کے ایم سی: میونسپل کمشنر افضل زیدی کو عہدے سے ہٹا دیا گیا
اشاعت کی تاریخ: 22nd, January 2026 GMT
کراچی میٹروپولیٹن کارپوریشن کے میونسپل کمشنر افضل زیدی کو عہدے سے ہٹا دیا گیا ہے۔ چیف سیکریٹری سندھ آصف حیدر شاہ کی جانب سے جاری نوٹیفکیشن کے مطابق، افضل زیدی کو اب سروسز، جنرل ایڈمنسٹریشن اینڈ کوآرڈینیشن ڈپارٹمنٹ میں رپورٹ کرنے کی ہدایت دی گئی ہے۔
نوٹیفکیشن کے مطابق، گریڈ 19 کی ایکس پی سی ایس افسر سمیرا حسین کو میونسپل کمشنر کے ایم سی کا اضافی چارج دے دیا گیا ہے۔
ذرائع کے مطابق، سابق میونسپل کمشنر افضل زیدی کو تنقید کا سامنا 30 نومبر کے واقعہ پر بھی کرنا پڑا، جب تین سالہ بچے ابراہیم کا گٹر میں گر کر انتقال ہو گیا تھا۔ علاوہ ازیں، حکومت سندھ کے مطابق گل پلازا میں آتشزدگی کے دوران بھی ان کی کارکردگی اطمینان بخش نہیں رہی تھی۔
ذریعہ
ذریعہ: Daily Mumtaz
کلیدی لفظ: میونسپل کمشنر افضل زیدی کو کے مطابق
پڑھیں:
ولیکا اسپتال میں ایچ آئی وی کا ایک اور کیس رپورٹ، 18 ماہ کے بچے میں بیماری کی تصدیق
فائل فوٹو۔ولیکا اسپتال کراچی میں ایچ آئی وی کا ایک اور نیا کیس رپورٹ ہوا ہے۔ اسپتال حکام کے مطابق 18 ماہ کے بچے میں ایچ آئی وی کی تصدیق ہوئی ہے۔
اسپتال حکام کے مطابق ایچ آئی وی کے تصدیق شدہ کیسز کی تعداد 95 ہوگئی ہے۔
بچے کے والد کے مطابق 18 ماہ کا عبد الصمد دسمبر 2025 میں ولیکا اسپتال میں زیر علاج تھا، مسلسل طبیعت خراب رہنے پر بچے کا ایچ آئی وی کا ٹیسٹ کروایا۔
والد کا کہنا ہے کہ ٹیسٹ کروانے پر بچے میں ایچ آئی وی کی تصدیق ہوئی۔ میرے 5 بچے ہیں، باقی بچوں کے بھی ٹیسٹ کروائیں گے۔
اسپتال حکام کے مطابق ایچ آئی وی سے اب تک 9 بچے جاں بحق ہوچکے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار