وزیراعلیٰ کل ملنے والی فائر سیفٹی آڈٹ رپورٹ پر برہم ہوئے، ناصر شاہ
اشاعت کی تاریخ: 20th, January 2026 GMT
فائل فوٹو
صوبائی وزیر بلدیات سید ناصر حسین شاہ نے کہا ہے کہ وزیراعلیٰ مراد علی شاہ کل ملنے والی فائر سیفٹی آڈٹ رپورٹ پر برہم ہوئے۔
جیو نیوز کے پروگرام آج شاہزیب خانزادہ کے ساتھ میں گفتگو کے دوران ناصر شاہ نے کہا کہ گل پلازا واقعہ حکومت اور عمارتوں کے مکینوں کی آنکھیں کھولنے کےلیے کافی ہے۔
وزیر بلدیات سندھ ناصر حسین شاہ نے کہا ہے کہ سانحہ گل پلازا پر صوبائی حکومت خود کو بری الذمہ نہیں سمجھتی ہے۔
انہوں نے کہا کہ فائر سیفٹی آڈٹ رپورٹ وزیراعلیٰ سندھ کو کل ہی ملی، جس پر وہ برہم ہوئے کہ پہلے کیوں نہیں دی گئی۔
وزیراعلیٰ سندھ نے تمام عمارتوں میں فائر الارم لگانے کی ہدایت کی ہے، ان معاملات میں آباد کے ساتھ قریبی رابطے میں ہیں۔
اُن کا کہنا تھا کہ گل پلازا میں آگ لگی تو 10 سے 15 منٹ میں فائر بریگیڈ کی گاڑی پہنچی، صوبائی حکومت بری الذمہ نہیں ہے، ہماری ذمے داری بنتی ہے، مانتے ہیں ہم سے کوتاہی ہوئی ہے۔
.
ذریعہ
ذریعہ: Jang News
پڑھیں:
ولیکا اسپتال میں ایچ آئی وی کا ایک اور کیس رپورٹ، 18 ماہ کے بچے میں بیماری کی تصدیق
فائل فوٹو۔ولیکا اسپتال کراچی میں ایچ آئی وی کا ایک اور نیا کیس رپورٹ ہوا ہے۔ اسپتال حکام کے مطابق 18 ماہ کے بچے میں ایچ آئی وی کی تصدیق ہوئی ہے۔
اسپتال حکام کے مطابق ایچ آئی وی کے تصدیق شدہ کیسز کی تعداد 95 ہوگئی ہے۔
بچے کے والد کے مطابق 18 ماہ کا عبد الصمد دسمبر 2025 میں ولیکا اسپتال میں زیر علاج تھا، مسلسل طبیعت خراب رہنے پر بچے کا ایچ آئی وی کا ٹیسٹ کروایا۔
والد کا کہنا ہے کہ ٹیسٹ کروانے پر بچے میں ایچ آئی وی کی تصدیق ہوئی۔ میرے 5 بچے ہیں، باقی بچوں کے بھی ٹیسٹ کروائیں گے۔
اسپتال حکام کے مطابق ایچ آئی وی سے اب تک 9 بچے جاں بحق ہوچکے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار