پاکستان-آسٹریلیا ٹی20 سیریز کا پرومو جاری، ہاتھ نہ ملانا موضوع بحث بن گیا
اشاعت کی تاریخ: 22nd, January 2026 GMT
پاکستان کرکٹ بورڈ (پی سی بی) کی جانب سے پاکستان اور آسٹریلیا کے درمیان ٹی ٹوئنٹی سیریز کا باضابطہ پرومو جاری کر دیا گیا ہے، جس میں پاکستان کی روایتی مہمان نوازی اور کرکٹ سے گہری وابستگی کو پیش کیا گیا ہے۔
پرومو کے آغاز میں ایک آسٹریلوی مہمان کو لاہور میں مقامی کھانوں سے لطف اندوز ہوتے دکھایا گیا ہے، جہاں اس کی میز پر مختلف اقسام کے کھانے رکھے جاتے ہیں۔ اس موقع پر آسٹریلوی شخص حیرت سے کہتا ہے کہ اتنے کھانے کا بل کون دے گا۔ جس پر دیگر افراد جواب دیتے ہیں کہ اس کا بل ’آغا جی‘ ادا کریں گے۔
یہ بھی پڑھیں: پاکستانی کرکٹ شائقین کے لیے بڑی خبر، آسٹریلیا کے خلاف ٹی 20 سیریز کا شیڈول جاری
ویڈیو میں قومی ٹیم کے آل راؤنڈر سلمان علی آغا بھی نظر آتے ہیں، جو مہمان سے کہتے ہیں کہ آپ ہمارے مہمان ہیں۔ اس پر آسٹریلوی شہری پاکستان کی مہمان نوازی کو سراہتے ہوئے شکریہ ادا کرتا ہے اور اسے بے حد پسندیدہ قرار دیتا ہے۔
#???????????????????????????????????????????????????????? ????????????????????
Bank Alfalah Presents VGO TEL Mobile Pakistan vs Australia T20I Series 2026 is set to begin on 29 January!
????️ Get your tickets at https://t.
— Pakistan Cricket (@TheRealPCB) January 21, 2026
پرومو میں روایتی حریفوں پر طنز بھی شامل کیا گیا ہے۔ ایک منظر میں ٹیکسی ڈرائیور آسٹریلوی مسافر سے کرایہ لینے سے انکار کر دیتا ہے، جس پر وہ شکریہ ادا کرتا ہے تاہم مصافحہ نہیں کرتا۔ اس پر ٹیکسی ڈرائیور مسکراتے ہوئے کہتا ہے کہ ہاتھ ملانا بھول گئے، لگتا ہے پڑوسیوں کے پاس بھی رکے تھے۔
ویڈیو کے اختتام پر سلمان علی آغا کہتے ہیں کہ اگرچہ ہم مہمان نوازی میں مثال رکھتے ہیں، تاہم جب بات کرکٹ کی آتی ہے تو مقابلے کے لیے پوری طرح تیار ہوتے ہیں۔
یہ بھی پڑھیں: ٹی 20 ورلڈ کپ: حارث رؤف کو 15 رکنی اسکواڈ میں شامل نہ کرنے کا فیصلہ
واضح رہے کہ پاکستان اور آسٹریلیا کے درمیان تین میچوں پر مشتمل ٹی 20 سیریز کا آغاز 29 جنوری سے ہوگا، جبکہ دوسرا اور تیسرا میچ بالترتیب 31 جنوری اور یکم فروری کو کھیلا جائے گا۔ سیریز کے تمام میچز لاہور میں ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلیا کی ٹی 20 سیریز پاکستان اور آسٹریلیا مقابلہ ٹی 20 سیریز سلمان علی آغا کپتان ٹی 20 ٹیم سلمان علی آغا
ذریعہ
ذریعہ: WE News
کلیدی لفظ: ا سٹریلیا کی ٹی 20 سیریز پاکستان اور آسٹریلیا مقابلہ ٹی 20 سیریز سلمان علی ا غا کپتان ٹی 20 ٹیم سلمان علی ا غا ٹی 20 سیریز سلمان علی سیریز کا گیا ہے
پڑھیں:
روس مذاکرات کے لیے تیار، یوکرین میں فوجی آپریشن جاری رہے گا، کریملن
روزانہ کی پریس بریفنگ کے دوران کریملن کے ترجمان کا کہنا تھا کہ روس مذاکراتی عمل کے لیے کھلا ہے، لیکن جب یورپی دارالحکومت کیف حکومت کو جنگ جاری رکھنے کی ترغیب دے رہے ہیں تو ایسی صورتحال میں ماسکو بھی اپنا خصوصی فوجی آپریشن جاری رکھے گا۔ اسلام ٹائمز۔ کریملن کے ترجمان دیمتری پیسکوف نے کہا ہے کہ روس یوکرین تنازع کے حل کے لیے مذاکرات پر آمادہ ہے، تاہم یورپی ممالک کی جانب سے کیف حکومت کی مسلسل حوصلہ افزائی کے باعث روس اپنا خصوصی فوجی آپریشن جاری رکھے ہوئے ہے۔ روزانہ کی پریس بریفنگ کے دوران دیمتری پیسکوف نے کہا کہ روس مذاکراتی عمل کے لیے کھلا ہے، لیکن جب یورپی دارالحکومت کیف حکومت کو جنگ جاری رکھنے کی ترغیب دے رہے ہیں تو ایسی صورتحال میں ماسکو بھی اپنا خصوصی فوجی آپریشن جاری رکھے گا۔ انہوں نے دعویٰ کیا کہ روسی افواج خصوصی فوجی آپریشن کے دوران مثبت پیش رفت حاصل کر رہی ہیں اور میدانِ جنگ میں صورتحال حوصلہ افزا ہے۔
کریملن کے ترجمان نے بتایا کہ یوکرین کے معاملے پر روس اور امریکا کے درمیان رابطے برقرار ہیں، تاہم اس مرحلے پر یہ کہنا قبل از وقت ہوگا کہ تنازع کے حل کی کوششوں میں کوئی نمایاں پیش رفت یا تیزی آئی ہے۔ دیمتری پیسکوف نے کہا کہ موجودہ ورکنگ چینلز کے ذریعے امریکا کے ساتھ رابطے جاری ہیں اور امید ہے کہ امریکی مذاکرات کار اپنی مصروفیات مکمل ہونے کے بعد ماسکو کا دورہ کریں گے تاکہ دونوں ممالک کے درمیان براہِ راست مذاکرات کا سلسلہ دوبارہ شروع کیا جا سکے۔
جوہری عدم پھیلاؤ کے حوالے سے روس کے مؤقف پر بات کرتے ہوئے انہوں نے کہا کہ ماسکو جوہری ہتھیاروں کے پھیلاؤ کی روک تھام کے اصول پر قائم ہے، تاہم ہر ملک کو پُرامن مقاصد کے لیے جوہری توانائی کے استعمال کا حق حاصل ہونا چاہیے۔ انہوں نے مزید کہا کہ روس کا مؤقف جوہری ہتھیاروں کے عدم پھیلاؤ سے متعلق ہے، جبکہ ایران، سعودی عرب اور دیگر ممالک کو پُرامن جوہری توانائی کے استعمال کا حق حاصل ہے اور اس حق کی ضمانت دی جانی چاہیے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا