عالمی نظام ٹوٹ پھوٹ کا شکار ہے، کینیڈین وزیراعظم نے گرین لینڈ پر امریکی ٹیرف ناقابل قبول قرار دیدیا
اشاعت کی تاریخ: 21st, January 2026 GMT
کینیڈین وزیراعظم مارک کارنی نے امریکا کی جانب سے گرین لینڈ پر ممکنہ ٹیرف کی مخالفت کرتے ہوئے کہا ہے کہ یہ اقدامات ناقابل قبول ہیں۔
ورلڈ اکنامک فورم میں خطاب کرتے ہوئے انہوں نے واضح کیاکہ کینیڈا آرکٹک میں سلامتی اور خوشحالی کے لیے بامقصد مذاکرات کی حمایت کرتا ہے اور گرین لینڈ و ڈنمارک کے ساتھ مضبوط تعلقات برقرار رکھے گا۔
مزید پڑھیں: کیا کینیڈا امریکا کی 51ویں ریاست بن سکتا ہے؟
مارک کارنی نے عالمی نظام پر تبصرہ کرتے ہوئے کہاکہ دنیا اب طاقتور ممالک کے درمیان مقابلے کے ایک نئے دور میں داخل ہو چکی ہے اور پرانا عالمی نظام ٹوٹ پھوٹ کا شکار ہے۔
انہوں نے خبردار کیاکہ معاشی انضمام کو دباؤ کے آلے کے طور پر استعمال کیا جا رہا ہے، اور اگر درمیانی طاقتیں مذاکرات کی میز پر شامل نہ ہوں تو فیصلوں کی زد میں آ جائیں گی۔
مارک کارنی نے کہاکہ ہم کسی عبوری مرحلے سے نہیں بلکہ ایک بڑے بگاڑ سے گزر رہے ہیں۔
انہوں نے کہاکہ کینیڈا کو ماضی کے قواعد پر مبنی عالمی نظام سے فائدہ پہنچا، جس میں امریکی بالادستی نے اہم عوامی سہولیات فراہم کیں، جن میں آزاد بحری راستے، مستحکم مالی نظام، اجتماعی سلامتی اور تنازعات کے حل کے فریم ورک شامل ہیں۔
ان کا کہنا تھا کہ اب ایک نئی حقیقت سامنے آ چکی ہے، یہ ایک ایسا نظام ہے، جہاں طاقتور ممالک معاشی انضمام کو دباؤ کے ہتھیار کے طور پر استعمال کرتے ہوئے اپنے مفادات حاصل کر رہے ہیں۔
بڑی طاقتوں کو خوش کرنے کی پالیسی کے حوالے سے خبردار کرتے ہوئے مارک کارنی نے کہاکہ کینیڈا جیسے ممالک اب یہ امید نہیں رکھ سکتے کہ محض تابعداری انہیں تحفظ فراہم کرے گی۔
مزید پڑھیں: امریکا اور کینیڈا کے طیارے جلد گرین لینڈ پہنچیں گے، مشترکہ دفاعی کمانڈ کا اعلان
دوسری جانب امریکی صدر ڈونلڈ ٹرمپ بدھ کے روز ڈیووس پہنچہنچے جہاں گرین لینڈ پر قبضے کے حوالے سے ان کا مؤقف یورپی رہنماؤں کے ساتھ شدید کشیدگی کا سبب بن گیا۔
ان کی اس پالیسی کو نیٹو کے ٹرانس اٹلانٹک اتحاد کے لیے خطرہ قرار دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews کینیڈین وزیراعظم گرینڈ لینڈ مارک کارنی ممکنہ ٹیرف ورلڈ اکنامک فورم وی نیوز.
ذریعہ
ذریعہ: WE News
کلیدی لفظ: کینیڈین وزیراعظم گرینڈ لینڈ مارک کارنی ممکنہ ٹیرف ورلڈ اکنامک فورم وی نیوز مارک کارنی نے عالمی نظام گرین لینڈ کرتے ہوئے
پڑھیں:
سلمان خان بیان، بھارتی طلباء کے احتجاج پر دبنگ خان کی کھل کر حمایت
ممبئی: سلمان خان بیان ایک بار پھر سوشل میڈیا پر موضوعِ بحث بن گیا ہے۔ بالی ووڈ سپر اسٹار سلمان خان نے بھارت میں طلباء کے احتجاج پر ردعمل دیتے ہوئے کہا ہے کہ بہتر تعلیمی نظام کے لیے نوجوانوں کی آواز سنی جانی چاہیے اور اس معاملے کو سیاسی رنگ دینے سے گریز کیا جائے۔
سلمان خان نے اپنے سوشل میڈیا پلیٹ فارم ایکس پر جاری بیان میں کہا کہ ابتدا میں یہ ایک پرامن تحریک تھی، تاہم بعد میں اس کا پرتشدد رخ اختیار کرنا افسوسناک ہے۔ انہوں نے احتجاج کے دوران متاثر ہونے والے طلباء اور ان کے اہل خانہ سے ہمدردی کا اظہار بھی کیا۔
اداکار نے کہا کہ پیپر لیک جیسے معاملات انتہائی سنجیدہ نوعیت کے ہیں اور انہیں فوری توجہ کی ضرورت ہے۔ ان کے مطابق یہ خوش آئند بات ہے کہ طلباء بہتر تعلیمی نظام کے مطالبے کے لیے متحد ہوئے، جبکہ والدین نے بھی ان کی جدوجہد میں بھرپور ساتھ دیا۔
سلمان خان بیان میں مزید کہا گیا کہ طلباء نے اپنے عزم، محنت اور خلوص سے ثابت کیا ہے کہ وہ تعلیم حاصل کر کے ملک کے روشن مستقبل میں کردار ادا کرنا چاہتے ہیں۔ انہوں نے نوجوانوں کے جذبے، ہمت اور تعلیم سے وابستگی کو قابلِ تعریف قرار دیتے ہوئے کہا کہ یہی نسل مستقبل میں ملک کی ترقی میں اہم کردار ادا کرے گی۔
بالی ووڈ اسٹار نے زور دیا کہ طلباء کے مطالبات کو سیاسی تنازع نہ بنایا جائے کیونکہ یہ معاملہ براہِ راست تعلیمی نظام اور طلباء کے مستقبل سے جڑا ہوا ہے۔ انہوں نے امید ظاہر کی کہ حکومت بھی اس معاملے کا مثبت حل نکالے گی اور تعلیمی نظام کو مزید مضبوط بنانے کے لیے مؤثر اقدامات کرے گی۔
سلمان خان نے اپنے پیغام کے اختتام پر دعا کی کہ علم حاصل کرنے والے تمام طلباء اپنی منزل حاصل کریں اور ملک میں ایسا تعلیمی ماحول قائم ہو جہاں میرٹ، شفافیت اور انصاف کو اولین ترجیح دی جائے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا