اسلام آباد: امریکی آزادی کی 250ویں سالگرہ، سفارتخانہ کے تحت لبرٹی بیل مہم
اشاعت کی تاریخ: 22nd, January 2026 GMT
تصویر سوشل میڈیا۔
امریکی آزادی کی 250ویں سالگرہ منانے کیلئے اسلام آباد میں لبرٹی بیل مہم کا آغاز کیا گیا۔ امریکی سفارتخانہ کے مطابق امریکی ناظم الامور نیٹلی بیکر نے لِنکن کارنر اسلام آباد میں لبرٹی بیل انیشی ایٹو کا افتتاح کیا۔
امریکی سفارتخانہ کے مطابق لیٹ فریڈم رنگ کے عنوان سے فریڈم 250 لبرٹی بیل مہم کا باقاعدہ آغاز کیا۔
امریکی سفارتخانہ کے مطابق ناظم الامور نیٹلی بیکر کی جانب سے لبرٹی بیل کی اصل حجم کے مطابق علامتی نقل کی رونمائی کی۔ امریکی آزادی کے 250 سال مکمل ہونے کی تقریبات کے سلسلے کا آغاز کیا گیا ہے۔
امریکی سفارتخانہ نے لبرٹی بیل امریکی آزادی اور جمہوریت کی تاریخی علامت قرار دیا۔
امریکی سفارتخانہ کے مطابق 1752 میں ڈھالا گیا لبرٹی بیل امریکی انقلاب کی اہم نشانی ہے، 1787 میں امریکی آئین پر دستخط کے موقع پر بھی لبرٹی بیل بجایا گیا۔ لبرٹی بیل آزادی، انصاف اور مساوات کی امریکی اقدار کی علامت ہے۔
سفارتخانہ کے مطابق نیٹلی بیکر نے غلامی کے خاتمے سمیت تاریخی لمحات سے لبرٹی بیل کے تعلق کو اجاگر کیا۔ لنکن کارنر آزادی اظہارِ رائے اور امریکی اقدار کے فروغ کا مرکز ہے۔
امریکی سفارتخانہ کے مطابق مہم کے تحت پاکستان بھر کے لنکن کارنرز میں 15 لبرٹی بیلز تقسیم کی جائیں گی، طلبا اور مقامی فنکار میرے لیے آزادی کا کیا مطلب ہے، کے موضوع پر لبرٹی بیلز رنگ کریں گے۔
امریکی سفارتخانہ کے مطابق تخلیقی لبرٹی بیلز کو موسم گرما میں یومِ آزادی امریکا کی تقریبات میں نمائش کیلئے رکھا جائے گا۔ سجائے گئے لبرٹی بیلز پر مشتمل خصوصی ویڈیو امریکی سفارتخانہ جاری کرے گا۔
.
ذریعہ
ذریعہ: Jang News
کلیدی لفظ: امریکی سفارتخانہ کے مطابق امریکی آزادی لبرٹی بیلز لبرٹی بیل
پڑھیں:
ایران کے جوہری پروگرام پر انتہائی ٹیکنیکل مذاکرات میں مہینے لگ سکتے ہیں، امریکی وزیرخارجہ
امریکی وزیرخارجہ مارکو روبیو نے کہا ہے کہ ایران کے جوہری پروگرام پر مذاکرات انتہائی ٹیکنیکل اور کئی مہینے لگ سکتے ہیں جبکہ آبنائے ہرمز کی بحالی کی صورت میں امریکا کی جانب سے پابندیوں میں نرمی کی کوئی پیش کش نہیں کی گئی ہے۔
امریکی سینیٹ کی خارجہ کمیٹی کو مارکو روبیو نے بتایا کہ دوسرا مرحلہ یہ ہے کہ ایران اس بات پر تفصیلی اور واضح مذاکرات کے لیے آمادہ ہو کہ گہرے پہاڑی مقام میں محفوظ انتہائی افزودہ یورینیم کے ذخیرے کا مستقبل میں کیا تصرف کیا جائے گا۔
ایران کے حوالے سے ان کا کہنا تھا کہ انہیں اپنے ملک میں افزودگی کی سرگرمیوں کو طویل مدت تک محدود یا ختم کرنے کے حوالے سے مذاکرات پر اتفاق کرنا ہوگا۔
مارکو روبیو نے کہا کہ یہ انتہائی ٹیکنیکل معاملات ہیں اس لیے میں نہیں سمجھتا کہ اس کو 5 دنوں کے اندر حل کرسکتے ہیں، اس کے لیے ماہرین کی ٹیم درکار ہوگی جو 30، 60 یا 90 روز کی مدت میں کام کرے اور تفصیلات اخذ کرے لیکن انہیں ایسا کرنے کے لیے سنجیدہ ہونا پڑے گا۔
انہوں نے اشارہ دیا کہ تہران نے اپنے جوہری پروگرام کے پہلوؤں پر مذاکرات کے لیے اتفاق کیا ہے لیکن اس حوالے سے تفصیلات فراہم نہیں کی کہ کون سے امور ہیں اور واضح کیا کہ مذاکرات اس بات کی ضمانت نہیں ہیں کہ حتمی طور پر ایسے معاہدے کا باعث ہوں گے جو سینیٹ یا امریکی عوام کے لیے قابل قبول ہوں۔
ان کا کہنا تھا کہ ایران کو پہلے بغیر کسی ٹول کے آبنائے ہرمز کی بحالی کا اعلان کرنا ہوگا، وہ مائنز ہٹائیں گے اور جہازوں پر فائرنگ نہیں کریں گے۔
مارکو روبیو نے کہا کہ امریکا نے ایران کو آبنائے ہرمز کی بحالی پر پابندیوں میں نرمی کی پیش کش نہیں کی ہے اور پابندیوں کا خاتمہ شرائط کی بنیاد پر ہوگا۔
ایرانی سپریم لیڈر زندہ ہیں اور سرگرمیوں میں حصہ لیتے ہیں، روبیو
امریکی وزیر خارجہ نے سینیٹ کمیٹی کو بتایا کہ میرے خیال میں ایران کے نئے سپریم لیڈڑ آیت اللہ مجتبیٰ خامنہ ای زندہ ہیں اور سرگرمیوں میں زیادہ حصہ لے رہے ہیں اور اس کے اشارے مل رہے ہیں۔
خیال رہے کہ ایران کے سپریم لیڈر مجتبیٰ خامنہ ای نیا منصب سنبھالنے کے بعد عوامی سطح پر نظر نہیں آئے ہیں تاہم وہ ایرانی حکام کو بدستور ہدایات دے رہے ہیں اور رپورٹ بھی کیا گیا تھا کہ ایرانی اعلیٰ حکام ان سے ملاقات اور مشاورت کرچکے ہیں۔
امریکی میڈیا نے دعویٰ کیا تھا کہ مجتبیٰ خامنہ حملے میں زخمی ہیں جبکہ ایک رپورٹ میں بتایا گیا تھا کہ امریکی انٹیلی جینس کا تجزیہ ہے کہ مجتبیٰ خامنہ ای جنگی حکمت عملی میں ایران کے سینئر عہدیداروں کے ساتھ انتہائی اہم کردار ادا کر رہے ہیں۔
وزارت آئی ٹی نے 1.67 ارب روپے سے زاید کے فنڈز طلب کرلیے