یورپ میں افغان انسانی اسمگلنگ نیٹ ورک بے نقاب، مرکزی ملزمان ملک بدر
اشاعت کی تاریخ: 21st, January 2026 GMT
data-id="863a0a8" data-element_type="widget" data-widget_type="theme-post-content.default">
لندن:یورپ میں سرگرم افغان انسانی اسمگلنگ کے ایک بڑے نیٹ ورک کا پردہ فاش ہو گیا ہے، جس میں برطانیہ اور بیلجیئم کی قانون نافذ کرنے والے اداروں نے مشترکہ کارروائی کرتے ہوئے دو مرکزی ملزمان کو ملک بدر کر دیا ہے۔ یہ کارروائی برطانیہ کی نیشنل کرائم ایجنسی (این سی اے) اور بیلجیئم کے سیکیورٹی اداروں کے تعاون سے عمل میں آئی۔
نیشنل کرائم ایجنسی کے مطابق انسانی اسمگلنگ نیٹ ورک کے مرکزی ملزم ذیشان بنگش کو برطانیہ سے ڈی پورٹ کر دیا گیا ہے جبکہ دوسرے اہم ملزم سیف الرحمان احمد زئی کو بیلجیئم سے ملک بدر کیا گیا۔ دونوں افراد افغان شہری ہیں اور یورپ میں غیرقانونی نقل مکانی کے ایک منظم نیٹ ورک کی قیادت کر رہے تھے۔
این سی اے کے مطابق یہ افغان اسمگلنگ نیٹ ورک ایران اور ترکیے کے راستے افراد کو فرانس اور بیلجیئم منتقل کرنے میں ملوث تھا، جہاں سے انہیں غیرقانونی طور پر برطانیہ پہنچایا جاتا تھا۔ نیٹ ورک نے ہزاروں افراد کو خفیہ اور خطرناک راستوں کے ذریعے یورپ کے مختلف ممالک سے برطانیہ منتقل کیا، جن میں کشتیوں کے ذریعے سمندر پار کرنے جیسے جان لیوا طریقے بھی شامل تھے۔
تحقیقات کے مطابق بیلجیئم کی عدالت نے اس نیٹ ورک سے تعلق رکھنے والے 23 افراد کو مجموعی طور پر 170 سال قید کی سزا سنائی ہے، جو یورپ میں انسانی اسمگلنگ کے خلاف سخت ترین عدالتی فیصلوں میں سے ایک قرار دیا جا رہا ہے، یہ نیٹ ورک انسانی جانوں کو خطرے میں ڈال کر بھاری رقوم کے عوض غیرقانونی نقل مکانی کراتا رہا۔
نیشنل کرائم ایجنسی کا کہنا ہے کہ انسانی اسمگلنگ کے خلاف بین الاقوامی تعاون کو مزید مضبوط کیا جائے گا اور ایسے نیٹ ورکس کے خلاف سخت کارروائیاں جاری رہیں گی تاکہ یورپ اور برطانیہ میں غیرقانونی نقل مکانی کی روک تھام ممکن بنائی جا سکے۔
ذریعہ
ذریعہ: Jasarat News
کلیدی لفظ: انسانی اسمگلنگ یورپ میں نیٹ ورک
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار