حدیقہ کیانی غزہ کی بیوہ خواتین اور یتیم بچوں کے لیے برطانیہ کا فنڈ ریزنگ ٹور کریں گی
اشاعت کی تاریخ: 22nd, January 2026 GMT
حدیقہ کیانی غزہ کی بیوہ خواتین اور یتیم بچوں کے لیے برطانیہ کا فنڈ ریزنگ ٹور کریں گی، اس کے لیے حدیقہ کیانی برطانیہ کے 6 شہروں کا دورہ کریں گی۔
یہ مہم الخدمت فاؤنڈیشن اور آغوش یوکے کے ساتھ شراکت میں چلائی جائے گی اور مانچسٹر، لندن، ناٹنگھم، برمنگھم، پیٹر بورو اور بریڈفورڈ میں 23 سے 27 جنوری تک فنڈ ریزنگ ڈنر منعقد ہوں گے۔
یہ بھی پڑھیں: حدیقہ کیانی نے وہ کر دکھایا جو حکومت بھی نا کر سکی
حدیقہ کیانی نے انسٹاگرام پر بتایا کہ ان کا ٹور مانچسٹر سے شروع ہوگا، لندن میں 24 جنوری کو، ناٹنگھم اور برمنگھم 25 جنوری کو، جبکہ پیٹر بورو اور بریڈفورڈ 26 اور 27 جنوری کو اختتام پذیر ہوں گے۔
View this post on Instagram
A post shared by Hadiqa Kiani (@hadiqakianiofficial)
ٹکٹ کی قیمتیں عام داخلے کے لیے 40 پاؤنڈز، وی آئی پی کے لیے150 پاؤنڈز فی شخص یا 10 افراد کے لیے ایک ہزار پاؤنڈز ہیں۔ 6 سال سے کم عمر بچوں کے لیے داخلہ مفت ہے اور ابتدائی ٹکٹوں پر رعایت دی جائے گی۔ منتظمین نے واضح کیا ہے کہ کیانی کسی بھی تقریب میں موسیقی کے لیے پرفارم نہیں کریں گی۔
یہ بھی پڑھیں: ’ایسی چیزیں قبول نہیں کروں گی‘، سیلاب زدگان کے لیے غیر معیاری سامان ملنے پر حدیقہ کیانی پھٹ پڑیں
پاکستان میں حدیقہ کیانی کی فلاحی کوششیں قابلِ تعریف رہی ہیں۔ ان کی فاؤنڈیشن وسیلہ نے 2022 کے بلوچستان کے سیلاب سے متاثر 3 دیہات دوبارہ تعمیر کیے، اور 2025 کے پنجاب اور خیبر پختونخوا کے سیلاب میں بھی ریلیف مہم چلائی۔ انہیں 2024 میں بی بی سی کی 100 خواتین کی فہرست میں شامل کیا گیا تھا۔
برطانیہ کے ٹور کے دوران جمع ہونے والے فنڈز غزہ میں متاثرہ خاندانوں کی امداد اور اسپورٹ کے لیے استعمال ہوں گے۔ حدیقہ کیانی اس مہم کے ذریعے بین الاقوامی برادری کو متحرک کرنے اور اس علاقے میں فوری انسانی مدد کی ضرورت کو اجاگر کرنے کی کوشش کررہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news برطانیہ حدیقہ کیانی غزہ فنڈ ریزنگ.
ذریعہ
ذریعہ: WE News
کلیدی لفظ: برطانیہ حدیقہ کیانی حدیقہ کیانی کریں گی کے لیے
پڑھیں:
بنگلہ دیش کے وزیر خارجہ ڈاکٹر خلیل الرحمان اقوام متحدہ کی جنرل اسمبلی کے 81ویں اجلاس کے صدر منتخب
بنگلہ دیش کے وزیر خارجہ ڈاکٹر خلیل الرحمان اقوام متحدہ کی جنرل اسمبلی کے 81ویں اجلاس کے صدر منتخب ہو گئے ہیں جسے عالمی سفارت کاری میں بنگلہ دیش کے لیے ایک اہم کامیابی قرار دیا جا رہا ہے۔
یہ بھی پڑھیں: بنگلہ دیش کے وزیر برائے چٹاگانگ ہل ٹریکٹس افیئرز خرابی صحت کے باعث مستعفی
منگل کو نیویارک میں اقوام متحدہ کے ہیڈکوارٹرز میں ہونے والے انتخاب میں ڈاکٹر خلیل الرحمان نے قبرص کے امیدوار کو شکست دے کر یہ اہم منصب حاصل کیا۔
مبصرین کے مطابق یہ کامیابی عالمی سطح پر بنگلہ دیش کے بڑھتے ہوئے سفارتی کردار، کثیرالجہتی تعاون اور بین الاقوامی اداروں میں اس کی مضبوط ہوتی ساکھ کا مظہر ہے۔
وزیراعظم طارق رحمان نے ڈاکٹر خلیل الرحمان کو مبارکباد دیتے ہوئے کہا کہ ان کا انتخاب عالمی سطح پر بنگلہ دیش کے بڑھتے ہوئے اثر و رسوخ اور مثبت کردار کا اعتراف ہے۔
مزید پڑھیے: سابق صدر بنگلہ دیش ضیاء الرحمان کی 45ویں برسی: صاحبزادے و وزیراعظم طارق رحمان کا خراج عقیدت
اپنے پیغام میں وزیراعظم نے کہا کہ اقوام متحدہ کی جنرل اسمبلی کے 81ویں اجلاس کا صدر منتخب ہونے پر وزیر خارجہ ڈاکٹر خلیل الرحمان کو دل کی گہرائیوں سے مبارکباد پیش کرتا ہوں۔
انہوں نے امید ظاہر کی کہ ڈاکٹر خلیل الرحمان اس اہم منصب پر بنگلہ دیش کی بہترین نمائندگی کریں گے اور عالمی برادری کو درپیش مشترکہ چیلنجز سے نمٹنے کے لیے رابطوں، مکالمے اور بین الاقوامی تعاون کے فروغ میں مؤثر کردار ادا کریں گے۔
وزیراعظم کا کہنا تھا کہ ہمیں یقین ہے کہ وہ بنگلہ دیش کا نام مزید روشن کریں گے اور عالمی مسائل کے حل کے لیے تعاون اور ہم آہنگی کو فروغ دینے میں اہم کردار ادا کریں گے۔ ان کا مزید کہنا تھا کہ ہم ان کی نئی ذمہ داریوں کے لیے نیک تمناؤں کا اظہار کرتے ہیں۔‘
مزید پڑھیں: بنگلہ دیش میں چمڑے کی منڈی بحران کا شکار، مدارس اور یتیم خانوں کو خسارہ، وجہ کیا ہے؟
ڈاکٹر خلیل الرحمان جنرل اسمبلی کے 81ویں اجلاس کے باقاعدہ آغاز پر اپنی ذمہ داریاں سنبھالیں گے۔ اس حیثیت میں وہ عالمی امن و سلامتی، پائیدار ترقی، موسمیاتی تبدیلی، عالمی حکمرانی اور دیگر اہم بین الاقوامی امور پر ہونے والے مباحث اور اجلاسوں کی صدارت کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقوام متحدہ بنگلہ دیش کے وزیر خارجہ ڈاکٹر خلیل الرحمان بنگلہ دیش کے وزیراعظم طارق رحمان نے ڈاکٹر خلیل الرحمان خلیل الرحمان اقوام متحدہ کی جنرل اسمبلی کے 81ویں اجلاس کے صدر منتخب طارق رحمان کی ڈاکٹر خلیل رحمان کو مبارکباد
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