مری: جمعرات اور جمعہ کو 18 انچ سے زائد برفباری کی پیشگوئی، متعلقہ ادارے ہائی الرٹ
اشاعت کی تاریخ: 21st, January 2026 GMT
مری میں متوقع برفباری اور بارش کے پیشِ نظر صوبائی وزیر مواصلات ملک صہیب احمد بھرتھ انتظامات کا جائزہ لینے مری پہنچ گئے۔ انہوں نے ڈسٹرکٹ ایڈمنسٹریشن کے اجلاس کی صدارت کی جس میں برف باری، روڈ کلیئرنگ اور لینڈ سلائیڈنگ سے نمٹنے کے انتظامات پر تفصیلی بریفنگ دی گئی۔
بریفنگ میں بتایا گیا کہ جمعرات اور جمعہ کو مری میں برفباری اور بارش کی پیشگوئی ہے جبکہ بعض علاقوں میں 18 انچ سے زائد برف پڑنے کا امکان بھی ظاہر کیا گیا ہے۔
مزید پڑھیں: مری اور گلیات میں شدید بارش و برفباری کی پیشگوئی، سیاحوں کے لیے الرٹ جاری
صوبائی وزیر نے حساس شاہراہوں اور پوائنٹس کی فوری نشاندہی، مری میں داخل ہونے والی گاڑیوں کی مسلسل مانیٹرنگ اور کسی بھی ہنگامی صورتحال میں فوری رسپانس یقینی بنانے کی ہدایات جاری کیں۔
ملک صہیب احمد بھرتھ نے محکمہ موسمیات سے مسلسل رابطہ رکھنے اور بروقت اپ ڈیٹس لینے پر زور دیا۔ انہوں نے مری کی مختلف شاہراہوں، سائیڈ کیمپس اور ٹورسٹ فیسلیٹیشن سینٹرز کا دورہ کیا اور میکینکل ونگ کی برف ہٹانے اور روڈ کلیئر کرنے والی مشینری کا بھی جائزہ لیا۔
صوبائی وزیر نے کہا کہ پنجاب حکومت سیاحوں اور مقامی آبادی کو سہولیات کی فراہمی کے لیے متحرک ہے اور ممکنہ برفانی طوفان سے نمٹنے کے لیے جامع پالیسی تشکیل دی جا رہی ہے۔ انہوں نے ہائی وے ڈیپارٹمنٹ، ڈسٹرکٹ ایڈمنسٹریشن، ٹریفک پولیس، ریسکیو 1122 اور دیگر اداروں کو مکمل باہمی رابطے میں رہنے کی ہدایت کی۔
مزید پڑھیں: ملک بھر میں سرد اور خشک موسم برقرار رہنے کی پیشگوئی، پہاڑی علاقوں میں برفباری کا امکان
بریفنگ میں بتایا گیا کہ نمک کے بیگز کی وافر مقدار اسٹور رومز میں موجود ہے جبکہ مری میں 13 ٹورسٹ فیسلیٹیشن سینٹرز مکمل طور پر فعال ہیں۔ اس موقع پر ڈی سی مری، اسسٹنٹ کمشنر، محکمہ ہائی وے اور میکینکل ونگ کے افسران بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برفباری کی پیشگوئی، صوبائی وزیر مواصلات ملک صہیب احمد بھرتھ مری.
ذریعہ
ذریعہ: WE News
کلیدی لفظ: برفباری کی پیشگوئی کی پیشگوئی کے لیے
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا