کراچی: سوئی سدرن کا گھریلو صارفین کو گیس کی مکمل فراہمی کا فیصلہ
اشاعت کی تاریخ: 23rd, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: سوئی سدرن گیس کمپنی نے گھریلو صارفین کو ریلیف دیتے ہوئے گیس کی مکمل فراہمی جاری رکھنے کا فیصلہ کر لیا ہے، تاکہ عوام کو روزمرہ امور میں کسی قسم کی مشکلات کا سامنا نہ کرنا پڑے۔
سوئی سدرن کے ترجمان کے مطابق گھریلو صارفین کو معمول کے مطابق گیس دستیاب رہے گی، تاہم گیس کی طلب اور سپلائی میں توازن برقرار رکھنے کے لیے صنعتی شعبے کو عارضی طور پر گیس کی فراہمی معطل کی جا رہی ہے۔ کمپنی کا کہنا ہے کہ صنعتوں اور سی این جی اسٹیشنز کے لیے گیس ہفتے کی صبح 8 بجے سے بند کی جائے گی، جو پیر کی صبح 8 بجے تک معطل رہے گی۔
سوئی سدرن کے مطابق یہ فیصلہ سرد موسم کے دوران گھریلو صارفین کی ضروریات کو ترجیح دینے کے لیے کیا گیا ہے، کیونکہ سردیوں میں گھریلو سطح پر گیس کی کھپت میں نمایاں اضافہ ہو جاتا ہے۔ کمپنی نے صنعتوں اور سی این جی مالکان سے تعاون کی اپیل کرتے ہوئے کہا ہے کہ یہ اقدام عارضی ہے اور حالات معمول پر آتے ہی گیس کی فراہمی بحال کر دی جائے گی۔
ذریعہ
ذریعہ: Jasarat News
کلیدی لفظ: گھریلو صارفین گیس کی
پڑھیں:
کراچی میں 2 سال قبل شروع ہونیوالی مفت شٹل سروس کمرشل بنیاد پر چلائی جارہی ہے
کراچی سے دوسرے شہروں میں جانے کے لیے شہر میں جگہ جگہ قائم بس اڈے دو سال پہلے ختم کرکے شہر سے باہر منتقل کر دیے گئے تھے، شٹل سروس کیلئے مخصوص گاڑیاں اپنے اصل کام کے بجائے کمرشل بنیادوں پر مسافروں کو براہ راست کراچی سے حیدرآباد لے جارہی ہیں۔
حکومت نے مسافروں کی سہولت کے لیے مفت شٹل سروس شروع کی تھی تاکہ مختلف مقامات سے مسافروں کو کراچی بس ٹرمینل پہنچایا جا سکے، مگر یہ شٹل سروس اب ٹرمینل تک محدود نہیں رہی بلکہ روٹ پرمٹ کے بغیر کمرشل بنیادوں پر کراچی سے حیدرآباد تک بھی چلائی جا رہی ہے۔
محکمہ ٹرانسپورٹ سندھ نے اگست 2024 میں آپریشن کرتے ہوئے شہر کے مختلف انٹر سٹی بس اڈے ختم کیے اور بڑی کوچز کے شہر میں داخلے پر پابندی عائد کی تھی۔
مسافروں کی سہولت کے لیے وزیر ٹرانسپورٹ شرجیل انعام میمن نے مفت شٹل سروس شروع کرنے کا اعلان کیا تھا۔ ایک سوال کے جواب میں انہوں نے بتایا تھا کہ تقریباً 50 شٹل گاڑیاں چلائی جا رہی ہیں تاکہ مسافروں کو مختلف مقامات سے کراچی بس ٹرمینل پہنچایا جا سکے۔ لیکن شٹل سروس کیلئے مخصوص گاڑیاں اپنے اصل کام کے بجائے کمرشل بنیادوں پر مسافروں کو براہ راست کراچی سے حیدرآباد لے جارہی ہیں۔
ادھر ٹرانسپورٹرز اپنی سواریاں مختلف ذرائع سے کراچی بس ٹرمینل تک پہنچا رہے ہیں، جس کے اضافی اخراجات بھی انہیں خود برداشت کرنا پڑ رہے ہیں۔
محکمہ ٹرانسپورٹ کا بتانا ہے کہ اس روٹ کے لیے شٹل سروس کے پاس کوئی روٹ پرمٹ موجود نہیں۔
جیو نیوز نے اس حوالے سے کراچی بس ٹرمینل انتظامیہ سے مؤقف لینے کی کوشش کی، مگر ان کی جانب سے کوئی جواب نہیں دیا گیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار