کراچی میں ڈکیتی، 62 لاکھ لوٹ لیے گئے، ڈاکوؤں کی فائرنگ سے راہ گیر جاں بحق
اشاعت کی تاریخ: 20th, January 2026 GMT
علامتی تصویر۔
کراچی کے علاقے جیل چورنگی کے قریب شہری سے ڈکیتی کی واردات کے دوران ڈاکو 62 لاکھ روپے لوٹ کر فرار ہوگئے۔
پولیس حکام کے مطابق ڈاکو کی فائرنگ کی زد میں آکر 25 سال کا راہ گیر وقار احمد جاں بحق ہوگیا۔
پولیس کے مطابق شہری کلفٹن میں بینک سے رقم نکال کر گاڑی کی ادائیگی کے لیے جیل چورنگی شوروم پہنچا تھا، اس نے گاڑی سے پیسے نکالے تو ڈاکو پیچھا کرتے ہوئے پہنچے اور لوٹ مار کی۔
پولیس حکام کے مطابق موٹر سائیکل سوار ڈاکو واردات کے بعد فرار ہوگئے۔
.
ذریعہ
ذریعہ: Jang News
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار