ہاکی ورلڈکپ کوالیفائرز کے شیڈول کا اعلان، پاکستان مصر میں میدان میں اترے گا
اشاعت کی تاریخ: 22nd, January 2026 GMT
انٹرنیشنل ہاکی فیڈریشن (ایف آئی ایچ) نے ہاکی ورلڈکپ کوالیفائرز کے شیڈول کا باضابطہ اعلان کر دیا ہے، جس کے تحت پاکستان ہاکی ٹیم مصر میں ہونے والے کوالیفائنگ ایونٹ میں شرکت کرے گی۔
نجی میڈیا کے مطابق اس ٹورنامنٹ میں پاکستان کے علاوہ انگلینڈ، میزبان مصر، ملائیشیا، جاپان، آسٹریا، چین اور امریکا کی ٹیمیں بھی شامل ہوں گی۔ ورلڈکپ کوالیفائرز یکم سے 7 مارچ تک مصر کے شہر اسماعیلی میں کھیلے جائیں گے، جہاں ٹیموں کو دو گروپس میں تقسیم کیا گیا ہے۔
پول اے میں میزبان مصر، انگلینڈ، جاپان اور امریکا شامل ہیں، جبکہ پول بی میں پاکستان، چین، ملائیشیا اور آسٹریا کی ٹیمیں ایک دوسرے کے مدمقابل آئیں گی۔
پاکستان ہاکی ٹیم اپنا پہلا میچ یکم مارچ کو چین کے خلاف کھیلے گی۔ قومی ٹیم 2 مارچ کو ملائیشیا اور 4 مارچ کو آسٹریا کے خلاف میدان میں اترے گی۔ ٹورنامنٹ کے سیمی فائنلز 6 مارچ جبکہ فائنل 7 مارچ کو کھیلا جائے گا۔
واضح رہے کہ ایف آئی ایچ ہاکی ورلڈکپ کی میزبانی بیلجیئم اور ہالینڈ کریں گے، جہاں کوالیفائرز سے کامیاب ٹیمیں شرکت کا حق حاصل کریں گی۔
ذریعہ
ذریعہ: Daily Mumtaz
کلیدی لفظ: مارچ کو
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا