امریکی ناظم الامور نیٹلی بیکر کا نوشہرہ کا دورہ
اشاعت کی تاریخ: 22nd, January 2026 GMT
فائل فوٹو
امریکی ناظم الامور نیٹلی بیکر نے خیبرپختونخوا کے ضلع نوشہرہ کا دورہ کر کے وہاں امریکی سرمایہ کاری اور کاروباری سرگرمیوں کا جائزہ لیا۔
امریکی سفارتخانے کے مطابق پاکستان میں 80 سے زائد امریکی کمپنیاں سرمایہ کاری کرچکی ہیں، امریکی کمپنیاں 1 لاکھ 20 ہزار پاکستانیوں کو براہ راست روزگار دے رہی ہیں۔
امریکی سفارتخانہ کی جانب سے بتایا گیا ہے کہ بالواسطہ طور پر 10 لاکھ سے زائد پاکستانی امریکی سرمایہ کاری سے مستفید ہو رہے ہیں، امریکا پاکستان کے ساتھ تجارت اور سرمایہ کاری میں تعاون بڑھانے کے لیے پُرعزم ہے۔
اس سے متعلق کہا گیا ہے کہ دونوں ممالک کے درمیان معاشی تعاون مشترکہ خوشحالی کا ذریعہ بن سکتا ہے۔
امریکی ناظم الامور نیٹلی بیکر نے نوشہرہ میں ڈیف ریچ اسکول کا بھی دورہ کیا۔ یہ اسکول سماعت سے محروم بچوں کی تعلیم و تربیت کر رہا ہے۔
.
ذریعہ
ذریعہ: Jang News
کلیدی لفظ: سرمایہ کاری
پڑھیں:
مبینہ مقابلے‘ 45 سے زائد مقدمات کا ملزم گوجرانوالہ‘ 2 ڈ اکو پیر محل میں ہلاک
گوجرانوالہ؍ وزیر آباد؍ پیر محل (نمائندہ خصوصی+ نامہ نگار) مبینہ پولیس مقابلوں میں تین ڈاکو ساتھیوں کی فائرنگ سے ہلاک ہوگئے۔ تفصیلات کے مطابق گوجرانوالہ میں پل راجباہ بھروکی چیمہ کے قریب 45 سے زائد مقدمات میں مطلوب خطرناک ڈاکو عدنان عرف دانو بوڑا اپنے ساتھی کی فائرنگ سے ہلاک ہوگیا۔ پیرمحل میں کمالیہ روڈ پر گاؤں 664/5 گ ب کے قریب مبینہ پولیس مقابلے کے دوران 2 خطرناک ڈاکو اپنے ہی ساتھیوں کی فائرنگ کی زد میں آ کر ہلاک ہو گئے۔ ملزم شعیب اور عامر قصبہ چھوٹو رام والی کے رہائشی اور ایک محنت کش کے قتل میں مطلوب تھے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار