گل پلازا مکمل طور پر گرانے کی سفارش، عمارت مخدوش قرار
اشاعت کی تاریخ: 22nd, January 2026 GMT
تکنیکی کمیٹی نے گل پلازا کا معائنہ کرنے کے بعد اسے مخدوش قرار دیتے ہوئے سفارش کی ہے کہ ریسکیو آپریشن کے بعد پلازا کو مکمل طور پر گرا دیا جائے۔
سندھ بلڈنگ کنٹرول اتھارٹی (SBCA) اور پاکستان انجینئرنگ کونسل کی ٹیم نے پلازا کا دورہ کیا اور اس کی حالت کا جائزہ لیا۔ کمیٹی کے مطابق یہ عمارت 8124 گز پر محیط ہے اور اس میں 1102 دکانیں موجود ہیں۔
SBCA کے مطابق، گزشتہ ہفتے کی شب لگنے والی آگ نے پلازا کے زیادہ تر حصے کو نقصان پہنچایا، اور متصل عمارتوں کا بھی معائنہ کیا گیا ہے تاکہ مزید خطرات کا جائزہ لیا جا سکے۔
تحقیقاتی ذرائع کے مطابق، ابتدائی اطلاعات کے مطابق آگ ایک مصنوعی پھولوں کی دکان میں بچوں کے کھیلنے کے دوران لگی۔ ممکنہ طور پر بچے ماچس یا لائٹر کے ساتھ کھیل رہے تھے، جس کے بعد آگ دکان کے سامان میں پھیل گئی اور بجلی کی تاروں تک منتقل ہو گئی۔
آگ لگنے کے بعد عمارت میں موجود افراد خارجی راستوں کی طرف بھاگے، لیکن بعض دروازے بند ہونے کے باعث بھگدڑ مچی۔ عمارت میں زیادہ تر دکانیں کھلی تھیں اور چھت پر موجود گرل بھی آگ کی لپیٹ میں آیا۔ اس کے علاوہ، سی سی ٹی وی سسٹم مکمل طور پر خراب ہو گیا، جس سے واقعے کی نگرانی اور شواہد جمع کرنا مشکل ہو گیا۔
تکنیکی رپورٹ اور تحقیقاتی مواد کی بنیاد پر یہ واضح ہو گیا ہے کہ گل پلازا کی موجودہ حالت لوگوں کی حفاظت کے لیے خطرناک ہے اور اسے محفوظ بنانے کے لیے مکمل طور پر گرانا ناگزیر ہے۔
ذریعہ
ذریعہ: Daily Mumtaz
پڑھیں:
خیبر پختونخوا میں بارشوں اور فلش فلڈز کے حادثات میں 22 افراد جاں بحق
صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اسلام ٹائمز۔ خیبر پختونخوا میں ہونے والی بارشوں اور فلش فلڈز کے حادثات میں 5 روز کے دوران 22 شہری جاں بحق جبکہ 23 زخمی ہوگئے۔ صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اعلامیے کے مطابق زخمیں میں 11 مرد، 5 خواتین 7 بچے شامل ہیں جبکہ تیز بارشوں اور فلش فلڈ کے باعث مجموعی طور پر 37 گھروں کو نقصان پہنچا جس میں 29 گھروں کو جزوی جبکہ 8 گھر مکمل منہدم ہوگئے۔ پی ڈی ایم اے کے مطابق حادثات پشاور، نوشہرہ، خیبر، مردان , بونیر، باجوڑ، شانگلہ، صوابی، چترال لوئر، دیر لوئر اور اپر، ایبٹ آباد، مانسہرہ،ہری پور، ٹانک، تور غر اور کرم اور شمالی و جنوبی وزیرستان میں پیش آئے۔
اعلامیے میں بتایا گیا ہے کہ پی ڈی ایم اے، ریسکیو 1122، ضلعی انتظامیہ اور متعلقہ اداراے آپس میں رابطے میں اور امدادی سرگرمیاں جاری رکھے ہوئے ہیں جبکہ متاثرہ اضلاع کی انتظامیہ کو ہدایت کی گئی ہے کہ وہ متاثرین میں جلد امدادی سامان تقسیم کردے۔ ڈی جی پی ڈی ایم اے نے ضلعی انتظامیہ کو امدادی سرگرمیاں تیز کرنے اور متاثرین کو فوری معاونت فراہم کرنے کی ہدایت کی اور بتایا کہ صوبہ کے تمام دریاؤں اور ندی نالوں میں پانی کی سطح اور بہاو معمول کے مطابق ہے۔ پی ڈی ایم اے کے مطابق تیز بارشوں کا یہ سلسلہ آج تک وقفے وقفے سے جاری رہنے کا امکان ہے۔ پی ڈی ایم اے نے عوام سے اپیل کی کہ وہ غیر ضروری سفر سے گریز کریں اور حساس سیاحتی مقامات کا رخ نہ کریں جبکہ حکومتی اداروں کی جانب سے الرٹس/ اور ایڈوائزری پر عمل کریں۔
ڈی جی پی ڈی ایم اے کے مطابق ایمرجنسی آپریشن سینٹر مکمل طور پر فعال ہے، عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار