علامہ مقصود ڈومکی کی سابق وزیراعظم میاں محمد سومرو و دیگر شخصیات سے ملاقات
اشاعت کی تاریخ: 20th, January 2026 GMT
سابق وزیراعظم سے ملاقات میں علامہ مقصود ڈومکی نے باہمی دلچسپی کے امور پر تبادلۂ خیال کیا۔ بعد ازاں انہوں نے جیکب آباد میں دیگر شخصیات سے بھی ملاقات کی۔ اسلام ٹائمز۔ مجلس وحدت مسلمین کے مرکزی رہنماء علامہ مقصود علی ڈومکی نے سابق وزیراعظم محمد میاں سومرو سے ملاقات کی۔ اس موقع پر حاجی شاہ مراد ٹومکی، وحدت یوتھ ونگ کے ڈویژنل صدر اللہ بخش میرالی اور صوبائی آرگنائزنگ کمیٹی کے رکن مولانا منور حسین سولنگی بھی ان کے ہمراہ تھے۔ ملاقات کے دوران باہمی دلچسپی کے امور پر تبادلۂ خیال کیا گیا۔ بعد ازاں ایم ڈبلیو ایم رہنماء علامہ مقصود علی ڈومکی اور ضلعی صدر نظیر حسین جعفری نے داؤ میں راشد علی گولا اور دوداپور میں سید جہان شاہ، نظر علی، میرالی و دیگر کو برسیٔ شہدائے شکارپور میں شرکت کی دعوت دی۔
اس موقع پر گفتگو کرتے ہوئے علامہ مقصود علی ڈومکی نے کہا کہ شہدائے شکار پور کی گیارہویں برسی 30 جنوری 2026 بروز جمعہ عقیدت و احترام سے منائی جائے گی۔ برسی شہداء کی تقریب میں عوام، وارثان شہداء اور مختلف طبقات سے تعلق رکھنے والے افراد کثیر تعداد میں شریک ہو کر شہداء راہ حق کو خراج عقیدت پیش کریں گے۔ انہوں نے کہا کہ صوبہ سندھ میں امن و امان کی ابتر صورتحال حکومت اور ریاستی اداروں کے لئے لمحۂ فکریہ ہے۔ بدامنی کے باعث عوام کی جان و مال غیر محفوظ ہو چکی ہے، جبکہ چوری، ڈکیتی اور راہزنی روز کا معمول بن چکے ہیں، بدامنی کسی صورت قابلِ قبول نہیں۔
ذریعہ
ذریعہ: Islam Times
کلیدی لفظ: علامہ مقصود
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا