ٹرمپ کا میکرون کے سن گلاسز پر طنز، عالمی رہنماؤں میں نئی بحث
اشاعت کی تاریخ: 22nd, January 2026 GMT
امریکی صدر ڈونلڈ ٹرمپ نے فرانسیسی صدر ایمانوئل میکرون کا مذاق اُڑایا، جنہوں نے ایک روز قبل ڈیووس میں اپنی تقریر کے دوران ہوا بازوں جیسے سن گلاسز پہن رکھے تھے۔
سوئٹزرلینڈ کے پہاڑی سیاحتی مقام ڈیووس میں ہونے والے سالانہ عالمی اقتصادی فورم سے خطاب کرتے ہوئے ٹرمپ نے کہا کہ انہوں نے کل صدر میکرون کو خوبصورت سن گلاسز کے ساتھ دیکھا۔ ’آخر یہ سب کیا ہو رہا ہے۔‘
یہ بھی پڑھیں: فرانسیسی صدر ایمانوئل میکرون کے چشمے سوشل میڈیا پر وائرل، قیمت کتنی؟
صدر میکرون کے دفتر کا کہنا ہے کہ انہوں نے یہ سیاہ اور عکاس سن گلاسز اس لیے پہنے تھے کیونکہ ان کی آنکھ کی ایک رگ پھٹ گئی تھی، حالانکہ تقریر ہال کے اندر ہو رہی تھی۔
میکرون کی تقریر کے بعد سوشل میڈیا پر میمز کی بھرمار ہو گئی۔ کچھ صارفین نے انہیں خاص طور پر اس وقت وہ گرین لینڈ کے معاملے پر ٹرمپ پر تنقید کر رہے تھے، ’ٹاپ گن‘ اسٹائل اپنانے پر سراہا، جبکہ کچھ نے انہیں طنز کا نشانہ بھی بنایا۔
???? LMFAO! President Trump just mocked French President Emmanuel Macron for wearing sunglasses indoors at the WEF, the whole room BURST into laughter
"Macron, I watched him with those beautiful sunglasses.
— Eric Daugherty (@EricLDaugh) January 21, 2026
منگل کے روز اپنی تقریر میں فرانسیسی صدر نے یورپ کو دباؤ میں لانے کے لیے امریکا کی جانب سے نئے ٹیرف عائد کرنے کی دھمکیوں کو ’بنیادی طور پر ناقابلِ قبول‘ قرار دیا۔ ان مجوزہ محصولات میں فرانسیسی شراب اور شیمپین بھی شامل ہیں، جن کا مقصد یورپ کو گرین لینڈ خریدنے پر آمادہ کرنا بتایا گیا۔
میکرون نے اس موقع پر اعلان کیا کہ فرانس ’غنڈہ گردی‘ کے خلاف ڈٹ کر کھڑا ہوگا۔
مزید پڑھیں: گرین لینڈ پر امریکی دباؤ مسترد، یورپ غنڈہ گردی کے آگے نہیں جھکے گا، فرانسیسی صدر میکرون
بدھ کے روز صدر ٹرمپ نے یورپ اور اس کے رہنماؤں پر سخت تنقید کی۔ انہوں نے گرین لینڈ پر کنٹرول حاصل کرنے کے لیے طاقت کے استعمال کو مسترد تو کیا، تاہم یہ واضح کر دیا کہ وہ اس آرکٹک جزیرے کی ملکیت چاہتے ہیں۔
نیٹو کے رہنماؤں نے خبردار کیا ہے کہ گرین لینڈ کے حوالے سے ٹرمپ کی حکمتِ عملی اتحاد کے لیے نقصان دہ ثابت ہو سکتی ہے۔ دوسری جانب ڈنمارک اور گرین لینڈ کی قیادت نے 57 ہزار نفوس پر مشتمل اس تذویراتی جزیرے پرامریکی موجودگی بڑھانے کے لیے مختلف تجاویز پیش کی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ٹاپ گن ٹیرف ڈنمارک سن گلاسز صدر ایمانوئل میکرون غنڈہ گردی گرین لینڈ یورپ
