ابھیشک شرما نے ٹی20 کرکٹ میں نیا ریکارڈ قائم کردیا
اشاعت کی تاریخ: 22nd, January 2026 GMT
data-id="863a0a8" data-element_type="widget" data-widget_type="theme-post-content.default">
بھارتی کرکٹ ٹیم کے نوجوان اوپنر ابھیشک شرما نے نیوزی لینڈ کے خلاف ٹی ٹوئنٹی سیریز کے پہلے میچ میں شاندار بیٹنگ کرتے ہوئے نیا ریکارڈ قائم کر دیا، جبکہ دونوں ٹیموں کی جارحانہ کارکردگی کے باعث میچ میں مجموعی اسکور کا نیا ریکارڈ بھی بن گیا۔
ناگپور میں کھیلے گئے سیریز کے افتتاحی میچ میں نیوزی لینڈ کے کپتان مچل سینٹنر نے ٹاس جیت کر پہلے فیلڈنگ کا فیصلہ کیا، جو ابتدا میں درست ثابت ہوا، تاہم ابھیشک شرما اور رینکو سنگھ کی دھواں دھار بیٹنگ نے میچ کا رخ یکسر بدل دیا۔
بھارت نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 238 رنز کا بڑا مجموعہ کھڑا کیا۔ اس اننگز کی نمایاں جھلک ابھیشک شرما کی برق رفتار بیٹنگ تھی، جنہوں نے محض 35 گیندوں پر 84 رنز اسکور کیے۔
ابھیشک شرما نے صرف 22 گیندوں میں 4 چوکوں اور 4 چھکوں کی مدد سے تیز ترین نصف سنچری مکمل کی، جو نیوزی لینڈ کے خلاف بھارت کی جانب سے سب سے تیز ففٹی ہے۔ اس سے قبل یہ ریکارڈ کے ایل راہول اور روہت شرما کے پاس تھا، جنہوں نے 23 گیندوں میں نصف سنچریاں بنائی تھیں۔
اس نصف سنچری کے ساتھ ہی ابھیشک شرما نے ٹی ٹوئنٹی کرکٹ کی تاریخ میں بھی نیا سنگ میل عبور کیا۔ انہوں نے 25 یا اس سے کم گیندوں پر سب سے زیادہ نصف سنچریاں بنانے کا ریکارڈ قائم کر کے سوریا کمار یادیو، انگلینڈ کے فل سالٹ اور ویسٹ انڈیز کے ایون لیوس کو پیچھے چھوڑ دیا۔
ابھیشک شرما اب 25 یا اس سے کم گیندوں میں 8 نصف سنچریاں بنانے والے دنیا کے واحد بیٹر بن گئے ہیں، جبکہ فل سالٹ، سوریا کمار یادیو اور ایون لیوس 7،7 تیز ترین نصف سنچریوں کے ساتھ دوسرے نمبر پر موجود ہیں۔
میچ میں ابھیشک شرما نے 5 چوکوں اور 8 چھکوں کی مدد سے 84 رنز بنائے، رینکو سنگھ نے 20 گیندوں پر 44 رنز کی جارحانہ اننگز کھیلی، جبکہ کپتان سوریا کمار یادیو نے 22 گیندوں پر 32 رنز اسکور کیے۔
ذریعہ
ذریعہ: Jasarat News
کلیدی لفظ: ابھیشک شرما نے گیندوں پر میچ میں
پڑھیں:
معاشی سرگرمیوں میں تیزی، کے الیکٹرک صنعتی صارفین کا بجلی استعمال ریکارڈ سطح پر پہنچ گیا
کراچی: ملک میں معاشی سرگرمیوں میں بہتری کے ساتھ کے الیکٹرک صنعتی صارفین کی جانب سے بجلی کے استعمال نے نئی بلند ترین سطح حاصل کر لی۔ مالی سال 2026 کے دوران کے الیکٹرک کے صنعتی فیڈرز پر بجلی کی مجموعی کھپت 6 ارب 8 کروڑ یونٹس (6.08 ارب یونٹس) ریکارڈ کی گئی، جو ادارے کی تاریخ میں کسی بھی مالی سال کے دوران سب سے زیادہ ہے۔
