بنگلہ دیشی انتخابات: بی این پی اتحاد دو نشستوں پر امیدوار سے محروم، جماعت اسلامی کو کوئی بحران درپیش نہیں

اشاعت کی تاریخ: 20th, January 2026 GMT

بنگلہ دیش کے 13ویں قومی پارلیمانی انتخابات سے قبل الیکشن کمیشن نے ابتدائی جانچ پڑتال میں نااہل قرار دیے گئے امیدواروں میں سے اکثریت کی امیدواریاں بحال کر دی ہیں۔ تاہم، بی این پی کی قیادت میں قائم اتحاد اس وقت 2 حلقوں میں امیدواروں سے محروم ہے، جبکہ جماعت اسلامی کے اتحاد کو اس حوالے سے کسی مشکل کا سامنا نہیں۔

یہ بھی پڑھیں:بنگلہ دیش انتخابات سے قبل سی آئی ڈی اور ٹک ٹاک کا تعاون بڑھانے پر اتفاق

بنگلہ دیش الیکشن کمیشن کے مطابق ابتدائی جانچ پڑتال کے دوران مسترد کیے گئے 723 امیدواروں میں سے 425 کی امیدواریاں اپیلوں کے بعد بحال کر دی گئی ہیں، جو کہ مجموعی طور پر تقریباً 59 فیصد بنتی ہیں۔ یہ بنگلہ دیش کی انتخابی تاریخ میں بحال ہونے والی امیدواروں کی سب سے بڑی تعداد ہے۔

الیکشن کمیشن نے بتایا کہ امیدواروں کی دستبرداری کی آخری تاریخ منگل ہے، جبکہ بدھ کو انتخابی نشانات الاٹ کیے جائیں گے، جس کے بعد باقاعدہ انتخابی مہم کا آغاز ہوگا۔ قومی انتخابات اور ریفرنڈم 12 فروری کو منعقد ہوں گے۔

اپیلوں کی سماعت کے دوران جن امیدواروں کو قرض نادہندگی یا دہری شہریت کی بنیاد پر نااہل قرار دیا گیا تھا، ان میں سے بڑی تعداد نے اپنی اہلیت ثابت کر دی۔ دہری شہریت کے الزام میں مسترد کیے گئے 26 میں سے 23 امیدواروں نے غیر ملکی شہریت ترک کرنے کے ثبوت جمع کروا کر اپنی امیدواریاں بحال کرائیں، تاہم ایک سماجی کارکن نے اس فیصلے کو آئین اور عدالتی احکامات کے خلاف قرار دیتے ہوئے شکایت دائر کی ہے۔

یہ بھی پڑھیں: بنگلہ دیش جماعت اسلامی کے امیر کا انصاف پر مبنی نظام اور نوجوانوں کو بااختیار بنانے پر زور

بی این پی نے 292 حلقوں میں امیدوار نامزد کیے تھے اور 8 نشستیں اتحادی جماعتوں کے لیے چھوڑی تھیں۔ مجموعی طور پر بی این پی کے 4 امیدوار قرض نادہندگی یا دہری شہریت کے باعث نااہل قرار پائے۔ چونکہ کوملہ-4 اور چٹاگانگ-2 میں متبادل امیدوار موجود نہیں تھے، اس لیے ان 2 حلقوں میں بی این پی اتحاد اس وقت امیدوار سے محروم ہے۔ تاہم ان حلقوں کے مسترد شدہ امیدواروں نے ہائی کورٹ سے رجوع کرنے کا اعلان کیا ہے۔

دوسری جانب، جماعت اسلامی نے 276 حلقوں میں کاغذات نامزدگی جمع کرائے تھے۔ ابتدائی طور پر 8 امیدوار مسترد ہوئے، مگر اپیل کے بعد تمام کی امیدواریاں بحال کر دی گئیں۔ جماعت کے اتحادی نیشنل سٹیزن پارٹی کا واحد مسترد شدہ امیدوار بھی دوبارہ اہل قرار پایا۔ جماعت اسلامی کی قیادت کے مطابق اتحاد کے تحت نشستوں کی ایڈجسٹمنٹ کے باعث کسی قسم کا بحران پیدا نہیں ہوگا۔

یہ بھی پڑھیں:بنگلہ دیش: چیف الیکشن کمشنر کی تمام فریقین سے شفاف انتخابات کے لیے تعاون کی اپیل

جاتیہ پارٹی اپیلوں کے عمل سے سب سے زیادہ فائدہ اٹھانے والی جماعت رہی، جس کے 44 میں سے 36 مسترد امیدوار بحال ہوئے اور اب اس کے 195 حلقوں میں امیدوار موجود ہیں۔ کمیونسٹ پارٹی آف بنگلہ دیش نے بھی دستاویزات مکمل کرنے کے بعد 25 میں سے 20 امیدواروں کی اہلیت بحال کرا لی۔

الیکشن کمیشن نے آزاد امیدواروں کے معاملے میں بھی نرمی برتی، جہاں تکنیکی وجوہات کی بنیاد پر مسترد کیے گئے 366 میں سے 162 امیدوار اپیل کے بعد دوبارہ اہل قرار پائے۔ چیف الیکشن کمشنر اے ایم ایم ناصرالدین کے مطابق کمیشن نے غیر جانبداری کے ساتھ جامع اور شمولیتی انتخابات کو یقینی بنانے کے لیے فیصلے کیے ہیں۔

الیکشن کمیشن کا کہنا ہے کہ ہائیکورٹ میں زیر التوا مزید اپیلوں کے فیصلوں کے بعد انتخابی امیدواروں کی حتمی تعداد میں مزید اضافہ ہو سکتا ہے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

الیکشن کمیشن بنگلہ دیش بنگلہ دیش انتخابات.