ذریعہ
ذریعہ: WE News
کلیدی لفظ: امریکا ٹاپ گن ٹیرف سن گلاسز صدر ایمانوئل میکرون غنڈہ گردی گرین لینڈ یورپ گرین لینڈ سن گلاسز کے لیے
پڑھیں:
فیفا نے ورلڈ کپ 2026 کی ٹیم آف دی ٹورنامنٹ کا اعلان کر دیا
فیفا نے ورلڈ کپ 2026 کے اختتام پر شاندار کارکردگی دکھانے والے کھلاڑیوں پر مشتمل ٹیم آف دی ٹورنامنٹ کا اعلان کر دیا ہے، جس میں عالمی فٹبال کے کئی نامور ستاروں کو پورے ایونٹ میں بہترین کھیل کی بنیاد پر شامل کیا گیا ہے۔
غیر ملکی خبر رساں ادارے رائٹرز کے مطابق منتخب ٹیم میں ارجنٹائن کے کپتان لیونل میسی، فرانس کے کپتان کیلیان ایمباپے اور ناروے کے اسٹار اسٹرائیکر ایرلنگ ہالینڈ کو فرنٹ لائن کا حصہ بنایا گیا ہے۔
مڈفیلڈ میں ورلڈ کپ کے گولڈن بال کے فاتح اور اسپین کے کپتان روڈری ، انگلینڈ کے جوڈ بیلنگھم اور فرانس کے مائیکل اولیسے کو جگہ دی گئی ہے، جنہوں نے پورے ٹورنامنٹ میں نمایاں کارکردگی کا مظاہرہ کیا۔
دفاعی لائن میں کیپ وردے کے گول کیپر ووزینیا کو منتخب کیا گیا ہے، جبکہ اسپین کے عالمی چیمپئن مارک کوکوریلا اور پیڈرو پورو ، فرانس کے ڈایو اوپامیکانو اور ارجنٹائن کے لیساندرو مارٹینیز بھی دفاع کا حصہ ہیں۔
فیفا کے مطابق ٹیم آف دی ٹورنامنٹ کا انتخاب کھلاڑیوں کی مجموعی کارکردگی، ٹیم پر اثراندازی اور پورے ایونٹ کے دوران مستقل بہترین کھیل کو مدنظر رکھتے ہوئے کیا گیا ہے۔
دوسری جانب فیفا نے ورلڈ کپ کے اختتام پر نئی عالمی رینکنگ بھی جاری کر دی ہے۔ نئی عالمی چیمپئن اسپین ایک درجہ ترقی کے بعد دنیا کی نمبر ایک ٹیم بن گئی، جبکہ رنر اپ ارجنٹائن ایک درجہ تنزلی کے بعد دوسرے نمبر پر چلی گئی۔
رینکنگ میں فرانس تیسرے اور انگلینڈ چوتھے نمبر پر برقرار ہیں، جبکہ برازیل اور مراکش ایک، ایک درجہ ترقی کے ساتھ بالترتیب پانچویں اور چھٹے نمبر پر پہنچ گئے ہیں۔
ادھر کرسٹیانو رونالڈو کی پرتگال دو درجے تنزلی کے بعد ساتویں نمبر پر آ گئی، جبکہ میزبان میکسیکو نے ورلڈ کپ میں عمدہ کارکردگی کی بدولت چار درجے ترقی کرکے ٹاپ ٹین میں جگہ بنا لی۔
ورلڈ کپ کے کوارٹر فائنل تک رسائی حاصل کرنے والی ناروے کی ٹیم نے بھی نمایاں پیش رفت کرتے ہوئے 12 درجے ترقی کی اور عالمی رینکنگ میں 19ویں پوزیشن حاصل کر لی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار