شاہ رخ خان نے سیلفی لینے والے مداح کا موبائل کیوں چھینا؟ ویڈیو وائرل
اشاعت کی تاریخ: 21st, January 2026 GMT
ریاض میں منعقد ہونے والی ایک ایوارڈز تقریب کے دوران بالی ووڈ کے سپر اسٹار شاہ رخ خان کا اسٹیج پر اپنے مداح کے ہاتھ سے موبائل لینا سوشل میڈیا پر توجہ کا مرکز بن گیا۔
اسٹیج پر مداحوں نے کنگ خان کے ساتھ سیلفی لینے کی کوشش کی تاہم شاہ رخ خان نے موبائل لے لیا۔ اس واقعے کی ویڈیو وائرل ہوتے ہی مختلف پلیٹ فارمز پر اس پر بحث شروع ہوگئی ہے۔
وائرل ویڈیو کلپ میں دیکھا جاسکتا ہے کہ ایک مداح اسٹیج پر شاہ رخ خان کے قریب آ کر سیلفی لینے کی کوشش کرتا ہے، جس پر اداکار مسکراتے ہوئے اُس کے ہاتھ سے فون لے لیتے ہیں۔ اس کے بعد وہ سامنے موجود کیمرہ مین کی جانب اشارہ کرتے ہیں، جیسے یہ باور کرانا ہو کہ فوٹوگرافی کے لیے پہلے سے انتظام موجود ہے۔ چند لمحوں بعد شاہ رخ خان مداح کو اُس کا فون واپس کر دیتے ہیں۔
اسی دوران ایک اور مداح بھی سیلفی لینے کے لیے آگے بڑھتا ہے، تو شاہ رخ خان اُس کا فون بھی اسی انداز میں لے لیتے ہیں اور اُسے بھی کیمرہ مین کی طرف متوجہ کرتے ہیں۔
View this post on Instagramیہ پورا منظر حاضرین اور سوشل میڈیا صارفین کے لیے دلچسپی کا باعث بن گیا۔
اس واقعے پر سوشل میڈیا پر ردِعمل منقسم نظر آ رہا ہے۔ کچھ صارفین کا کہنا ہے کہ شاہ رخ خان نے یہ سب تقریب کے پروٹوکول اور سیکیورٹی قواعد کے تحت کیا، اور اُن کا رویہ دوستانہ اور مسکراتا ہوا تھا۔ دوسری جانب بعض صارفین نے اسے غیر ضروری سختی یا تکبر سے تعبیر کیا ہے۔
مختصر سے اس لمحے نے ایک بار پھر یہ ثابت کر دیا کہ شاہ رخ خان جہاں جاتے ہیں، اُن کے ہر عمل پر مداحوں اور سوشل میڈیا کی نظریں لگی رہتی ہیں، اور ایک معمولی سا واقعہ بھی بحث کا موضوع بن جاتا ہے۔
.
ذریعہ
ذریعہ: Express News
کلیدی لفظ: سوشل میڈیا سیلفی لینے شاہ رخ خان
پڑھیں:
موبائل سم صار فین ہوشیار ، پی ٹی اے کا اہم انتباہ جار ی
اسلام آباد(نیوز ڈیسک)پاکستان ٹیلی کمیونیکیشن اتھارٹی (پی ٹی اے) نے موبائل فون صارفین کو سمز کے محفوظ استعمال کے حوالے سے اہم انتباہ جاری کرتے ہوئے خبردار کیا ہے کہ اپنی رجسٹرڈ سم کسی دوسرے شخص کے حوالے کرنا قابلِ سزا جرم ہے اور اس کے سنگین قانونی نتائج سامنے آ سکتے ہیں۔
پی ٹی اے کی جانب سے جاری کردہ پیغام میں کہا گیا ہے کہ اگر کسی شخص کے نام پر رجسٹرڈ سم غیرقانونی سرگرمیوں میں استعمال ہوتی ہے تو متعلقہ صارف کو بھی قانونی مشکلات کا سامنا کرنا پڑ سکتا ہے۔ اسی لیے شہری اپنی سم کسی دوسرے فرد کے استعمال کے لیے ہرگز نہ دیں۔
اتھارٹی نے صارفین کو ہدایت کی ہے کہ وہ فوری طور پر یہ تصدیق کریں کہ ان کے قومی شناختی کارڈ پر کتنی سمیں رجسٹرڈ ہیں۔ اس مقصد کے لیے cnic.sims.pk پر جا کر یا اپنا 13 ہندسوں پر مشتمل شناختی کارڈ نمبر (بغیر ڈیش کے) 668 پر ایس ایم ایس کر کے معلومات حاصل کی جا سکتی ہیں۔
اگر کسی نامعلوم یا غیر ضروری سم کی نشاندہی ہو تو اسے فوری طور پر بلاک کرایا جائے۔
مزید پڑھیں۔سونے کی قیمت میں نمایاں کمی،فی تولہ نئی قیمت جانئے
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی