ڈیوس: وفاقی وزیر خزانہ کی صدر اے ڈی بی سے اہم ملاقاتیں
اشاعت کی تاریخ: 21st, January 2026 GMT
ڈیوس: (نیوزڈیسک)وزیر خزانہ سینیٹر محمد اورنگزیب نے ڈیوس میں جاری ورلڈ اکنامک فورم کے سالانہ اجلاس کے دوران ایشیائی ترقیاتی بینک (اے ڈی بی) کے صدر ماساتو کانڈا اور مینزیس ایوی ایشن کے چیئرمین حسن الہوری سے اہم ملاقاتیں کیں۔
ملاقاتوں میں پاکستان کے اقتصادی اصلاحاتی ایجنڈے کو آگے بڑھانے، بین الاقوامی شراکت داری مضبوط کرنے اور سرمایہ کاری پر مبنی ترقی کے فروغ پر تبادلۂ خیال کیا گیا۔
وزیر خزانہ نے اے ڈی بی کے صدر سے پاکستان میں جاری اصلاحات اور مجموعی معاشی استحکام پر گفتگو کی، جبکہ اے ڈی بی کے صدر نے پاکستان میں اصلاحات کی رفتار اور مارکیٹ میں اعتماد کو سراہا۔
سینیٹر محمد اورنگزیب نے اے ڈی بی کے تعاون اور رہنمائی پر شکریہ ادا کرتے ہوئے کہا کہ پاکستان اور اے ڈی بی کے تعلقات ایک نئے اور زیادہ اسٹریٹجک مرحلے میں داخل ہو چکے ہیں۔
وزیر خزانہ نے مہنگائی میں کمی، شرحِ سود میں نرمی، زرمبادلہ کے ذخائر میں بہتری اور سرمایہ کاروں کے اعتماد میں اضافے جیسے مثبت اشاریوں پر روشنی ڈالی۔
ملاقات میں توانائی کے شعبے میں اصلاحات، جدید کاری اور صاف و پائیدار توانائی کے فروغ پر بھی بات چیت ہوئی، اور دونوں فریقین نے عملی حل کے لیے قریبی رابطے پر اتفاق کیا۔
قبل ازیں سینیٹر محمد اورنگزیب نے مینزیس ایوی ایشن کے چیئرمین حسن الہوری سے ملاقات میں ایوی ایشن کے شعبے میں سرمایہ کاری کے مواقع، ہوائی اڈوں کی خدمات میں بہتری اور نجکاری منصوبوں پر تبادلۂ خیال کیا۔
وزیر خزانہ نے پاکستان انٹرنیشنل ایئرلائنز میں پیش رفت اور اسلام آباد، کراچی اور لاہور کے ہوائی اڈوں کو نجی شعبے کے حوالے کرنے کی کوششوں سے آگاہ کیا۔
حسن الہوری نے پاکستان کو ایوی ایشن کے شعبے میں سرمایہ کاری کے لیے پُرکشش ملک قرار دیا اور تعاون میں توسیع کی دلچسپی کا اظہار کیا۔
دونوں فریقین نے ہوائی اڈوں کی سروس کو بہتر بنانے اور مسافروں کو جدید سہولیات فراہم کرنے پر تبادلۂ خیال کیا۔
.
ذریعہ
ذریعہ: Daily Mumtaz
کلیدی لفظ: ایوی ایشن کے اے ڈی بی کے
پڑھیں:
وفاقی بجٹ کب پیش کیا جائےگا، وفاقی وزیر طارق فضل چوہدری نے بتا دیا
وفاقی وزیر پارلیمانی امور طارق فضل چوہدری نے کہا ہے کہ وفاقی بجٹ 10 جون کو پیش کیا جائےگا۔
نجی ٹی وی سے گفتگو کرتے ہوئے انہوں نے وضاحت کی کہ بجٹ سے پہلے کوئی قانون سازی نہیں ہورہی۔
واضح رہے کہ قبل ازیں قومی اسمبلی کا بجٹ اجلاس 5 جون کو طلب کیا گیا تھا، تاہم آج قومی اقتصادی کونسل کا 3 جون کو ہونے والا اجلاس اچانک ملتوی کردیا گیا تھا، جس کے بعد واضح ہوگیا تھا کہ 5 جون کو بجٹ پیش نہیں ہوگا۔
قومی اقتصادی کونسل کا اجلاس ملتوی ہونے کے بعد میڈیا پر یہ خبریں سامنے آئی تھیں کہ حکومت بجٹ سے قبل کوئی اہم قانون سازی کرنا چاہتی ہے، تاہم طارق فضل چوہدری نے ایسی خبروں کی تردید کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews تاریخ کا اعلان طارق فضل چوہدری وفاقی بجٹ وی نیوز
وزارت آئی ٹی نے 1.67 ارب روپے سے زاید کے فنڈز طلب کرلیے