ذریعہ

ذریعہ: WE News

کلیدی لفظ: الیکشن کمیشن بنگلہ دیش بنگلہ دیش انتخابات جماعت اسلامی الیکشن کمیشن امیدواروں کی بنگلہ دیش بی این پی بحال کر کے بعد کے لیے

پڑھیں:

بنگلہ دیش کے وزیر خارجہ ڈاکٹر خلیل الرحمان اقوام متحدہ کی جنرل اسمبلی کے 81ویں اجلاس کے صدر منتخب

بنگلہ دیش کے وزیر خارجہ ڈاکٹر خلیل الرحمان اقوام متحدہ کی جنرل اسمبلی کے 81ویں اجلاس کے صدر منتخب ہو گئے ہیں جسے عالمی سفارت کاری میں بنگلہ دیش کے لیے ایک اہم کامیابی قرار دیا جا رہا ہے۔

یہ بھی پڑھیں: بنگلہ دیش کے وزیر برائے چٹاگانگ ہل ٹریکٹس افیئرز خرابی صحت کے باعث مستعفی

منگل کو نیویارک میں اقوام متحدہ کے ہیڈکوارٹرز میں ہونے والے انتخاب میں ڈاکٹر خلیل الرحمان نے قبرص کے امیدوار کو شکست دے کر یہ اہم منصب حاصل کیا۔

مبصرین کے مطابق یہ کامیابی عالمی سطح پر بنگلہ دیش کے بڑھتے ہوئے سفارتی کردار، کثیرالجہتی تعاون اور بین الاقوامی اداروں میں اس کی مضبوط ہوتی ساکھ کا مظہر ہے۔

وزیراعظم طارق رحمان نے ڈاکٹر خلیل الرحمان کو مبارکباد دیتے ہوئے کہا کہ ان کا انتخاب عالمی سطح پر بنگلہ دیش کے بڑھتے ہوئے اثر و رسوخ اور مثبت کردار کا اعتراف ہے۔

مزید پڑھیے: سابق صدر بنگلہ دیش ضیاء الرحمان کی 45ویں برسی: صاحبزادے و وزیراعظم طارق رحمان کا خراج عقیدت

اپنے پیغام میں وزیراعظم نے کہا کہ اقوام متحدہ کی جنرل اسمبلی کے 81ویں اجلاس کا صدر منتخب ہونے پر وزیر خارجہ ڈاکٹر خلیل الرحمان کو دل کی گہرائیوں سے مبارکباد پیش کرتا ہوں۔

انہوں نے امید ظاہر کی کہ ڈاکٹر خلیل الرحمان اس اہم منصب پر بنگلہ دیش کی بہترین نمائندگی کریں گے اور عالمی برادری کو درپیش مشترکہ چیلنجز سے نمٹنے کے لیے رابطوں، مکالمے اور بین الاقوامی تعاون کے فروغ میں مؤثر کردار ادا کریں گے۔

وزیراعظم کا کہنا تھا کہ ہمیں یقین ہے کہ وہ بنگلہ دیش کا نام مزید روشن کریں گے اور عالمی مسائل کے حل کے لیے تعاون اور ہم آہنگی کو فروغ دینے میں اہم کردار ادا کریں گے۔ ان کا مزید کہنا تھا کہ ہم ان کی نئی ذمہ داریوں کے لیے نیک تمناؤں کا اظہار کرتے ہیں۔‘

مزید پڑھیں: بنگلہ دیش میں چمڑے کی منڈی بحران کا شکار، مدارس اور یتیم خانوں کو خسارہ، وجہ کیا ہے؟

ڈاکٹر خلیل الرحمان جنرل اسمبلی کے 81ویں اجلاس کے باقاعدہ آغاز پر اپنی ذمہ داریاں سنبھالیں گے۔ اس حیثیت میں وہ عالمی امن و سلامتی، پائیدار ترقی، موسمیاتی تبدیلی، عالمی حکمرانی اور دیگر اہم بین الاقوامی امور پر ہونے والے مباحث اور اجلاسوں کی صدارت کریں گے۔

اقوام متحدہ بنگلہ دیش کے وزیر خارجہ ڈاکٹر خلیل الرحمان بنگلہ دیش کے وزیراعظم طارق رحمان نے ڈاکٹر خلیل الرحمان خلیل الرحمان اقوام متحدہ کی جنرل اسمبلی کے 81ویں اجلاس کے صدر منتخب طارق رحمان کی ڈاکٹر خلیل رحمان کو مبارکباد

بنگلہ دیشی انتخابات: بی این پی اتحاد دو نشستوں پر امیدوار سے محروم، جماعت اسلامی کو کوئی بحران درپیش نہیں

بنگلہ دیش کے وزیر خارجہ ڈاکٹر خلیل الرحمان اقوام متحدہ کی جنرل اسمبلی کے 81ویں اجلاس کے صدر منتخب

متعلقہ مضامین

روزانہ کی خبریں

سب سے زیادہ دورہ کیا

کلیدی لفظ

آخری خبر