سندھ کے ثقافتی ورثے کو بہتر انداز میں پیش کیا جائے، اورنگزیب کچھی
اشاعت کی تاریخ: 22nd, January 2026 GMT
data-id="863a0a8" data-element_type="widget" data-widget_type="theme-post-content.default">
بھٹ شاہ (نمائندہ جسارت )وفاقی وزیر برائے نیشنل ہیریٹیج اینڈ کلچر محمد اورنگزیب کچھی بھٹ شاہ پہنچے جہاں انہوں نے درگاہ حضرت شاہ عبداللطیف بھٹائیؒ پر حاضری دی، پھولوں کی چادر چڑھائی اور فاتحہ خوانی کی۔اس موقع پر وفاقی وزیر نے درگاہ کے صحن میں راگی فقیروں سے حضرت شاہ عبداللطیف بھٹائیؒ کا کلام بھی سنا۔میڈیا سے گفتگو کرتے ہوئے وفاقی وزیر محمد اورنگزیب نے کہا کہ درگاہ حضرت شاہ عبداللطیف بھٹائیؒ پر حاضری ہمارے لیے باعثِ برکت ہے، یہاں آ کر روحانی سکون اور دل کو اطمینان ملتاہے۔انہوں نے کہا کہ اس دربار سے ملنے والا روحانی فیض آج بھی پوری طرح جاری ہے اور ہم دعا گو ہیں کہ اللہ تعالیٰ اس فیض کو ہمیشہ قائم رکھے تاکہ لوگوں کی رہنمائی ہوتی رہے اور ان کی زندگیوں میں بہتری آئے۔وفاقی وزیر نے کہا کہ حضرت شاہ عبداللطیف بھٹائیؒ کی زندگی اور ان کا کلام انسانیت، محبت اور امن کا عظیم پیغام دیتا ہے جس سے ہم سب کو بھرپور فائدہ اٹھانا چاہیے۔سندھ میں ثقافتی مراکز کے دورے سے متعلق انہوں نے کہا کہ کوئی بھی کام مکمل نہیں ہوتا، ہر جگہ مزید بہتری کی گنجائش ہوتی ہے، اس لیے ان کی وزارت، صوبائی حکومت اور متعلقہ اداروں سے توقع ہے کہ سندھ کے ثقافتی ورثے، پاکستان کی ثقافت اور قومی اثاثوں کو دنیا کے سامنے مزید بہتر انداز میں پیش کیا جائے گا، جس کے لیے وفاقی حکومت سندھ حکومت کے ساتھ مکمل تعاون جاری رکھے گی۔انہوں نے مزید کہا کہ قومی ورثے کے تحفظ کے لیے مزید محنت، بہتر عملدرآمد اور آثارِ قدیمہ کی کھدائی جیسے اقدامات کی ضرورت ہے۔ٹورازم ڈپارٹمنٹ کی کارکردگی کو سراہتے ہوئے انہوں نے کہا کہ ماضی میں لاڑکانہ اور دیگر شہروں کے ہوائی اڈے فعال تھے جس کی وجہ سے غیر ملکی سیاح آتے تھے، اب کوشش کی جا رہی ہے کہ چھوٹے طیاروں کی سہولت فراہم کی جائے تاکہ ملک اور بیرونِ ملک سے سیاح آسانی سے یہاں پہنچ سکیں۔وفاقی وزیر نے حضرت شاہ عبداللطیف بھٹائی? کے عرس کے کامیاب اور منظم انعقاد پر تمام افسران، ملازمین اور منتظمین کو مبارکباد دیتے ہوئے کہا کہ ایسے روحانی اجتماعات سے انسان کا ایمان تازہ ہوتا ہے۔انہوں نے کہا کہ میلوں میں تفریح کے ساتھ ساتھ حضرت شاہ صاحب? کی تعلیمات پر بھی زیادہ توجہ دینی چاہیے تاکہ ہماری عملی زندگیوں میں مثبت تبدیلی آئے۔آخر میں وفاقی وزیر نے کہا کہ حضرت شاہ عبداللطیف بھٹائی? کا پیغام ہی ہمارا اصل پیغام ہے کہ یہ خطہ امن، محبت، دوستی اور رواداری کی سرزمین ہے، اور دنیا کو چاہیے کہ ایسے عظیم بزرگوں کے کلام اور فکر سے بھرپور استفادہ کرے۔اس موقع پر ڈپٹی ڈائریکٹر ثقافت بھٹ شاہ عادل دایو، منیجر اوقاف محمد علی شاہ، اور دیگر افراد بھی ان کے ہمراہ موجود تھے۔
ذریعہ
ذریعہ: Jasarat News
کلیدی لفظ: حضرت شاہ عبداللطیف بھٹائی انہوں نے کہا کہ وفاقی وزیر نے
پڑھیں:
محسن نقوی کی مستونگ کے قریب سیشن جج اور جوڈیشل مجسٹریٹ پر فائرنگ کی پرزور مذمت
سٹی 42 : وفاقی وزیرداخلہ محسن نقوی کی جانب سے مستونگ کے قریب سیشن جج عبدالحکیم کاکڑ اور جوڈیشل مجسٹریٹ طارق لاشاری پر فائرنگ کی پرزور مذمت کی گئی ہے۔
وزیرداخلہ محسن نقوی نے سیشن جج عبدالحکیم اور گن مین کے جاں بحق ہونے کے واقعہ پر اظہار افسوس کیا۔ محسن نقوی نے سوگوار خاندانوں سے دلی ہمدردی و تعزیت کا اظہار کیا۔
وفاقی وزیرداخلہ محسن نقوی کی جانب سے مرحومین کی بلندی درجات کیلئے دعا، وزیرداخلہ محسن نقوی نے زخمی جوڈیشل مجسٹریٹ طارق لاشاری اور دیگر افراد کی جلد صحت یابی کی دعا کی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
محسن نقوی نے کہا کہ ایسی بزدلانہ کارروائیاں قوم کے پختہ عزم کو پست نہیں کر سکتیں۔ انہوں نے کہا کہ شہداء کے خاندانوں کے ساتھ کھڑے ہیں اور ہمیشہ ساتھ رہیں گے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار