جامشورو: جی ایم سید کی سالگرہ منانے کے جرم میں رہنمائوں کی گرفتاریاں
اشاعت کی تاریخ: 22nd, January 2026 GMT
data-id="863a0a8" data-element_type="widget" data-widget_type="theme-post-content.default">
جامشورو(نمائندہ جسارت) جامشورو میں سائیں جی ایم سید سالگرہ کی تقریب منانے کے جْرم میں رہنماؤں کی گرفتاریوں کے خلاف جسقم کی کال پر جسقم کے چیئرمین صنعان قریشی اور جساف ضلع دادو کے صدر سالار سندھی جساف کے رہنما اسد سیال، جسقم تعلقہ دادو کے صدر نیاز چنا اور قومی کارکنوں کے خلاف مقدمات کے اندراج پر جسقم جا مشورو کے صدر سومر خان جمالی، جنرل سیکرٹری محبوب اوٹھو اور پریس سیکرٹری کامریڈ عابد علی جمالی، ریلی میں جسقم کارکنان نیاز حسین جمالی، شاہد برمانی، ارشاد لغاری، صناف رہنما مہران جویو، سندِھی نیشنل کانگریس کے رہنما شعیب جوئے، صدام کھوسو اور کارکنوں کے علاوہ اور دیگر کی قیادت میں احتجاجی ریلی نکال کر شہر کا گشت کرنے کے بعد ڈسٹرکٹ پریس کلب جامشورو پر پہنچ کر احتجاجی مظاہرہ کیا اور مذکورہ گرفتار یو ں کے خلاف نعرے بازی کی۔اِس موقع پر میڈ یا سے گفتگو کرتے ہوئے JSQM ضلع جامشورو کے صدر کامریڈ سومر خان جمالی نے کہا کہ ہم سندھی اپنی دھرتی کے وارث ہیں، ہم اپنی زمین کا مالک ہونا دِفاع کرناجانتے ہیں۔ اْنہوں نے رہنماؤں پر دائر کردہ تمام جھوٹے مقد مات کی سخت الفاظوں میں مذمت کی،جسقم ضلع جامشورو کے جنرل سیکرٹری محبوب اوٹھو نے کہا کہ سید اعظم سائیں جی ایم سید کی سالگرہ منانا بھی جرْم بنا دیا گیا ہے،اور اِس جْرم میں کے چیئرمین صنعا ن خان قریشی اور قومی کارکنوں کے خلاف سندھ کی ملکیت کے مقدمات درج کیے گئے ہیں۔ ہم اچھی طرح جانتے ہیں اور جدوجہد جاری ر ہے گی.
ذریعہ
ذریعہ: Jasarat News
پڑھیں:
یورپی یونین کا گوگل پر 89 کروڑ یورو جرمانہ، سرچ انجن پر اجارہ داری کے غلط استعمال کا الزام
یورپی یونین نے سرچ انجن کے شعبے میں مبینہ اجارہ داری کا غلط استعمال کرنے پر گوگل کے خلاف بڑا اقدام کرتے ہوئے کمپنی پر 89 کروڑ یورو (تقریباً ایک ارب امریکی ڈالر)کا جرمانہ عائد کر دیا ہے۔ یورپی کمیشن کا کہنا ہے کہ گوگل نے اپنی بالادست پوزیشن کا فائدہ اٹھاتے ہوئے حریف کمپنیوں کے ساتھ غیر منصفانہ رویہ اختیار کیا اور اپنی مختلف سروسز کو ناجائز برتری فراہم کی۔
یورپی کمیشن کی جانب سے جاری بیان کے مطابق گوگل نے سرچ انجن میں اپنی مضبوط پوزیشن استعمال کرتے ہوئے شاپنگ، ٹریول، گیمز اور دیگر سروسز کو سرچ نتائج میں نمایاں جگہ دی، جبکہ حریف کمپنیوں کی سروسز کو نیچے دکھایا گیا، جس سے منصفانہ مسابقت متاثر ہوئی۔
کمیشن نے کہا کہ یہ طرزِ عمل ڈیجیٹل مارکیٹس ایکٹ (Digital Markets Act) کی خلاف ورزی ہے، جس کے تحت بڑی ٹیکنالوجی کمپنیوں کو اپنی سروسز کے حق میں امتیازی یا جانبدارانہ رویہ اختیار کرنے کی اجازت نہیں۔
یورپی کمیشن نے گوگل پر یہ الزام بھی عائد کیا کہ کمپنی نے گوگل پلے اسٹور پر ایپ ڈویلپرز کو صارفین کو متبادل ادائیگی کے طریقوں سے آگاہ کرنے سے روکا، تاکہ گوگل کی سروس فیس برقرار رہے۔ کمیشن کے مطابق یہ عمل بھی ڈیجیٹل مارکیٹس ایکٹ کی خلاف ورزی کے زمرے میں آتا ہے، جس کا مقصد بڑی ٹیکنالوجی کمپنیوں کی اجارہ داری کو روکنا ہے۔
کمیشن نے گوگل کو ہدایت کی ہے کہ وہ 60 دن کے اندر فیصلے پر عملدرآمد کرے، بصورت دیگر کمپنی کو مزید جرمانوں کا سامنا کرنا پڑ سکتا ہے۔دوسری جانب گوگل نے فیصلے پر ردعمل دیتے ہوئے کہا ہے کہ یورپی کمیشن کے اس اقدام سے یورپی صارفین اور کاروباری اداروں کو نقصان پہنچ سکتا ہے۔
یہ پہلا موقع نہیں کہ یورپی یونین نے گوگل کے خلاف کارروائی کی ہو۔ 2018 میں اینڈرائیڈ آپریٹنگ سسٹم میں اجارہ داری کے الزام پر گوگل پر 4.7 ارب ڈالر کا جرمانہ عائد کیا گیا تھا، جبکہ 2017 میں سرچ انجن کے شعبے میں مسابقتی قوانین کی خلاف ورزی پر کمپنی کو 2.8 ارب ڈالر جرمانے کا سامنا کرنا پڑا تھا۔ بعد ازاں ان مقدمات میں گوگل کی اپیلیں بھی مسترد کر دی گئی تھیں۔
ماہرین کا کہنا ہے کہ تازہ کارروائی سے یورپی یونین اور امریکا کے درمیان تجارتی کشیدگی میں مزید اضافہ ہو سکتا ہے، کیونکہ امریکی انتظامیہ اس سے قبل یورپی یونین کی بعض تجارتی اور ڈیجیٹل پالیسیوں پر تحفظات کا اظہار کر چکی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار