک مشاہداتی تحقیق ہے، اس لیے اس سے یہ حتمی نتیجہ اخذ نہیں کیا جا سکتا کہ مصنوعی مٹھاس ہی براہِ راست یادداشت میں کمی کی وجہ بنتی ہے۔ ان کے مطابق ان نتائج کی مزید تصدیق اور مختلف متبادل میٹھے اجزا کے اثرات جانچنے کے لیے مزید سائنسی تحقیق کی ضرورت ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار