چڑہوئی کالاڈب کے دو نوجوانوں نے لیسٹر یونیورسٹی سے اعلیٰ اعزازات کے ساتھ ڈگریاں حاصل کر لیں
اشاعت کی تاریخ: 22nd, January 2026 GMT
چڑھوئی(نیوز ڈیسک)آزاد کشمیر کے علاقے چڑہوئی کالاڈب سے تعلق رکھنے والے دو ہونہار نوجوانوں حماد کبیر اور حسن کبیر نے برطانیہ کی معروف لیسٹر یونیورسٹی سے اعلیٰ اعزازات کے ساتھ ڈگریاں حاصل کر کے پاکستان اور اپنے علاقے کا سر فخر سے بلند کر دیا ۔
چڑہوئی کالاڈب سے تعلق رکھنے والے محمد کبیر قریشی، حال مقیم پیٹربرا برطانیہ، کے صاحبزادوں حماد کبیر نے فارماسوٹیکل سائنس جبکہ حسن کبیر نے فرانزک سائنس کے شعبے میں اعلیٰ گریڈ زکے ساتھ اپنی ڈگریاں مکمل کرکے نمایاں کامیابی حاصل کی۔
گزشتہ روز لیسٹر میں منعقدہ یونیورسٹی کی گریجویشن تقریب میں وائس چانسلر نے دونوں نوجوانوں کو باضابطہ طور پر ڈگریاں دیں۔ اس موقع پر گریجویشن ہال میں خوشی اور فخر کا ماحول دیکھنے میں آیا۔
اس شاندار کامیابی پر سماجی، سیاسی اور علمی شخصیات سمیت عوامِ علاقہ نے حماد کبیر اور حسن کبیر کو زبردست خراجِ تحسین پیش کیا جبکہ ان کے والدین اور خاندان کو دلی مبارکباد دی گئی۔ علاقہ مکینوں کا کہنا ہے کہ دونوں نوجوانوں کی یہ کامیابی نہ صرف ان کے خاندان بلکہ پورے علاقے کے لیے باعثِ فخر ہے اور نوجوان نسل کے لیے ایک روشن مثال بھی ہے۔
.
ذریعہ
ذریعہ: Daily Mumtaz
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
وزارت آئی ٹی نے 1.67 ارب روپے سے زاید کے فنڈز طلب کرلیے