ملک کے اکثر علاقوں میں بارش اور برفباری، آج موسم کیسا رہے گا؟
اشاعت کی تاریخ: 23rd, January 2026 GMT
بارش اور برفباری کے بعد جمعرات کو ملک کے بیشتر حصوں میں شدید سردی کی لہر پھیل گئی۔
پاکستان محکمہ موسمیات (پی ایم ڈی) کے مطابق ملک کے تمام صوبوں اور شمالی علاقوں میں بارش اور شدید برفباری ہوئی، جس کے بعد نیشنل ڈیزاسٹر مینجمنٹ اتھارٹی (این ڈی ایم اے) نے شہریوں کو احتیاطی تدابیر اختیار کرنے کی ہدایت کی ہے۔
پی ایم ڈی کے مطابق ناران، کاغان، مری، دیر، سوات، کالام، چترال، کوہستان، مانسہرہ، ایبٹ آباد، شانگلہ، استور، ہنزہ، اسکردو، گلیات، نیلم ویلی، باغ، پونچھ، حویلی اور راولاکوٹ میں شدید بارش اور برفباری ریکارڈ کی گئی۔ اسلام آباد اور پنجاب میں راولپنڈی اور لاہور سمیت بڑے شہروں میں وقفے وقفے سے بارش اور گرج چمک کے ساتھ طوفانی کیفیت جاری ہے۔
بلوچستان اور خیبر پختونخوا کے بیشتر اضلاع میں بھی بارش اور برفباری کا سلسلہ جاری رہا، جبکہ سندھ میں موسم سرد ہوگیا۔ کراچی، حیدرآباد، سکھر اور لاڑکانہ میں ہلکی بارش ہوئی۔
محکمہ موسمیات کے مطابق مغربی ہواؤں کا ایک مضبوط سلسلہ ملک کے بیشتر حصوں کو متاثر کر رہا ہے جو بالائی علاقوں میں جمعرات تک برقرار رہنے کا امکان ہے۔ خیبر پختونخوا، کشمیر، گلگت بلتستان، اسلام آباد اور بالائی و وسطی پنجاب میں وقفے وقفے سے بارش، تیز ہوائیں اور گرج چمک کے ساتھ برفباری کی پیش گوئی کی گئی ہے، جبکہ بلند علاقوں میں درمیانی سے شدید بارش اور برفباری ہو سکتی ہے۔
جمعہ (آج) کو بھی بالائی خیبر پختونخوا، شمال مشرقی پنجاب، کشمیر اور گلگت بلتستان میں اسی طرح کے موسمی حالات متوقع ہیں، جبکہ ملک کے دیگر حصوں میں سرد اور خشک موسم رہنے کا امکان ہے۔
گزشتہ 24 گھنٹوں کے دوران خیبر پختونخوا، بلوچستان، پنجاب اور سندھ کے مختلف علاقوں میں بارش رپورٹ ہوئی۔ پاراچنار میں 88 ملی میٹر، جیکب آباد اور سکھر میں 10، خضدار میں 12 اور بھکر میں 9 ملی میٹر بارش ریکارڈ کی گئی۔ کالام، کوئٹہ اور پاراچنار میں دو انچ تک برفباری ہوئی۔
کم سے کم درجہ حرارت لہہ میں منفی 11 ڈگری سینٹی گریڈ، گُپس، اسکردو، بگروٹ اور پاراچنار میں منفی 5 جبکہ کالام میں منفی 4 ڈگری سینٹی گریڈ ریکارڈ کیا گیا۔
نیشنل ڈیزاسٹر مینجمنٹ اتھارٹی کے نیشنل ایمرجنسی آپریشنز سینٹر (این ای او سی) نے موسمی الرٹ جاری کرتے ہوئے عوام کو غیر ضروری سفر سے گریز، خصوصاً برفباری اور بلند علاقوں کی جانب جانے سے احتیاط برتنے کی ہدایت کی ہے۔ جہاں سفر ناگزیر ہو وہاں سنو چینز کے استعمال کو یقینی بنانے پر زور دیا گیا ہے۔
این ڈی ایم اے نے شہریوں کو حرارت کے مناسب انتظامات، گرم کپڑوں اور محفوظ پناہ گاہوں کا بندوبست کرنے، خاص طور پر کمزور طبقات کے تحفظ پر توجہ دینے کی اپیل کی ہے۔ مقامی آبادی کو بھی ہدایت کی گئی ہے کہ وہ چوکس رہیں اور متعلقہ مقامی اداروں کی جانب سے جاری کردہ ہدایات پر سختی سے عمل کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
murree rain snowfall بارش برف باری مری موسم.
ذریعہ
ذریعہ: WE News
کلیدی لفظ: بارش اور برفباری خیبر پختونخوا علاقوں میں ملک کے کی گئی
پڑھیں:
قادر آباد بیراج پر اونچے درجے کا سیلاب، چناب میں پانی کا بہاؤ بڑھ گیا
محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔ اسلام ٹائمز۔ دریائے چناب میں پانی کے بہاؤ میں اضافے کے بعد قادر آباد بیراج پر اونچے جبکہ مرالہ اور خانکی بیراج پر درمیانے درجے کا سیلاب ریکارڈ کیا گیا ہے۔ محکمہ انہار کے مطابق ہیڈ مرالہ پر پانی کی آمد ایک لاکھ 95 ہزار 856 کیوسک جبکہ اخراج ایک لاکھ 60 ہزار 108 کیوسک ریکارڈ کیا گیا، جہاں درمیانے درجے کا سیلاب ہے اور پانی کے بہاؤ میں اضافہ ہو رہا ہے۔
خانکی بیراج پر پانی کی آمد ایک لاکھ 65 ہزار 438 کیوسک اور اخراج ایک لاکھ 60 ہزار 108 کیوسک ریکارڈ کیا گیا، جہاں نچلے سے درمیانے درجے کا سیلاب ہے۔ محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار