آئمہ مساجد کو اعزازیہ دینے کا معاملہ، 68 ہزار سے زائد آئمہ نے رجسٹریشن کروا لی
اشاعت کی تاریخ: 22nd, January 2026 GMT
سیکرٹری داخلہ نے بتایا کہ حکومت پنجاب اعزازیہ پروگرام کی مد میں سالانہ 20 ارب روپے سے زائد رقم خرچ کرے گی۔ اب تک مجموعی طور پر 1 ارب 11 کروڑ روپے اعزازیہ کی مد میں آئمہ مساجد کو ادا کیے گئے ہیں۔ وزیراعلیٰ کی ہدایت پر آئمہ مساجد کو جنوری میں بذریعہ پے آرڈر اعزازیہ کی ادائیگی جاری ہے، جبکہ فروری سے آئمہ مساجد کو خصوصی اعزازیہ کارڈ کے ذریعے ادائیگی کی جائے گی۔ اسلام ٹائمز۔ اعزازیہ پروگرام برائے امام مسجد صاحبان کیلئے خصوصی ڈیسک قائم کیا گیا ہے، صرف 10 روز میں کتنی رقم تقسیم کی گئی؟ اس حوالے سے اہم تفصیلات سامنے آگئی ہیں۔ تفصیلات کے مطابق وزیراعلیٰ پنجاب اعزازیہ پروگرام برائے امام مسجد صاحبان کا اہم سنگ میل عبور کر لیا گیا۔ حکومت پنجاب نے 10 روز میں 1 ارب روپے سے زائد کا اعزازیہ معزز امام مساجد تک پہنچا دیا۔ پنجاب میں اب تک 68 ہزار سے زائد آئمہ مساجد رضاکارانہ طور پر رجسٹریشن کروا چکے ہیں، جنہیں 25 ہزار روپے ماہانہ اعزازیہ کی تقسیم کیلئے پنجاب بھر کے اسسٹنٹ کمشنرز دفاتر میں خصوصی ڈیسک قائم ہیں۔ ان خیالات کا اظہار سیکرٹری داخلہ پنجاب ڈاکٹر احمد جاوید قاضی نے آئمہ مساجد اعزازیہ پروگرام کے تحت 1 ارب روپے سے زائد رقم کی تقسیم مکمل ہونے پر کیا۔
سیکرٹری داخلہ نے بتایا کہ حکومت پنجاب اعزازیہ پروگرام کی مد میں سالانہ 20 ارب روپے سے زائد رقم خرچ کرے گی۔ اب تک مجموعی طور پر 1 ارب 11 کروڑ روپے اعزازیہ کی مد میں آئمہ مساجد کو ادا کیے گئے ہیں۔ وزیراعلیٰ کی ہدایت پر آئمہ مساجد کو جنوری میں بذریعہ پے آرڈر اعزازیہ کی ادائیگی جاری ہے، جبکہ فروری سے آئمہ مساجد کو خصوصی اعزازیہ کارڈ کے ذریعے ادائیگی کی جائے گی۔ سیکرٹری داخلہ پنجاب نے بتایا کہ اعزازیہ کی فراہمی کے دوران امام مسجد صاحبان کی عزت و تکریم کا مکمل خیال رکھا جا رہا ہے اور اعزازیہ کی ادائیگی کا نظام آسان، شفاف اور جدید خطوط پر استوار کیا گیا ہے، اب تک جو امام مسجد صاحبان اعزازیہ پروگرام کیلئے رجسٹریشن نہیں کروا سکے، ان کی رجسٹریشن کا عمل بھی مستقل جاری ہے، آئمہ مساجد صاحبان رضاکارانہ طور پر اپنے قریبی اسسٹنٹ کمشنر آفس میں اعزازیہ پروگرام کیلئے رجسٹریشن کروا سکتے ہیں۔
ذریعہ
ذریعہ: Islam Times
کلیدی لفظ: اعزازیہ پروگرام کی ارب روپے سے زائد سیکرٹری داخلہ آئمہ مساجد کو اعزازیہ کی کی مد میں
پڑھیں:
خیبرپختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔
نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔
اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔
ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار