’نلوں میں دوڑتے پھرنے کے ہم نہیں قائل‘، شدید سردی کے سبب پائپ لائنس میں پانی جم گیا
اشاعت کی تاریخ: 24th, January 2026 GMT
بلوچستان کے بالائی اور شمالی علاقوں میں خون جما دینے والی سردی نے معمولاتِ زندگی کو بری طرح متاثر کر دیا ہے۔ اگرچہ برفباری کا سلسلہ رک چکا ہے، تاہم سائبرین ہواؤں کے باعث درجہ حرارت میں شدید کمی ریکارڈ کی جا رہی ہے، جس کے نتیجے میں شہریوں کو پانی، آمدورفت اور روزمرہ ضروریات میں شدید مشکلات کا سامنا ہے۔
یہ بھی پڑھیں:شدید برفباری نے ملک کے بالائی علاقوں کو مفلوج کر دیا، فوجی ریسکیو آپریشن، این ڈی ایم اے اور پی ڈی ایم اے کے الرٹس جاری
میڈیا رپورٹ کے مطابق کوئٹہ، قلات، چمن اور زیارت سمیت مختلف علاقوں میں گھروں کی پائپ لائنوں میں پانی جم گیا ہے، جبکہ تالابوں اور سڑکوں پر بھی پانی منجمد ہو چکا ہے۔ پینے کے پانی کی قلت کے باعث شہری شدید پریشانی میں مبتلا ہیں۔ کوئٹہ زیارت شاہراہ کئی مقامات پر برف سے ڈھکی ہوئی ہے، جس سے ٹریفک کی روانی متاثر ہو رہی ہے۔
سخت موسمی صورتحال کے پیش نظر آئندہ 24 گھنٹوں کے لیے سیاحوں کے زیارت جانے پر پابندی عائد کر دی گئی ہے، جبکہ این 50 ژوب ہائی وے بھی مختلف مقامات پر بند کر دی گئی ہے۔ چمن، قلعہ عبداللہ، زیارت، پشین، توبہ اچکزئی اور دیگر علاقوں میں سردی کی شدت کے باعث نظامِ زندگی مفلوج ہو کر رہ گیا ہے۔ بالائی اور پاک افغان سرحدی علاقوں میں درجہ حرارت منفی 12 ڈگری تک گرنے کی اطلاعات ہیں۔
انتظامیہ کی جانب سے صورتحال سے نمٹنے کے لیے نمک پاشی اور جدید مشینری کے ذریعے برف ہٹانے کا عمل جاری ہے۔ نیشنل ہائی وے اتھارٹی کے مطابق بالائی علاقوں میں پھسلن سے بچاؤ کے لیے شاہراہوں پر نمک پاشی کا سلسلہ جاری رکھا گیا ہے تاکہ آمدورفت بحال کی جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان سائبریریئن ہوائیں شدید سردی نل جم گئے.
ذریعہ
ذریعہ: WE News
کلیدی لفظ: بلوچستان سائبریریئن ہوائیں علاقوں میں کے لیے
پڑھیں:
مون سون کا طاقتورسپیل ، جھل تھل ایک ہوگیا،2 وکلاء کے چیمبر گرگئے
لاہور سمیت ملک کے مختلف علاقوں میں ہونےوالی مون سون کی بارش نے جل تھل ایک کردیا۔لاہور میں مون سون کا سپیل زور شور سے جاری ہے اورعلی الصبح سے ہونے والی موسلا دھار بارش سے نشیبی علاقے زیرآب آگئے ہیں۔واسا لاہور کی جانب سے اب تک ہونے والی بارش کا ریکارڈ جاری کردیاگیاہے جس کے مطابق جیل روڈمیں 28.5، ایئرپورٹ میں 263، ہیڈ آفس گلبرگ میں 52، لکشمی چوک میں 25، اپر مال کے علاقے میں 114.4، مغلپورہ میں 129، تاجپورہ میں 155، نشتر ٹاؤن میں 56.4، چوک ناخدا میں 62، پانی والا تالاب میں 27.2، فرخ آباد میں 23.4، گلشن راوی میں 18، اقبال ٹاؤن میں 54.2، سمن آبادمیں 32، جوہر ٹاؤن میں 81، ڈیفنس روڈ میں 45، شادی پورہ میں 132.4 ، سگیاں میں 22.2اور مناواں میں 106 ملی میٹر بارش ریکارڈ کی گئی،سب سے زیادہ 263 ملی میٹر بارش ائیر پورٹ پر ریکارڈ کی گئی ہے ۔لاہور میں ہونےوالی موسلادھار بارش سےسیشن کورٹ میں سینئر قانون دان پیر مسعود چشتی سمیت2 وکلاء کے چیمبر گرگئے،پیر مسعود چشتی کا چیمبر کافی عرصے سے خالی پڑاتھا،چیمبر کی چھت بارش کے پانی کا بوجھ برداشت نہ کر سکی اورگرگئی،شدید بارش کی وجہ سے ماتحت عدالتوں میں سائلین نہ پہنچ سکے۔ دوسری طرف آئی جی پنجاب نے پولیس کو حادثات اور ناگہانی صورتحال میں امدادی سرگرمیوں میں شرکت کی ہدایت کرتے ہوئے کہاہے کہ پولیس افسران اور اہلکار بارش سے متاثرہ علاقوں میں انتہائی مستعد ہو کر ڈیوٹی انجام دیں،سپروائزری پولیس افسران بارش زدہ علاقوں میں امدادی سرگرمیاں خود مانیٹر کریں، بارش کے مزید امکانات کے پیش نظر پولیس افسران اور اہلکار الرٹ رہیں،کسی بھی ہنگامی صورتحال میں فوری ریسپانڈ کریں۔ملک کے دوسرے حصوں کی طرح ضلع خیبر کے باڑہ اور جمرود کے علاؤہ وادی تیراہ کے پہاڑوں پر بھی ہونے والی بارش سے موسم خوشگوارہوگیا لیکن ندی نالوں میں طغیانی اور دریائے باڑہ میں درمیانے درجے کا سیلاب ہے ،جولائی کے مہینے میں دسمبر جیسے سردی محسوس کی جارہی ہے،پہاڑی علاقوں میں بارش سے ندی نالوں میں طغیانی آگئی ہے،ضلعی انتظامیہ اور ریسکیو کی جانب سے حفاظتی انتظامات مکمل کرلئے گئے ہیں جبکہ ندی نالوں کے قریب جانے پر پابندی کی خلاف ورزی پر دوافرادکو گرفتار بھی کرلیاگیاہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار