لاہور میں بسنت کی اجازت کے بعد پتنگ اور ڈور کی تیاری
اشاعت کی تاریخ: 24th, January 2026 GMT
لاہور میں بسنت کی اجازت کے بعد پتنگ اور ڈور کی تیاری کا عمل ایک بار پھر روایتی انداز میں جاری ہے۔
کاریگر صبح سے شام تک پتنگیں اور ڈور تیار کرنے میں مصروف ہیں۔ کاریگروں کا کہنا ہے کہ تیاری کے تمام مراحل میں حکومتی ایس او پیز پر عمل پیرا ہیں۔
2007 کے بعد حکومت پنجاب کی جانب سے بسنت منانے کا اعلان کیا ہوا، اس کاروبار سے وابستہ رہنے والے اور پتنگ بازی کے شوقین افراد میں تو جیسے جان ہی پڑگئی۔
شہر کے مختلف علاقوں میں حکومتی لائسنس ہولڈر پتنگ اور ڈور تیار کر رہے ہیں۔
پتنگ ساز محمد شاہد کا کہنا ہے بسنت کی اجازت سے کاریگر بہت خوش ہیں۔
وزیراعلیٰ پنجاب مریم نواز نے کہا ہے کہ پنجاب کے عوام کو اُن کو خوشیاں لوٹانے آئی ہوں، بسنت 500 سال پرانا تہوار ہے۔
ڈور ساز محمد آصف کا کہنا ہے ڈور کی تیاری میں منظور شدہ نمبرز کے دھاگے لگا رہے ہیں۔ ڈور کی قیمتوں کا تعین مارکیٹ کے رجحان کے مطابق کیا جائے گا۔
بسنت کی خوشیوں کو دوبالا اور ماضی کی یادوں تازہ کرنے کے لیے پتنگ باز وقت سے پہلے پتنگ اور ڈور کی بکنگ کروانے کی دوڑ میں لگے ہیں۔
کاریگروں کا کہنا ہے خام مال کی محدود دستیابی کے باعث قیمتوں میں اضافے کا خدشہ ہےـ
لاہور میں بسنت کی مشروط اجازت کے بعد پتنگوں اور ڈور کی تیاری زور و شور سے جاری ہے۔ پتنگ سازوں کا کہنا ہے کہ وہ حکومتی ضابطوں کے تحت صرف محفوظ اور منظور شدہ مواد استعمال کر رہے ہیں۔
.
ذریعہ
ذریعہ: Jang News
کلیدی لفظ: پتنگ اور ڈور ڈور کی تیاری کا کہنا ہے اور ڈور کی بسنت کی کے بعد
پڑھیں:
مون سون کا طاقتورسپیل ، جھل تھل ایک ہوگیا،2 وکلاء کے چیمبر گرگئے
لاہور سمیت ملک کے مختلف علاقوں میں ہونےوالی مون سون کی بارش نے جل تھل ایک کردیا۔لاہور میں مون سون کا سپیل زور شور سے جاری ہے اورعلی الصبح سے ہونے والی موسلا دھار بارش سے نشیبی علاقے زیرآب آگئے ہیں۔واسا لاہور کی جانب سے اب تک ہونے والی بارش کا ریکارڈ جاری کردیاگیاہے جس کے مطابق جیل روڈمیں 28.5، ایئرپورٹ میں 263، ہیڈ آفس گلبرگ میں 52، لکشمی چوک میں 25، اپر مال کے علاقے میں 114.4، مغلپورہ میں 129، تاجپورہ میں 155، نشتر ٹاؤن میں 56.4، چوک ناخدا میں 62، پانی والا تالاب میں 27.2، فرخ آباد میں 23.4، گلشن راوی میں 18، اقبال ٹاؤن میں 54.2، سمن آبادمیں 32، جوہر ٹاؤن میں 81، ڈیفنس روڈ میں 45، شادی پورہ میں 132.4 ، سگیاں میں 22.2اور مناواں میں 106 ملی میٹر بارش ریکارڈ کی گئی،سب سے زیادہ 263 ملی میٹر بارش ائیر پورٹ پر ریکارڈ کی گئی ہے ۔لاہور میں ہونےوالی موسلادھار بارش سےسیشن کورٹ میں سینئر قانون دان پیر مسعود چشتی سمیت2 وکلاء کے چیمبر گرگئے،پیر مسعود چشتی کا چیمبر کافی عرصے سے خالی پڑاتھا،چیمبر کی چھت بارش کے پانی کا بوجھ برداشت نہ کر سکی اورگرگئی،شدید بارش کی وجہ سے ماتحت عدالتوں میں سائلین نہ پہنچ سکے۔ دوسری طرف آئی جی پنجاب نے پولیس کو حادثات اور ناگہانی صورتحال میں امدادی سرگرمیوں میں شرکت کی ہدایت کرتے ہوئے کہاہے کہ پولیس افسران اور اہلکار بارش سے متاثرہ علاقوں میں انتہائی مستعد ہو کر ڈیوٹی انجام دیں،سپروائزری پولیس افسران بارش زدہ علاقوں میں امدادی سرگرمیاں خود مانیٹر کریں، بارش کے مزید امکانات کے پیش نظر پولیس افسران اور اہلکار الرٹ رہیں،کسی بھی ہنگامی صورتحال میں فوری ریسپانڈ کریں۔ملک کے دوسرے حصوں کی طرح ضلع خیبر کے باڑہ اور جمرود کے علاؤہ وادی تیراہ کے پہاڑوں پر بھی ہونے والی بارش سے موسم خوشگوارہوگیا لیکن ندی نالوں میں طغیانی اور دریائے باڑہ میں درمیانے درجے کا سیلاب ہے ،جولائی کے مہینے میں دسمبر جیسے سردی محسوس کی جارہی ہے،پہاڑی علاقوں میں بارش سے ندی نالوں میں طغیانی آگئی ہے،ضلعی انتظامیہ اور ریسکیو کی جانب سے حفاظتی انتظامات مکمل کرلئے گئے ہیں جبکہ ندی نالوں کے قریب جانے پر پابندی کی خلاف ورزی پر دوافرادکو گرفتار بھی کرلیاگیاہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا