پولیس ناکے اور بائیو میٹرک چیکنگ، موٹر سائیکل سواروں کی مشکلات میں اضافہ
اشاعت کی تاریخ: 22nd, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) شہر ِقائد کے مختلف علاقوں میں پولیس نے “اسنیپ چیکنگ” کے نام پر شہریوں، بالخصوص موٹر سائیکل سواروں کے لیے مشکلات کا نیا باب کھول دیا ہے۔ دفتری اوقات میں جگہ جگہ ناکے لگا کر بائیو میٹرک تصدیق کا عمل شروع کر دیا گیا ہے جس کے باعث ناصرف ٹریفک کی روانی متاثر ہو رہی ہے بلکہ ملازمت پیشہ افراد کو شدید ذہنی کوفت کا سامنا ہے۔ رپورٹ کے مطابق مومن آباد، ڈسٹرکٹ ویسٹ اور اس کے مضافاتی تھانوں کی حدود میں پولیس اہلکار صبح دفاتر جانے اور شام کو واپسی کے مخصوص اوقات میں متحرک ہو جاتے ہیں۔ ان ناکوں پر خاص طور پر موٹر سائیکل سواروں کو روکا جاتا ہے۔ گزشتہ روز سائٹ میٹروول کے رہائشی علاقے کی طرف جانے والے مرکزی راستے پر پولیس نے ناکہ لگا کر گھروں کو واپس جانے والے شہریوں کو روک کر بائیو میٹرک تصدیق کی۔ اسی طرح نارتھ ناظم آباد اور ناظم آباد کے علاقوں میں بھی اسنیپ چیکنگ کے نام پر لمبی قطاریں لگی رہتی ہیں۔ شہریوں کا کہنا ہے کہ پولیس کی اس اچانک چیکنگ کی وجہ سے وہ اکثر دفاتر دیر سے پہنچتے ہیں جس کے باعث انہیں انتظامیہ کی جانب سے سخت جملوں اور تلخ کلامی کا سامنا کرنا پڑتا ہے۔ ایک متاثرہ شہری کا کہنا تھا کہ پہلے صرف تلاشی کے نام پر روکا جاتا تھا، اب بائیو میٹرک مشینوں کے ذریعے ڈیٹا چیک کرنے میں کئی منٹ ضائع کر دیے جاتے ہیں۔ اگر ہم احتجاج کریں تو پولیس کا رویہ مزید سخت ہو جاتا ہے۔ حیرت انگیز طور پر پولیس حکام کی جانب سے اس مہم یا بائیو میٹرک چیکنگ کے حوالے سے اب تک کوئی باضابطہ پریس ریلیز جاری نہیں کی گئی ہے۔ جب مختلف تھانوں سے اس چیکنگ کے بارے میں رابطہ کرنے کی کوشش کی گئی تو کوئی واضح بیان سامنے نہیں آیا۔ عوام میں یہ تاثر پایا جاتا ہے کہ یہ کارروائیاں جرائم کی بیخ کنی کے بجائے شہریوں کو ہراساں کرنے اور وقت ضائع کرنے کا سبب بن رہی ہیں۔ واضح رہے کہ ماضی میں بھی پولیس مخصوص علاقوں میں ناکے لگا کر فیکٹریوں اور دفاتر جانے والے محنت کشوں کی تلاشی لیتی رہی ہے لیکن اب جدید ٹیکنالوجی (بائیو میٹرک مشینوں) کے استعمال نے اس عمل کو مزید طویل کر دیا ہے۔
ذریعہ
ذریعہ: Jasarat News
کلیدی لفظ: بائیو میٹرک
پڑھیں:
بجٹ میں کرپٹو کرنسی کے لین دین پر ٹیکس عائد کیے جانے کا امکان
اسلام آباد:نئے بجٹ میں کرپٹو ٹرانزیکشنز کو ٹیکس نیٹ میں لانے کے لیے کرپٹو ٹریڈنگ سے حاصل ہونے والے منافع پر کیپیٹل گین ٹیکس عائد کیے جانے کا امکان ہے۔
ذرائع کا کہنا ہے کہ کرپٹو ٹریڈنگ پر 10 سے 30 فی صد تک کیپیٹل گین ٹیکس نافذ کیا جا سکتا ہے اس بارے میں بین الاقوامی مالیاتی فنڈ (آئی ایم ایف) کی مشاورت کے بعد کرپٹو سیکٹر کو ٹیکس نیٹ میں شامل کرنے پر غور کیا جا رہا ہے۔
ذرائع کے مطابق آئی ایم ایف نے تمام ڈیجیٹل کاروبار سے حاصل ہونے والے گین پر ٹیکس عائد کرنے کا مطالبہ کیا ہے جبکہ کرپٹو لین دین میں کیپیٹل گین ٹیکس کی وصولی کی بھی تجویز دی گئی ہے۔
ذرائع کا کہنا ہے کہ انکم ٹیکس ایکٹ 2001ء کے سیکشن 37 میں کرپٹو ٹرانزیکشنز سے متعلق کیپیٹل گین کی شق شامل کیے جانے کا امکان ہے۔ اس سلسلے میں سیکشن 37 میں شق 37 سی کا اضافہ کر کے کرپٹو لین دین سے کیپیٹل گین وصول کیا جا سکتا ہے۔
ذرائع کے مطابق پاکستان میں تقریباً 90 لاکھ افراد کرپٹو کرنسی استعمال کرتے ہیں اور حکومت کو کرپٹو ٹرانزیکشنز سے اربوں روپے اضافی ریونیو حاصل ہونے کی توقع ہے اور کرپٹو ٹریڈنگ سے حاصل ہونے والا منافع جلد ٹیکس کے دائرے میں آ سکتا ہے۔
ذرائع کا مزید کہنا ہے کہ پاکستان ورچوئل ایسیٹ ریگولیٹری اتھارٹی کو کرپٹو صارفین کے لیے ٹیکس اقدامات تجویز کرنے کی ہدایات دی گئی تھیں، جب کہ کرپٹو صارفین کی تعداد، ٹرانزیکشنز اور ٹیکس میکنزم کا جائزہ لینے کے لیے ایک کمیٹی بھی قائم کی گئی تھی۔
ذرائع کا کہنا ہے کہ چند ماہ قبل مرکزی بینک نے ورچوئل اثاثوں کو قانونی حیثیت دینے اور ڈیجیٹل کرنسی متعارف کرانے کا فیصلہ کیا تھا۔ اس اقدام کے تحت پاکستانی روپے کو ڈیجیٹل کرنسی میں تبدیل کر کے ورچوئل اثاثوں کی خریداری ممکن بنائی جا سکے گی، جب کہ پاکستانی روپے کی شکل میں موجود رقم کو کرپٹو کرنسی میں ایکسچینج بھی کیا جا سکے گا۔
ذرائع کے مطابق ورچوئل اثاثوں کو اشیا، خدمات اور ایکو سسٹم سے باہر خریداری کے لیے استعمال نہیں کیا جا سکے گا، جب کہ ڈیجیٹل کرنسی صرف ورچوئل اثاثوں کے لیے پاکستان میں قائم دفاتر کو جاری کی جائے گی۔
ذرائع کا مزید کہنا ہے کہ کرپٹو کرنسی کے لیے قانونی فریم ورک بھی تیار کیا جا چکا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