خلا کے خاموش دیو کی آنکھ کھل گئی: 10 کروڑ سال بعد بلیک ہول متحرک
اشاعت کی تاریخ: 22nd, January 2026 GMT
data-id="863a0a8" data-element_type="widget" data-widget_type="theme-post-content.default">
خلا میں ایک غیر معمولی اور حیران کن واقعہ سامنے آیا ہے جہاں 10 کروڑ برس سے غیر فعال رہنے والا ایک عظیم الجثہ بلیک ہول اچانک متحرک ہو گیا ہے۔
سائنس دانوں کے مطابق یہ بلیک ہول ایک خلائی آتش فشاں کی طرح پھٹ پڑا ہے، جس کے نتیجے میں زبردست توانائی اور جیٹس خارج ہوئے ہیں۔ اس واقعے کا مشاہدہ خلا میں موجود ایک دور دراز کہکشاں J1007+3540 کے مرکز میں کیا گیا ہے، جس نے ماہرین فلکیات کو حیرت میں مبتلا کر دیا ہے۔
سائنس دانوں کے مطابق اس کہکشاں کے مرکز میں موجود بلیک ہول گزشتہ 10 کروڑ برس سے خاموش تھا اور کسی قسم کی سرگرمی کے آثار نہیں مل رہے تھے، تاہم اچانک اس کے دوبارہ فعال ہونے سے نہ صرف کہکشاں کا اندرونی نظام متاثر ہوا بلکہ خلا میں ایک وسیع پیمانے پر ہنگامہ برپا ہو گیا۔
ریڈیو تصاویر میں اس کہکشاں کو بے ہنگم اور انتشار میں مبتلا حالت میں دیکھا گیا ہے، جسے رائل آسٹرونومیکل سوسائٹی نے شدید کشمکش کی کیفیت قرار دیا ہے۔
ماہرین کے مطابق یہ کشمکش بلیک ہول سے دوبارہ خارج ہونے والے طاقتور جیٹس اور کہکشاں میں موجود مادے کے جتھوں کے درمیان جاری ہے۔ ان جیٹس نے لاکھوں نوری سال کے فاصلے تک خلا میں اثرات مرتب کیے ہیں، جس سے کہکشاں کی ساخت اور حرکیات میں نمایاں تبدیلیاں دیکھی جا رہی ہیں۔ اندازوں کے مطابق یہ کہکشاں خلا میں تقریباً 10 لاکھ نوری سال کے رقبے پر پھیلی ہوئی ہے، جس کے باعث اس واقعے کے اثرات انتہائی وسیع سمجھے جا رہے ہیں۔
اس غیر معمولی خلائی سرگرمی کو جدید ترین ریڈیو ٹیلی اسکوپس کے ذریعے عکسبند کیا گیا ہے۔ سائنس دانوں نے اس بلیک ہول کے دوبارہ جاگنے کے مناظر لو فریکوئنسی ایرے اور بھارت کی اپ گریڈڈ جائنٹ میٹرویو ریڈیو ٹیلی اسکوپ کی مدد سے ریکارڈ کیے، جس سے اس خلائی انتشار کی تفصیلات سامنے آئیں۔
ماہرین کا کہنا ہے کہ یہ مشاہدہ بلیک ہولز کے طرزِ عمل کو سمجھنے میں ایک اہم سنگ میل ثابت ہو سکتا ہے۔
فلکیاتی ماہرین کا کہنا ہے کہ اس دریافت سے یہ عندیہ ملتا ہے کہ بلیک ہولز لاکھوں یا کروڑوں سال تک خاموش رہنے کے بعد بھی اچانک متحرک ہو سکتے ہیں۔ یہ عمل کہکشاؤں کی تشکیل، ان کے ارتقا اور خلا میں مادے کی تقسیم کو متاثر کر سکتا ہے۔ سائنس دانوں کے مطابق ایسے واقعات ہمیں یہ سمجھنے میں مدد دیتے ہیں کہ کائنات میں موجود انتہائی طاقتور قوتیں کس طرح طویل وقفوں کے بعد دوبارہ سرگرم ہو جاتی ہیں۔
ماہرین اس بات پر بھی تحقیق کر رہے ہیں کہ آخر کن عوامل کے باعث یہ بلیک ہول اتنے طویل عرصے بعد دوبارہ فعال ہوا۔ ممکن ہے کہ کہکشاں کے اندرونی مادے کی نئی فراہمی یا کسی بیرونی تعامل نے بلیک ہول کو دوبارہ توانائی فراہم کی ہو۔ یہ واقعہ مستقبل میں بلیک ہولز اور کہکشاؤں کے تعلق پر ہونے والی سائنسی تحقیق کیلئے نئی راہیں کھول سکتا ہے۔
.
ذریعہ
ذریعہ: Jasarat News
کلیدی لفظ: کے مطابق بلیک ہول خلا میں گیا ہے
پڑھیں:
موبائل کمپنیوں کو 4 برسوں میں 3 ارب 41 کروڑ جرمانہ، سروس اور کوریج کی بہتری کیلئے مہلت
پاکستان ٹیلی کمیونیکیشن اتھارٹی(پی ٹی اے)نے موبائل کمپنیوں کو غیرمعیاری سروس اور کوریج پر خامیاں دور کرنے کے لیے 30دن کی مہلت دے دی اور بتایا کہ مذکورہ کمپنیوں کو گزشتہ چار برس میں 3 ارب 41 کروڑ روپے جرمانے عائد کیے گئے ہیں۔
پی ٹی اے کے مطابق ملک بھر میں موبائل سروس کے معیار اور کوریج میں بہتری کے لیے ریگولیٹری کارروائیاں تیز کردی گئی ہیں۔
پی ٹی اے نے سروس میں خامیوں پر موبائل آپریٹرز کو 30 روز میں ضروری اقدامات کرنے اور خرابیوں کی وجوہات کا تعین کرکے اصلاحی پلان جمع کرانے کی ہدایت کردی ہے۔
موبائل کمپنیوں کو خبردار کرتے ہوئے پی ٹی اے نے کہا ہے کہ خامیاں دور نہ کرنے والے آپریٹرز کے خلاف مزید سخت کارروائی کی جائے گی۔
پی ٹی اے کے مطابق گزشتہ چار برس کے دوران موبائل کمپنیوں کو 3 ارب 41کروڑ روپے جرمانے عائد کیے گئے ہیں اور کوالٹی آف سروس اور کوریج کی خلاف ورزیوں پر 20وارننگ لیٹرز اور 86 شوکاز نوٹسز بھی جاری کیے جاچکے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار