ترک کھلاڑی زینب سونمز آسٹریلین اوپن 2026 کے تیسرے راؤنڈ میں پہنچ گئیں
اشاعت کی تاریخ: 21st, January 2026 GMT
ترکیے کی ابھرتی ہوئی ٹینس اسٹار زینب سونمز نے شاندار کارکردگی کا مظاہرہ کرتے ہوئے آسٹریلین اوپن 2026 کے تیسرے راؤنڈ میں جگہ بنا لی۔
انہوں نے بدھ کے روز میلبرن پارک میں ہنگری کی اینا بوندار کو سیدھے سیٹس میں شکست دی۔
دنیا کی 112 ویں نمبر کی کھلاڑی زینب سونمز نے کورٹ نمبر 7 پر کھیلے گئے میچ میں 6-2، 6-4 سے کامیابی حاصل کی اور میچ صرف 90 منٹ میں اپنے نام کر لیا۔ میچ کے دوران اسٹیڈیم ترک شائقین سے بھرا ہوا تھا، سرخ جھنڈوں کی بھرمار اور مسلسل نعروں نے ماحول کو یادگار بنا دیا۔
گرینڈ سلام میں دوسری بار تیسرا راؤنڈ23 سالہ استنبول سے تعلق رکھنے والی سونمز نے گزشتہ سال ومبلڈن میں تاریخ رقم کرتے ہوئے کسی بھی ترک کھلاڑی کے لیے پہلی بار گرینڈ سلام کے تیسرے راؤنڈ تک رسائی حاصل کی تھی۔ 6ماہ کے اندر یہ ان کی دوسری گرینڈ سلام کامیابی ہے۔
پہلی ترک خاتون جو میلبرن میں دوسرے راؤنڈ تک پہنچیسونمز نے اپنے پہلے میچ میں 11ویں سیڈ ایکاترینا الیگزانڈرووا کو شکست دے کر آسٹریلین اوپن میں دوسرے راؤنڈ تک پہنچنے والی ترکیے کی پہلی خاتون ٹینس کھلاڑی بننے کا اعزاز بھی حاصل کیا۔
’مجھے لگا میں اپنے گھر میں کھیل رہی ہوں‘میچ کے بعد گفتگو کرتے ہوئے زینب سونمز نے کہا ’میں واقعی شکر گزار ہوں کہ یہاں اتنے زیادہ ترک لوگ موجود تھے، مجھے لگا جیسے میں گھر پر کھیل رہی ہوں۔‘
انہوں نے مزید کہا ’شروع میں میں تھوڑی نروس تھی، لیکن پھر میں ماحول کی عادی ہو گئی۔ میں نے کورٹ پر خود کو بہت اچھا محسوس کیا، ایسا لگا جیسے ہم سب مل کر ‘کھیل رہے ہوں۔
واضح رہے کہ تیسرے راؤنڈ میں زینب سونمز کا مقابلہ قازقستان کی یولیا پوتنسیوا سے ہوگا، جو عالمی درجہ بندی میں 94ویں نمبر پر موجود ہیں۔
سونمز کو توقع ہے کہ اگلے میچ میں بھی ترک شائقین کی بھرپور حمایت حاصل رہے گی۔
’ایسی حمایت پہلے کبھی نہیں دیکھی‘سونمز کا کہنا تھا کہ آسٹریلیا میں ملنے والی حمایت ان کے لیے بالکل نئی اور غیر معمولی تھی۔
’ومبلڈن میں بھی لوگ تھے، یہاں پہلے راؤنڈ میں بھی تھے، لیکن آج جو ہوا، ایسا میں نے کبھی تجربہ نہیں کیا۔‘
انہوں نے کہا کہ شور اتنا زیادہ تھا کہ میں اپنی ہی سوچ نہیں سن پا رہی تھی۔
سونمز نے کہا کہ انہیں معلوم تھا کہ ترکیے میں لوگ رات 3 بجے ٹی وی پر انہیں دیکھ رہے ہیں، اور یہی بات ان کے لیے مزید حوصلے کا باعث بنی۔
یاد رہے کہ اتوار کے روز زینب سونمز نے شائقین کے دل اس وقت بھی جیت لیے جب انہوں نے شدید گرمی میں بے ہوش ہونے والی ایک بال گرل کی فوری مدد کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلین اوپن 2026 ترک ٹینس اسٹار زینب سونمز کھیل.
ذریعہ
ذریعہ: WE News
کلیدی لفظ: ا سٹریلین اوپن 2026 ترک ٹینس اسٹار زینب سونمز کھیل تیسرے راؤنڈ انہوں نے کے لیے
پڑھیں:
نواز شریف ایک روزہ دورے پر گلگت بلتستان پہنچ گئے
گلگت (ڈیلی پاکستان آن لائن) پاکستان مسلم لیگ (ن) کے صدر اور سابق وزیراعظم نواز شریف ایک روزہ دورے پر گلگت بلتستان پہنچ گئے۔
نجی ٹی وی چینل دنیا نیوز کے مطابق وفاقی وزراء خواجہ محمد آصف، احسن اقبال، رانا ثناء اللہ، سینیٹر پرویز رشید، پنجاب کی سینئر صوبائی وزیر مریم اورنگزیب، سینیٹر انوشہ رحمن، کاظم پیرزادہ بھی نواز شریف کے ہمراہ ہیں۔
گلگت پہنچنے پر وفاقی وزیر امور کشمیر انجینئر امیر مقام، سابق وزیراعلیٰ گلگت بلتستان حافظ حفیظ الرحمان، کیپٹن (ر) محمد صفدر اور دیگر پارٹی رہنماؤں نے پارٹی صدر کا استقبال کیا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
نواز شریف پارٹی رہنماؤں اور گلگت بلتستان کے انتخابات میں حصہ لینے والے پارٹی ٹکٹ ہولڈرز سے ملاقاتیں کریں گے۔
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے