کراچی: قدیم بستی صالح آباد کے ماہی گیروں کے سلگتے مسائل
اشاعت کی تاریخ: 22nd, January 2026 GMT
کراچی کے قدیم جزیرے منوڑہ پر واقع صالح آباد ماہی گیروں کی قدیم ترین بستیوں میں سے ایک ہے جہاں کے رہائشیوں کی زندگی سمندر سے وابستہ ہے لیکن حالیہ برسوں میں ان کو جن مسائل کا سامنا ہے وہ نہ صرف ان کے معاش بلکہ ان کی بقا کے لیے بھی خطرہ بن چکے ہیں۔
بڑے ٹرالرز کا سمندر میں جھاڑو پھیرنا،غریب ماہی گیروں کا معاشی استحصالصالح آباد کے ماہی گیروں کا سب سے بڑا مسئلہ یہ ہے کہ بڑے ڈیپ سی ٹرالرز ممنوعہ جالوں کا استعمال کرتے ہوئے سمندر کی تہہ تک سے مچھلیوں کا صفایا کر دیتے ہیں جس سے صالح آباد کے چھوٹے ماہی گیروں کے ہاتھ کچھ نہیں لگتا۔
مزید برآں کشتیوں میں استعمال ہونے والے ڈیزل کی قیمتوں میں اضافے نے مچھلی پکڑنے کی لاگت کو اتنا بڑھا دیا ہے کہ اکثر ماہی گیر نقصان کے ساتھ واپس لوٹتے ہیں۔
جزیرے پر واقع صالح آباد کے مکین بنیادی سہولیات سے محروم ہیں اور یہاں پینے کے میٹھے پانی کی بھی شدید قلت ہے۔
لوگوں کو پینے کے پانی کے لیے ٹینکرز پر انحصار کرنا پڑتا ہے جو کہ انتہائی مہنگے پڑتے ہیں۔
یہاں کوئی بڑا اسپتال بھی نہیں ہے اور مریضوں کو کشتی کے ذریعے کیماڑی اور پھر وہاں سے شہر کے اسپتالوں تک لے جانا پڑتا ہے جس دوران قیمتی جانیں ضائع بھی ہوجاتی ہیں۔
سمندر میں زہر گھولتا آلودہ پانیکراچی کے ساحل پر بڑھتی ہوئی آلودگی کا براہ راست اثر صالح آباد پر پڑ رہا ہے۔ کیماڑی اور پورٹ قاسم سے نکلنے والا زہریلا پانی جزیرے کے گرد سمندری حیات کو ختم کر رہا ہے۔
سیاحت کے فروغ کے نام پر بعض اوقات مقامی ماہی گیروں کی نقل و حرکت اور ان کی کشتیوں کی پارکنگ (برتھنگ) کی جگہوں کو محدود کر دیا جاتا ہے۔
ترقیاتی منصوبوں کی وجہ سے مقامی آبادی کو یہ ڈر رہتا ہے کہ انہیں ان کے آبائی گھروں سے ہی بے دخل کر کے یہاں ہوٹل یا کمرشل عمارتیں نہ بنا دی جائیں۔
غیر محفوظ کشتیوں پر نقل و حرکتصالح آباد سے کیماڑی تک کا سفر کشتیوں کے ذریعے ہوتا ہے اور نقل و حمل کے لیے استعمال ہونے والی یہ کشتیاں اکثر پرانی اور غیر محفوظ ہوتی ہیں۔
کیماڑی اور منوڑہ کی جیٹیز کی حالت بھی ابتر ہے جس کی وجہ سے بزرگوں، بچوں اور مریضوں کو کشتی میں سوار ہونے میں شدید دشواری کا سامنا کرنا پڑتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈیپ سی ٹرالرز صالح آباد صالح آباد کے مسائل کراچی کا جزیرہ ماہی گیروں کی بستی صالح آباد ماہی گیروں کے مسائل ممنوعہ جال.
ذریعہ
ذریعہ: WE News
کلیدی لفظ: ڈیپ سی ٹرالرز صالح ا باد صالح ا باد کے مسائل کراچی کا جزیرہ ماہی گیروں کی بستی صالح ا باد ماہی گیروں کے مسائل ممنوعہ جال صالح آباد کے ماہی گیروں کے لیے
پڑھیں:
کراچی میں 2 سال قبل شروع ہونیوالی مفت شٹل سروس کمرشل بنیاد پر چلائی جارہی ہے
کراچی سے دوسرے شہروں میں جانے کے لیے شہر میں جگہ جگہ قائم بس اڈے دو سال پہلے ختم کرکے شہر سے باہر منتقل کر دیے گئے تھے، شٹل سروس کیلئے مخصوص گاڑیاں اپنے اصل کام کے بجائے کمرشل بنیادوں پر مسافروں کو براہ راست کراچی سے حیدرآباد لے جارہی ہیں۔
حکومت نے مسافروں کی سہولت کے لیے مفت شٹل سروس شروع کی تھی تاکہ مختلف مقامات سے مسافروں کو کراچی بس ٹرمینل پہنچایا جا سکے، مگر یہ شٹل سروس اب ٹرمینل تک محدود نہیں رہی بلکہ روٹ پرمٹ کے بغیر کمرشل بنیادوں پر کراچی سے حیدرآباد تک بھی چلائی جا رہی ہے۔
محکمہ ٹرانسپورٹ سندھ نے اگست 2024 میں آپریشن کرتے ہوئے شہر کے مختلف انٹر سٹی بس اڈے ختم کیے اور بڑی کوچز کے شہر میں داخلے پر پابندی عائد کی تھی۔
مسافروں کی سہولت کے لیے وزیر ٹرانسپورٹ شرجیل انعام میمن نے مفت شٹل سروس شروع کرنے کا اعلان کیا تھا۔ ایک سوال کے جواب میں انہوں نے بتایا تھا کہ تقریباً 50 شٹل گاڑیاں چلائی جا رہی ہیں تاکہ مسافروں کو مختلف مقامات سے کراچی بس ٹرمینل پہنچایا جا سکے۔ لیکن شٹل سروس کیلئے مخصوص گاڑیاں اپنے اصل کام کے بجائے کمرشل بنیادوں پر مسافروں کو براہ راست کراچی سے حیدرآباد لے جارہی ہیں۔
ادھر ٹرانسپورٹرز اپنی سواریاں مختلف ذرائع سے کراچی بس ٹرمینل تک پہنچا رہے ہیں، جس کے اضافی اخراجات بھی انہیں خود برداشت کرنا پڑ رہے ہیں۔
محکمہ ٹرانسپورٹ کا بتانا ہے کہ اس روٹ کے لیے شٹل سروس کے پاس کوئی روٹ پرمٹ موجود نہیں۔
جیو نیوز نے اس حوالے سے کراچی بس ٹرمینل انتظامیہ سے مؤقف لینے کی کوشش کی، مگر ان کی جانب سے کوئی جواب نہیں دیا گیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار