عمران خان سے ملاقات کی کسی کو اجازت نہ ملی، بہنوں کی جیل کے قریب قرآن خوانی
اشاعت کی تاریخ: 20th, January 2026 GMT
پاکستان تحریک انصاف (پی ٹی آئی) کے بانی عمران خان سے آج جیل میں ملاقات کا دن ہے، تاہم ابھی تک کسی کو ملاقات کی اجازت نہیں دی گئی۔
عمران خان کی تینوں بہنیں اڈیالہ جیل کے قریب داہگل کے پاس موجود ہیں، جہاں کارکنان کے ہمراہ قرآن خوانی کی جارہی ہے۔
عمران خان کی تینوں ہمشیر اس وقت اڈیالہ جیل دھاگل ڈی ایچ اے گیٹ کے سامنے اپنی عوام کے ساتھ موجود ہیں اور پرامن طور پر قرآن خانی کر رہی ہیں ان کا کہنا ہے کہ ہماری خواتین کی گاڑیاں روکی جاتی ہیں اور انہیں اندھیرے میں کھڑا کیا جاتا ہے ہمیں یہ منظور نہیں کہ کسی کارکن کو تکلیف پہنچے ہم… pic.
— Agha Sheikh Sarwar (@Agha_Sarwar804) January 20, 2026
عمران خان کی بہنوں کا کہنا ہے کہ ہماری خواتین کی گاڑیاں روکی جاتی ہیں اور انہیں اندھیرے میں کھڑا کردیا جاتا ہے۔
انہوں نے کہاکہ ہمیں یہ منظور نہیں کہ کسی کارکن کو تکلیف پہنچے ہم یہاں پرامن طریقے سے قرآن پاک کی تلاوت کے لیے بیٹھے ہیں، اگر کسی کو قرآن پڑھنے سے خوف ہے تو ہم انشااللہ اپنا مقصد پورا کریں گے۔
عمران خان کی بہنوں سے اظہار یکجہتی کے لیے وکلا کی بھی بڑی تعداد اڈیالہ جیل کے باہر موجود ہے، اور عمران خان کے حق میں نعرے بازی کی جارہی ہے۔
عمران تیرے جانثار بے شمار بے شمار
وکلا بھی اڈیالہ پہنچ گئے pic.twitter.com/a7avpdRiIE
— Farid Malik (@FaridMalikPK) January 20, 2026
واضح رہے کہ حکومت نے بانی پی ٹی آئی عمران خان کی ملاقاتوں پر پابندی عائد کر رکھی ہے، اور کچھ عرصے سے کسی کو بھی ملاقات کی اجازت نہیں دی جاتی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اجازت نہ ملی اڈیالہ جیل بہنوں کی قرآن خوانی عمران خان ملاقات وی نیوز
ذریعہ
ذریعہ: WE News
کلیدی لفظ: اجازت نہ ملی اڈیالہ جیل بہنوں کی قرا ن خوانی ملاقات وی نیوز عمران خان کی اڈیالہ جیل کسی کو
پڑھیں:
پی ٹی آئی کے علاوہ سب کو انتخابی مہم کی اجازت ہے، شفیع جان
تحریک انصاف کے رہنما شفیع جان نے کہا ہے کہ گلگت بلتستان میں پی ٹی آئی کے علاوہ باقی تمام جماعتوں کو انتخابی مہم چلانے کی اجازت ہے، نواز شریف اور بلاول بھٹو زرداری بھی کیمپین کر رہے ہیں۔
ایک بیان میں انہوں نے کہا کہ اگر تحریک انصاف کا کوئی وزیر وہاں ہوتا تو الیکشن کمیشن حرکت میں آچکا ہوتا۔ الیکشن کمیشن کی یہ خاموشی ہمیں سمجھ نہیں آرہی۔
شفیع جان کا کہنا تھا کہ پی ٹی آئی نے گلگت بلتستان ڈیموکریٹک موومنٹ سے الحاق کیا تو اُس کو بھی کینسل کر دیا گیا اور ہمارے اُمیدواروں کو آزاد ڈیکلیئر کر دیا گیا ۔
انہوں نے کہا کہ گلگت بلتستان کے عوام فیصلہ کر چکے ہیں، 7 جون کو تحریک انصاف کامیاب ہو گی۔ ہم اپنے ووٹ کو محفوظ بنانے کے مکینزم پر کام کر رہے ہیں۔
پی ٹی آئی رہنما کا کہنا تھا کہ فارم 47 کی ایک اور واردات کی تیاری کی جارہی ہے وہ ہم کرنے نہیں دیں گے۔ اس کے خلاف ہمیں اگر گلگت بلتستا ن بند کرنا پڑا تو یہ بھی کریں گے۔
وزارت آئی ٹی نے 1.67 ارب روپے سے زاید کے فنڈز طلب کرلیے