کے الیکٹرک کے جاری کردہ اعلامیے کے مطابق صنعتی بجلی کی طلب میں یہ نمایاں اضافہ ایسے وقت میں سامنے آیا جب پاکستان کی مجموعی قومی پیداوار (جی ڈی پی) کی شرح نمو 3.7 فیصد رہی۔ کمپنی کا کہنا ہے کہ کراچی کی صنعتوں کو مسلسل، قابل اعتماد اور بلا تعطل بجلی کی فراہمی نے صنعتی پیداوار اور معاشی سرگرمیوں کو فروغ دینے میں اہم کردار ادا کیا۔
کے الیکٹرک کے چیف ایگزیکٹو آفیسر سید محمد طہٰ نے کہا کہ صنعتی بجلی کے استعمال میں ریکارڈ اضافہ حکومت پاکستان، اسپیشل انویسٹمنٹ فسیلیٹیشن کونسل (SIFC) اور کراچی کی صنعتی برادری کی مشترکہ کوششوں کا نتیجہ ہے۔ ان کے مطابق سرمایہ کاری کے بہتر ماحول، صنعتی سرگرمیوں میں تیزی اور کاروباری اعتماد میں اضافے نے اس کامیابی کو ممکن بنایا۔
انہوں نے کہا کہ کراچی ملک کی معاشی شہ رگ ہے اور کے الیکٹرک 2013 سے صنعتی فیڈرز کو لوڈشیڈنگ سے مستثنیٰ رکھے ہوئے ہے تاکہ صنعتوں کی پیداوار اور برآمدات متاثر نہ ہوں۔
بی تھری کیٹیگری میں سب سے زیادہ بجلی استعمال
اعلامیے کے مطابق سب سے زیادہ بجلی کا استعمال بی تھری (B3) کیٹیگری میں ریکارڈ کیا گیا، جس میں 501 سے 5 ہزار کلوواٹ تک بجلی استعمال کرنے والی صنعتیں شامل ہیں۔ اس زمرے میں سیمنٹ، اسٹیل، ٹیکسٹائل، کیمیکل اور دیگر بڑے صنعتی شعبے شامل ہیں۔
ماہانہ بنیاد پر جون 2026 میں صنعتی بجلی کی کھپت سب سے زیادہ رہی، جبکہ اپریل 2026 دوسرے نمبر پر رہا۔
گزشتہ سال کے مقابلے میں 20 فیصد سے زائد اضافہ
اعداد و شمار کے مطابق مالی سال 2025 میں صنعتی صارفین نے 5.04 ارب یونٹس بجلی استعمال کی تھی، جبکہ مالی سال 2026 میں یہ مقدار بڑھ کر 6.08 ارب یونٹس تک پہنچ گئی، جو 20 فیصد سے زائد سالانہ اضافہ ظاہر کرتی ہے۔
اس سے قبل مالی سال 2022 میں صنعتی بجلی کی کھپت 5.84 ارب یونٹس ریکارڈ کی گئی تھی، تاہم رواں مالی سال میں یہ ریکارڈ بھی ٹوٹ گیا۔
349 نئے صنعتی کنکشنز فراہم
کے الیکٹرک کے مطابق مالی سال 2026 کے دوران 349 نئے صنعتی کنکشنز جاری کیے گئے، جبکہ 273 صنعتی صارفین نے اپنے بجلی کے لوڈ میں اضافہ کیا، جس سے مجموعی طور پر 168 میگاواٹ اضافی طلب قومی گرڈ میں شامل ہوئی۔
اعلامیے میں کہا گیا کہ حکومت کی جانب سے صنعتوں کو کیپٹو پاور پلانٹس سے قومی گرڈ پر منتقل کرنے کی پالیسی، معاشی بحالی اور صنعتی پیداوار میں اضافے نے بھی بجلی کی طلب بڑھانے میں اہم کردار ادا کیا۔
کمپنی کا مزید کہنا ہے کہ صنعتی فیڈرز کی ریکوری کی شرح تمام صارفین کے مختلف زمروں میں سب سے بہتر رہی، جو بروقت بلوں کی ادائیگی اور لوڈشیڈنگ سے استثنیٰ کے درمیان مضبوط تعلق کو ظاہر کرتی ہے۔
کے الیکٹرک نے اس عزم کا اعادہ کیا کہ کراچی کی صنعتوں اور کاروباری سرگرمیوں کو قابل اعتماد اور بلا تعطل بجلی کی فراہمی آئندہ بھی اس کی اولین ترجیح رہے گی تاکہ ملکی معیشت کی ترقی میں اپنا کردار جاری رکھا جا سکے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا