وزیر اطلاعات پنجاب عظمیٰ بخاری کی جانب سے اپوزیشن لیڈر کے خلاف ہتکِ عزت کا مقدمہ دائر
اشاعت کی تاریخ: 23rd, January 2026 GMT
وزیر اطلاعات پنجاب عظمیٰ بخاری نے اپوزیشن لیڈر پنجاب اسمبلی معین ریاض قریشی کے خلاف پنجاب ڈیفیمیشن ایکٹ 2024 کے تحت پہلا ہتکِ عزت کا مقدمہ دائر کر دیا ہے۔
عظمیٰ بخاری کی جانب سے ڈیفیمیشن ٹریبونل لاہور میں دائر درخواست میں 8 کروڑ 40 لاکھ روپے ہرجانے کا دعویٰ کیا گیا ہے۔
یہ بھی پڑھیے: کیا پنجاب حکومت نے مریم اورنگزیب اور عظمیٰ بخاری کے میک اپ کے لیے 4 کروڑ روپے منظور کیے؟
درخواست میں مؤقف اختیار کیا گیا ہے کہ معین قریشی نے ایک نجی ٹی وی ٹاک شو میں وزیر اطلاعات پنجاب کے خلاف جھوٹے، من گھڑت اور ہتک آمیز الزامات عائد کیے، جن میں ان سے منسوب 150 سے 200 پیڈ افراد کو اسمبلی میں داخل کروانے کا الزام شامل ہے، جو سراسر بے بنیاد ہے۔
عظمیٰ بخاری کے مطابق یہ متنازع بیان ٹی وی اور سوشل میڈیا پر نشر ہوا جسے لاکھوں افراد نے دیکھا، جبکہ پی ٹی آئی کے آفیشل اکاؤنٹ پر بھی اسے شائع کیا گیا۔
یہ بھی پڑھیے: شدید تنقید کے بعد شفیع اللہ جان نے عظمیٰ بخاری سے متعلق بیان پر معافی مانگ لی
درخواست کے ساتھ ویڈیو کلپس، اسکرین ریکارڈنگز اور ٹرانسکرپٹس بطور شواہد عدالت میں جمع کرائے گئے ہیں۔ عظمیٰ بخاری کا کہنا ہے کہ ان جھوٹے الزامات سے ان کی عزت، وقار اور ساکھ کو شدید نقصان پہنچا، جبکہ یہ الزام بدنیتی، عناد اور غیر ذمہ دارانہ رویے کا مظہر ہے۔
ڈیفیمیشن درخواست میں عام، تعزیری اور خصوصی ہرجانے کی تفصیلات شامل کی گئی ہیں۔ درخواست گزار کے مطابق دعویٰ کا سبب 28 دسمبر 2025 کو پیدا ہوا اور عدالت لاہور کو اس مقدمے کا مکمل دائرہ اختیار حاصل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب عظمیٰ بخاری ہتک عزت.
ذریعہ
ذریعہ: WE News
کلیدی لفظ: ہتک عزت
پڑھیں:
پٹرولیم مصنوعات کی قیمتوں میں مسلسل چوتھے روز اضافہ
پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا اور ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے۔ اسلام ٹائمز۔ حکومت کی جانب سے پٹرولیم مصنوعات کی نئی قیمتوں کا اعلان کردیا گیا۔ پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا، جس کے بعد پٹرول کی نئی قیمت 331 روپے 52 پیسے فی لٹر مقرر کر دی گئی ہے۔ ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے، جس کے بعد ڈیزل کی نئی قیمت 378 روپے 66 پیسے فی لٹر ہو گئی ہے۔
پیٹرولیم ڈویژن کے مطابق پیٹرول اور ڈیزل کی نئی قیمتوں کا تعین اوگرا کی جانب سے کیا گیا ہے جو آج رات 12 بجے سے کل رات 12 بجے تک نافذ العمل ہوگا۔ واضح رہے کہ گزشتہ روز حکومت کی جانب سے پٹرول کی قیمت میں 6 روپے 39 پیسے فی لٹر جبکہ ہائی سپیڈ ڈیزل کی قیمت میں 7 روپے 83 پیسے کا بڑا اضافہ کیا گیا تھا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار