کراچی: گل پلازہ کی عمارت میں آتشزدگی، ملبے سے نقدی چرانے والا مزدور گرفتار
اشاعت کی تاریخ: 21st, January 2026 GMT
گل پلازہ کی عمارت میں آتشزدگی کے بعد ملبے سے مبینہ طور پر لوٹ مار کا معاملہ سامنے آگیا۔ پولیس نے ملبے سے نکلنے والی نقدی رقم چوری کرنے کی کوشش کرنے والے ایک مزدور کو حراست میں لے لیا۔
پولیس کے مطابق متاثرہ عمارت کے ملبے سے سامان اور نقدی نکالنے کے دوران ایک مزدور رقم چھپا کر فرار ہونے کی کوشش کر رہا تھا۔ موقع پر موجود انتظامیہ نے مزدور کو مشکوک حرکت کرتے ہوئے دیکھا اور فوری طور پر اسے پکڑ لیا جس کے بعد پولیس کو اطلاع دی گئی۔
مزید پڑھیںایس بی سی اے نے گل پلازہ کے ساتھ قائم رمپا پلازہ کو غیر محفوظ قرار دے کر سیل کر دیا
سانحہ گل پلازہ کے بعد تجارتی و رہائشی عمارتوں میں فائر سیفٹی سسٹم نصب کروانے کیلیے 3 دن کا الٹی میٹم
انتظامیہ کا کہنا ہے کہ زیرِ حراست مزدور ملبے سے ملنے والی نقدی رقم چرانے کی کوشش کر رہا تھا اور اسے موقع پر ہی رنگے ہاتھوں پکڑا گیا۔ پولیس نے مبینہ مزدور کو مزید تفتیش کے لیے تھانے منتقل کر دیا ہے۔
.
ذریعہ
ذریعہ: Express News
کلیدی لفظ: گل پلازہ
پڑھیں:
کراچی: ڈاکٹر آکاش قتل کیس میں گرفتار تینوں ڈاکو اپنے ساتھیوں کی فائرنگ سے ہلاک
ڈاکٹر آکاش قتل کیس میں گرفتار تینوں ڈاکو اپنے فرار ساتھیوں کی فائرنگ سے ہلاک ہوگئے۔اسپیشل انویسٹی گیشن (ایس آئی ایو) نے دعویٰ کیا ہےکہ گلشنِ معمار، عمر بروہی گوٹھ میں گرفتار ڈاکوؤں کی نشاندہی پر ان کے فرار ساتھیوں کی گرفتاری کے لیے چھاپا مارا تو ملزمان نے فائرنگ کردی جس سے پولیس اہلکار بھی زخمی ہوگیا۔ایس آئی یو کا کہنا ہے کہ فائرنگ کےدوران ڈاکٹر آکاش قتل کیس میں گرفتار تینوں ڈاکو اپنے ہی ساتھیوں کی فائرنگ سے مارے گئے۔13 جولائی کو کراچی کے علاقے کلفٹن میں بینک کے باہر ڈاکوؤں کی فائرنگ سے نوجوان ڈاکٹر آکاش جاں بحق ہوگیا تھا جب کہ ملزمان بینک سے نکالے گئے 50 لاکھ روپے میں سے 25 لاکھ لوٹ کر فرار ہوگئے تھے۔ڈاکٹر آکاش قتل کیس میں پولیس نے تفتیشی رپورٹ جوڈیشل مجسٹریٹ جنوبی کی عدالت میں جمع کرائی تھی جس میں واردات میں نامعلوم خاتون کے ملوث ہونے کاانکشاف بھی کیا گیا تھا۔پولیس نے بتایا تھا کہ کلفٹن تین تلوار کے قریب ڈکیتی واردات کے دوران ڈاکٹر آکاش کو فائرنگ کرکے قتل کرنے کے واقعے میں گرفتار ملزمان کے بینکوں کے باہر رقم چھیننے اور تاجر کو لوٹنے کے واقعات میں ملوث ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار